The african orchid

50×60

Oil on Canvas


By : moi :P~

The art of Orientalisme

لا أنكر ان فن الإستشراق أحد أجمل الأشياء فيما يتعلق باللوحات الفنية ، بالنسبة لي ، وهي السبب الوحيد الذي جعلني أحب الرسم ، الى جانب كونها في بعض الحالات نوافذ تاريخية الى طبيعة الحياة الإجتماعية وتسجيل بالصور للوقت الذي رُسمت به اللوحة ، قد لا تكون موجودة في الكتب بغض النظر طبعا عن التفصّخ الحاصل لبعض البورتيريهات النسائية .



بدأ هذا النوع من الفن في نهاية القرن الثامن عشر ، حيث كان الشرق عالما من السحر المجهول بالنسبة للغرب وخاصة الرسامين منهم ، بألوانه الدافئة والمتنوعة المليئة ، فنون العمارة ، الأسواق المكتضة العبقة بالتوابل ، بإختصار هي بلاد الألف ليلة وليلة كما كانوا يحبون أن يروها ، سواء كانوا من الفرنسيين والإيطاليين أو الإنجليز ، حيث ان عادات الحياة اليومية بأدق تفاصيلها كانت تعتبر مورداً غنياً بالنسبة لهم وربما وصلت الى حد الهوس .



ويجب ان نعلم ان فن الإستشراق لا يعتبر مدرسة كتصنيف أكثر من كونه أسلوب في الرسم ، اعتمدوا فيها على الواقعية والمصداقية فيما كانوا يرونه ويستشفونه ، مع وجود البعض منهم ممن كانو يبالغون عند رسمهم للغرف الخاصة للنساء وهي اماكن يصعب عليهم دخولها " بس منو يدري ؟ محد طبعا " ، يقول الشاعر الفرنسي فكتور هوغو :

" هذا الشرق وطن الفكر الصافي.... يمنح الفنانين موضوعات تقودهم أبعد من مواطن العصور القديمة أو الانجيل و التوراة إلى أراض مجهولة، يرغب كل مبدع في اكتشافها "

ربما تكون بعض الكتب والعوامل التجارية والإستعمار من أهم العوامل التي ساعدت على إشعال مخيلة هؤلاء الرسامين وتغذيتها بما تركوه لنا من لوحات رائعه لهذه الحقبة من الزمن .

اترك لكم بعض مما اجمعه من صور لها :

Eygptian Market
by Joseph Farquharson RA, 1846-1935

Beirut and Mount Lebanon by Edward Lear, 1812-1888

تتوقعون منو لقيت
سلسة من سلسة إصدارات هيفاء

لكنها من القرون الغابرة


Haifa by Leon Francois Comerre .

