Home

29 Mar 2006

Again & Again


شسوي بعد ماكو شغل...جان أصور اللي يطلعلي وقعدت اتحلطم عليه



مادري شنو المشكله
أو وين المشكله بالضبط ..قصدي


يمكن هذا الإيميل المليون اللي انسى باسوورده
أبي أبجي..
أبي أيميلي ..
أبي باسووردي..

:s200420:


استغفر الله ياربي.. الصيف قرب
وبوادر الخواره بدت تظهر رويداً رويداً
:s20047:



* مع ان الظاهر انها حلت واستحلت ومنِّي تمكنت
وتسدحت :s200418:..قبل جم رايحة السوق ونسيت وين صافطة عزوز
نقعني مطر السرايات وأنا أدور عليه :s200430:
مرة ثانية بركِّب عليه علم يشب ليتات .. اذا طقيت على
هذا اللي يبطل السيارة من غير سويج
ما أعرف اسمه صراحتن



هوووووووووف



11 Mar 2006

الى أبي مع التحيه




من متى هان عندك انام وخاطري منك مكسور
ومن متى سهله تشوف الغلط وماتقوّم اعوجاجه
ومن متى صار ابتعادي عنك من تفاهات الأمور
حتى ما تجي داري وتقول يابنتي هو فيج حاجه؟

يايبه كثّر الله خيرك مابي منك شي ومــشكور
لكن تراني وصلت في حزني الى عنق الزجاجه
رايقه ايه وابتسم بس الوضع في داخلي مخطور
وشـلون ترضالي الـظما وبيدك من الما ثجاجه

لاتخليني احفر في جدار الجرح وديان وبحور
وانت الذي تملك تهـده واتعـجـل بانـفراجه
صرنا مثل الغُرب والحجي مابيننا محــصور
مستحل فينا البرد ودرب الوصل مطفي سراجه

طلبتك.. يبه وانا ادري انت ما منك اقــصور
طلبتك..لاتخلي زماننا يدور ويعمينا عجاجه
عسى ربي يهدي ويبعد عن قلوبنا كل اشرور
وعساني ماقول لغير جلالته انا لك محتاجه


.
.

نون

10/3/2006

8 Mar 2006

EVE



Note :
تمت إزالة رابط اللوحة



بالألوان المائية
رسمتها قبل سنة ونص
شفتها وانا قاعده اسوي بحث عن لوحات
للمستشرقين..!!

وضيعت اللينك مالها فاسويتلها سكيتش
ولونتها بعد فترة


ترا مبين عليها كانها مركبه تركيب
لووول لانها كبيرة واضطريت اسويلها
سكان على أجزاء
^_^



.
.


نون