fallaha with her child by lecomte-vernet- 1864










young girl by lecomte vernet- -1869

Ruins of the Temple of the Sun at Baalbec by David Roberts 1861

يالله عفوك

،؛،.. يالله عفوك ..،؛،

يالله عفوك يوم تصفية الحساب ..
.. يوم حصاد لما زرعنا في السنين

يوم الحشر قرب ولا معنا زهاب ..
.. اليوم في الدنيا وبكرة راحلين

نجني ذنوب ونرتجي عفو وثواب ..
.. وعلى نصر ربي لنا مستعجلين

تدرون ليه آمالنا كنها سراب ..
.. تدرون ليه النصر سيف الأوليين

الأوليين أعمالهم وفق الكتاب ..
.. قاموا عليه وباعوا الدنيا بدين

وحنا غفلنا بين مالذ وطاب ..
.. والنصر سيف ما يسله غافلين

نصبح على شوف انتهاكات وخراب ..
.. ونمسي على دمع وتنهات وونين

بصدورنا شي تذوب اله الهضاب ..
.. وأفعالنا والواقع رياح .. وطحين

وعلى العيون من الفتن مثل الضباب ..
.. معد درينا من يسار ومن يمين

ما للضيف الا الدعا لو ما يجاب ..
.. ما غيره الا الشوف مكتوف اليدين

يالله زلزل تحت الأعداء التراب ..
.. والطف بنا واحقن دماء المسلمين

ندعوك يا قادر على جعل السحاب ..
.. جيش لنصرة قلة مستضعفين

أغرقهم بنوع من أنواع العقاب ..
.. غرق الغلام اللي يحسب انه فطين

لوما عصى نوح نجا به في رحاب ..
.. سفينته وأمضى معه في العمر حين

لكنه اختار الخساره والذهاب ..
.. اصنع بهم صنعك به وانت المتين

والا اخذهم يا مجري سود الحقاب ..
.. أخذ العجوز اللي بقت في الغابرين

ذوقهم اللهم أنواع العذاب ..
.. اللي عثوا في أرضك أمن المفسدين

وألطف بمن لبسوا من التقوى ثياب ..
.. عبادك المستهدفين المتقين

تكالبت عليهم أنياب الذئاب ..
.. ولا غير عونك يا معين الصابرين

من بينهم شيبه يعجزون الشباب ..
.. من وقفته من طولها في الركعتين

ومن بينهم بنت تون بلا حجاب ..
.. أحجابها لفوا به الجرح المكين

تصيح ماهو من ألم ولا صواب..
.. تبغى الحجاب اللي خذوه المسعفين

وطفل عن عيون أمه الثنتين غاب ..
.. تبكيه عين وتلتفت لأخيه عين

من هول ما يجري لهم شاب الغراب ..
.. يا وسع حلمك وانت ما فوقك مدين

أدعيك وانت ادرى بحال أهل المصاب ..
.. وأمد كفي لك يا أكرم الأكرمين






لقائلها الشاعر محمد المرّي


صوتية
Thanks ..Ms lonly lavandier

Ramadan ( the horror season )

تهنئة

بسابق الخلق لجل أهنيك برجــوعه
يا جعله مبارك عليك الشهر الفضيل
إنت الأول.. واللي بعدك يحب كوعه
زين مني..وانا اشوفهم عندي قليل
وثوابك على ضماه وعلى جوعه
جنات داني قطفها عند الإله الجليل

احس نفسي شريرة على هالعنوان
المهم

مبارك عليكم الشهر
وجهزو عدتكم
للعبادة والملاغة

اهم شي دعايات الأكل
المكثفة
ما يبط جبدي غير السمبموسة
لييييييييش ما تصير ذهبية نفس اللي بالتلفزوووون
@@
وهالمرة ماراح أستعرض عضلاتي في الطبخ والنفخ
حدييييي اتوهقت السنة اللي طافت لكثرة التحلطم
المُتجة ناحيتي عند كل وجبة بسبب الوعد
اللي طار بالهوا مع اول يوم ارمضان

وقرصة صغيرة حق وايد ناس مو أوادم

قد أدرَكنا أنَّ مَكَائِدَ الشَّيطانِ في الشَّهرِ مُكبلة ٌ

لَكن مِنْ أينَ سـَـــــيأَتي لِلهُبــلِِ فِيه ِتَكـــــبيلُ؟



:/


الله المُستعان

السنة اللي طافت لعنو خيرنا
بعد الفطور كلاا بجييييي
ما يسير ناكل ونبجيي ياربيييي







enjoy it ... *^___^*


.
.
.


نووووون

A girl from Kuwait..

After watching some galleries for a few designers & reading some tutorials i just give it a try , i was going to use the Illustrator program but i still can't understand the basic for it , it's little confusing & not easy to learn it alone like the photoshop .



it's my first time to draw with the free pen tool , but i really like the result , loooooooool .






A drawing ... by Me .. ;PpPp~~

Program : Photoshop CS 2

Layers : 58

Texture : 3







Non

Enter Her World ..

yeah.. this is a New design for my PC wallpaper ;) ..& i would like to share it with all ..


program : PS CS2
layer :15
pix : 1
brushes : 7
pattern : 2
1024 × 768 *

Designed by : nonalnessa

أحاديث مسائية

oil on canvas
50×30

احاديث مسائية
تجرأت اشوي وبديت أستخدم مواد ثانية
غير الألوان الزيتية
ريليف نحاسي ( يستخدم في فن الرسم على الزجاج )
غليتر ذهبي + أخضر
كنت حابة أدخل أقمشة بعد
بس ماتوفقت بقماش يدش مخي ويقنعني أدششه مع الرسمة
كخلفية للقسم اللي تحت الأحرف الأبجدية وعقبها أرسم فوقه الأحرف

:/

يعني
مشي الحال

نسيت أحط الثانية :P
عبارة عن صورة فوتوغرافية وانا رسمتها بالزيتي
بس كالعادة خربتها






نون

ماعلى الفرقى

We Have a Twins

20/6/2007

Well .. yeah we have a twins ..
يعقوب & يوسف ( Joseph & Jacob )
the first in the family ..

i don't know how to show my feeling , but it shows in this card.

saweet this card for them .. *^_^*

Program : PS CS2
Layers : 54
Brushes : Clouds + star dust + flowers
Texture : the grass

.
.

Non

in my dream

photoshop art design .. it takes from me ( i mean the girl).. only 3 days .
but unfortunately I started feeling fed up , ( as usual ) :/.. i don't know but if i started to do some thing really i hate to be corrupted .




soooooooooooo.. because i'm lazy girl, i just use a picture from the D-Art stock as a background & it was really perfect LooooooooL..



ohhhhhhh thank you ..thank you all.. wallah no need no need ..



In My Dream



Programme : Photoshop CS2

layers : 45

Brushes : 3 ( faires, star dust, swirly line )








LooooooooooooooL it's a nice mixing here ...


loser ..

السعلوة وبرق السما

الجزء الثاني من مجموعة الأطفال القصصية : عودة السعلوة سميرة { :/ ؟؟؟ }



الشخصيات :
البطلة الرئيسية : السعلوة الشريرة سميرة
البطل الرئيسي :هاني ( بو هلال )
بطلة مساندة :لولوة ( ام هلال )

كومبارس :
هلول واخوانه الصغار
عيال السعلوة الــ28




ما جانا وجاكم الا خير لفانا و لفاكم و شر تعدانا و تعداكم.. زور بن زرزور اللي عمره ما حلف ولا نطق زور.. ذبح بقه وترس سبع جدور.. وخلا الشحوم واللحوم على الصواني تدور .. كان في ذاك الوقت سعلوة تعيش وترعى في مزارع المنقف من غابر الزمن هالمزارع كانت تحرسها السعلوة سميرة وكان فيها ما شاء الله من الخضرا والزرع والنخل ، لكن الناس تخاف تدش هالمزارع بسبة السعلوة لأنها كانت تذبح أي شخص يقرب صوب المنقف .


ويات على الناس سنة فقر ، والكويت في ذيك الأيام حياتها صعبة مو سهالات مثل هالأيام اللي يبي يعيش ..يسعى ورى رزقه .. والله قال اسعى يا عبد وانا اسعى معاك ، لكن مشيئة الله كانت هالسنة فقر وقحط على الديرة ..لأن السفن اللي راحت الهند تأخرت على الناس ، يقولون ان حاشتها عاصفة وضاعت في البحر ، ولا وصل العيش ولا البهار ولا الملح ، والناس وقف حالها ومرت ايام صعبة .


في بيت من البيوت ، عايلة بو هلال ، ريال على قد حاله عنده دكان اصغيير يبيع فيه كل شي .. هالدكان تصكر بعد اللي صار ، لكنهم كانو عايشين ويحمدون الله على كل حال ، وفي يوم من الأيام قرر هاني انه يروح القنص ، كانو اهله مشتهين يذوقون اللحمه ، ومن زمان ما شبت نار في بيتهم..

ويتجهز هاني ويلبس هدومه ، وياخذ الشوزن ، وجنطة التخييم واتييله لولوة ( ام هلال ) وتوقف عند باب الدار وتطالع ريلها والحزن مالي قلبها :

لولوة : خلاص يا هاني بتروح وبتخلينا ؟
هاني : شسوي يا لولوة ؟؟ قوليلي.. تبين العيال يموتون يوع وانا اتم اطالع.. ما أقدر يا لولوة .. ما أقدر ..

تمشي لولوة صوب ريلها وعيونها متروسة دموع : لا تروح اي لاف يوو ....وتقضب لولوة بدشداشة ريلها واتصيح .

هاني : يلااا عااد.. يا لولوة ها...شفيج هديني بتشقين الدشداشة مفصلها بالشي الفلاني عند عبد الرضا كاكاوي .
لولوة : اي شدشادة انت الثاني .. ريلييييييييييييي إهيء إهيء.. تكفى لا تروح أخاف عليك من المنقف وسعاليها .

هاني :الحافظ الله يا لولوة.. ويحتظن هاني زوجته ويقبلها على جبينها .. ينظر الى عينيها : ما أوصيج هلوول واخوانه ..

لولوة :وااااي لاااء... لااااااااااء ريليييييي . ( تبجي بحرقة )

ثم يصطفق هاني وخرج ليداري دموعه عشان لا تشوفه لولوة زوجته الحبيبة ويتقطع قلبها فوق ما اهو متقطع وراح الى مصيره المجهول الذي ينتظره في مزارع المنقف المظلمة .

صرخة فراق في الحشا تشعل و ترعش بي *
لمفارق الخل اللي بصوته يخضر انا عشبي
غافي بعيني و سيرته بالفؤاد تنعش بي

حافظك ربي وبكل خطوة لك سنابل خير
يا رايح للبعيد كل غايتي ترجع لي بخير
تكحل ايامي بشوفتك .. وتزيد خيرها خير

ياللي مر غيابك هز كوني كله وارعش بي

ويصلها بعد مسيرة يومين على حصانه التعبان يصل هاني الى المزارع ، وكانت غاية الجمال ، تسر العين حين ما رأى ، وتسر القلب بخضرتها على امتداد البصر ، ينزل هاني وياخذ فرة في المكان حوله ..
الللللله إشحلات هالمكان .. شنو هالخضار ؟؟ شنو هالماي ؟؟ وينج يا لولوة ؟؟ وينكم يا عيال ؟؟عشان تشوفون..
وتطمن قلب هاني لما شاف المكان يختلف عن سوالف الناس عنه وعن سعاليه ..

لأنه ما يدري شنو بيصيرله ، وليّلت الليلة الليلاء ، ليلة ما فيها قمر ، وقرر هاني يخيّم ويرتاح علشان يطلع الصبح القنص ، ويطلع خيمتة اللي تتصفط وججك جك بم ولا زاهبه .

وجهز جيس النوم وشب النار ، وتقلقص داخلها لأنه كان ضيج عليه شوي ، هاني متن عقب الزواج مو مثل ايام العزوبية ، المهم... ولا يحس بشيء صوب ريوله.. مد إيده ولا شنو @@


جيس مجبوس ذاتي التسخين جر شريطته وتسخن واكل البسكوت وياكل ويبجي ..


طاحت الدمعه من عين هاني الوالد الرحوم ، تذكر اعياله وتذكر لولوة اللي حطتله آخر علبه أكل كانت بالبيت ، أكلها واهو في داخل قلبه عزم انه يدرلهم وايده ملياانه عشان يفرح قلوبهم ، واندعس بجيسه ونام هاني وفي قلبه اهله وديرته ، نام المسكين ومايدري ان هاذي آخر مرة راح يشوفهم ، نام ومايدري منو اللي كان يرقبه من بعييييييييد .



ولييييييييييييييييييييييييييييييييييييييييييييييييييين

ايييي كانت السعلوة سميرة ، منخشة وترقبه من بعييد ، تنطره ينام ، وتطفى النار اللي شبها ، لأن السعالي معروف عنها تخاف من النيران ، والسعلوة هالمرة كانت تناظر هاني وفي شي مختلف حصل ، هالمرة السعلوة حبت هاني من أول نظرة ، حست قلبها ينبض لهاني ، خوهاني مزيون ينحب السعلوة حبته كانت وحيده في هالمزارع ، فقررت السعلوة خلال هالليلة انها تاخذ هاني حقها ، واتقرب صوب الخيمة ، واتقرب ، واتقرب ، ايلين صارت جدامها وتسحب السعلوة الخيمة وهاني داخلها واتحطه على ظهرها ، واحفرت حفرة بالأرض وخذته معاها تحت القاع لبيتها ، ولا عين رأت ولا أذن سمعت .


بعد فترة يصحى هاني ، ويتلفت يمنة ويسرة ولقى نفسه مربط وقاعد على كرسي ..
يا ناس يا بشر.. شسالفه ؟؟ ( يسولف مع نفسه )

والسعلوة قاعده جدامه وتناظره وتسبل بعيونها من شدة حبها له بس من أين طاح حظج لا تسبلين ..خاف هاني من المنظر وقام يصارخ ويصارخ ، ولا من أحد يجيبه سوى السعلوة سميرة :

السعلوة : لا تصارخ.. محد بيسمعك غيري إنت تحت القاع.. ماكو فايدة عيوني .
يحدق إليها هاني ويتوجس منها الريبة : انتي شتبين مني ؟ اتركيني ؟
السعلوة : اتركك ؟؟ ..ده بُعدك ؟؟ بعد ما لقيتك ما راح اهدك طول العمر ..فديتك
هاني : اعتقيني يالسعلوة ؟؟ خليني أرد حق عيالي ومرتي.. حرام عليج راح يموتون إذا مارديت لهم..

السعلوة : اعيالك بيموتون إذا ما نفذت طلباتي كلها .
هاني وبصوته نوع من الإستسلام : وشنو طلباتج بلااااا؟

السعلوة وقد احمر وجهها: تتجوزني
هاني ينظر إليها مدهوشاً : شنوووووووووو ؟؟ انا أتزوجج ؟ لييششش ؟ قللو بنات الديرة
السعلوة : اذا ما تزوجتني عيالك بيموتون ؟؟
هاني : تكفين يالسعلوة.. هديني.. هديمي وللي يرحم والديج خليني أرد حق أهلي . ( ميخالف الريّال بجى )

السعلوة : ماااكو ردة.. يا تتزوجني يا تموت ويموتون اهلك بعدك
هاني : إنزين عيالي ومرتي ؟؟
السعلوة :شوف.. اذا تزوجنا لك مني كل أول شهر اروح واحط جدام بيتهم جيس دنانير ذهب وجوال عيش بسمتي ونعيتين وحده ياكلون لحمها والثانية يحلبون منها ويسوون منها روب وحليب واذا يبون بعد يقدرون يسترزقون بالزايد عندهم.. إشرايك ؟ يا توافق يا تموت ؟

هاني : ها... لا يبه لالا موافق.. موافق وأمري لله
السعلوة : صج . صج هههههههه ألااااااااااااااي بتزوج.. بتزوج هياااااااااااااااااا ، وفرت السعلوة حوالين نفسها ولا يلقاها هاني لابسة نفنوف عرس وتضحك من فرط السعادة وهو جالس مربوط في كرسيه

.


وتمر أول سنة ، وتحمل السعلوة وتنجب من هاني 14 ولد و 14 بنت .

وكان هاني محروم انه يشوف الدنيا ، عايش تحت الأرض مع سميرة وعاش معاها ومع عياله منها ، وسميرة كانت ملعونة ما تخليه يصعد فوق الأرض وخصوووووصا ايام المطر والغيم ، لأن هاني بمجرد موافقته على الزواج من السعلوة سموور معناتها انه محى كل ذكرياته مع اهله وذاكرته تبدا من اللحظه اللي وافق على الزواج وإذا شاف البرق يتفجر الحنين في صدره وشوقه لشوف اهله وماراح يداويه شي إلا انه يرجعلهم ويهد السعلوة وحيده مثل ماكانت حتى لو انجبت منه قبيلة عشان جذي عاشو كل سنين زواجهم حياة زوجية سعيدة يوم ومرة يوم.

ومرت الأيام ويكبرون العيال ، وفي مرة من المرات قال حق اعياله : ها يا عيال شرايكم نروح البر ونشوي ونستانس هناك ، العيال استااانسوووا حيييل وقاموا يصيحون : اي يبا اي يبااا خلينا نروح ، بس سميرة ما رضت ،خصوصا ان الوقت كان وقت امطار ، لكن إصرار هاني وحنت اليهال خلوها تلين شوي بعد ما كلمها هاني :

هاني : سميرة ، خلينا نطلع فوق ولو بس هالمرة ، هالمرة بس والله ولهان اشوف الدنيا والسما ، انا عايش معاج كل هالسنين حرام عليج ودي اروح البر استانس وهم بعد عيالنا راح يستانسون وانتي بعد ..

وتوافق السعلوة بعد ما رق قلبها لكلام هاني ، بس موافقتها كانت على مضض بس لأنها تحبه :


يالباب المقفول بالحديد
افتحلي اقفالك من جديد
يالباب المقفول بالحديد
خل السعلوة تصعد للبعيد

وانفتح الباب واصعدوا كلهم فوق ، والعيال انتشروا بهالبران بعيد عن المنقف ، وزهب هنووي الخيام والدوة وهالفحم ، والسعلوة اقعدت ابعيد اشوي لانها تخاف النار ، وقعد هاني يشوي اللحم والعيال مستانسين ، وسميرة ماغير تخيط بهالسدو ، تبي اتسوي فرشة يديدة للبيت ، فجأة ولا يعتفس الجو عليهم وشدت الريح عليهم ، السعلوة خافت لا يصير اللي كانت ما تبيه يصير ، ونادت العيال من ابعيييييد :

يا عيااال يا عيااال
يا غايتي والمنال

بدقايق كلهم عندها ، وبدت تلم بأغراضها عشان يردون تحت الأرض ، وهاني شال الفحم ودخله داخل الخيام ومندمج يشيل بأغراضه وينادي السعالي الصغار عشان لا يباعدون، والعيال ماهمهم شي غير اللعب ، واتغيم الدنيا وتطل السعلوة على هاني خااافت عليه وخافت عليه من البرق لا يشووفه لأنه الحنين اللي بقلبة بيكون اقوى من حبه لها ولعيالها الثمانية وعشرين ، واركضت السعلوة علشان تاخذ هاني وتروح فيه تحت الأرض قبل لا تبرق الدنيا ، لكن البرق كان أسرع منها ، ورفع هاني راسه للسما وشاف البرق ، اهني صرخت السعلوة صرخة حزن اهتزت لها الأرض من فرط الحزن اللي كان فيها.

السعلوة : لااااااااااااااااااااااااااااااااااااااااااااااااااااااااااااااء

هاني لما شاف البرق قط كل شي كان بيده ، وبدى يتلفت وعيونه مليانه دموع ، يدور اهله ونسى سميره وطوايف سميره ونسى حتى عياله اللي كانوا جدامه ، حنينه للديره واهل الديرة ولولوة وهلال واخوانه كان أقوى من كل شي ، صار مثل المينون ، يبي بس يمشي ويردلهم والسعلوة تبجييييي وتبجييييي ما تبيه يروح ويتركها ، لكن هاني قالها بالحرف الواحد :

هاني : مثل ما خذتيني بالغصب يا سميرة راح أرجع بالغصب ، انا مالي قعده اهني عندج ، اشتقت حق مرتي ، اشتقت حق عيالي يا سميرة ، انا عشت وياج ، ، ويبت منج عيال واجمعتني معاج ايام ما راح انساها ، بس كانت كلها نهيبه يا سميرة ، نهيبة .


وشال اغراضه ، ومشى هاني عن السعلوة تاركا إياها وهي تبكي ، ورجع هاني لزوجته ام هلوول اللي ماصدقت اللي قاعده تشوفه ، ما صدقت ان هاني رجعلها بعد كل هالسنين ، واخذت منه عهد انه ما يرجع المنقف ومزارعها طول عمره .

عهدٍ علي ماترك انا خلي وهل الدار *
مهما علي جار الزمن وخلاني ودار
ولو القهر تجمع من حولي داير دار

ماترك ناسٍ وقت ضيقتي سندوني
وخلوني ماي(ن) لهم ما يرتفع نخل دوني
واذا لحظة جفيت بدم قلوبهم نادوني

ياللي ضلوعي صارت لغلاهم دار

اما السعلوة ، فكانت كل ما لمع البرق في السما يشدها حنينها لهاني و تحدّر من المزارع وتروح الديرة وتطل على الإنسان الوحيد اللي حبته ، تشوفه اهو وعياله ايلين ما تصبح الشمس وتخلي عند باب دارهم كيس دنانير ذهب تكفي هاني ايلين ما يبرق البرق ثاني مرة ، وترجع للمنقف وهي باكية على ما ضيعته .

تبرق بروق القلب لامني ذكرتك
تغسل هموم صدري سيرة امطارك
يشدني شوقـن من يوم اللي تركتك
من شدته فيني جابني لي باب دارك





تمت

نون

القصة كتبتها قبل سنتين ونصف لم يتغير فيها شيء
مجرد بعض الإضافات الصغيرة ،والإختلاف في طريقة السرد



(*)
مشروع زهيرية