Home

26 Sep 2006

آلووو ..اول الأسبوع رحمة



طجو طجه هني ترا خوش موضوع

^
^

الله يرحم ذيج الأيام
إييييييييييييييييييييييييييييييييييييييه
( ايقاعات على شوية مراويس لووول )


.
.
.


انا مريضة




امي : نون هاج اخذي اللبن والقلاصات
انا : انا مريضة



امي : نون قطي علي الريموت
انا : انا مريضة



امي : نون امشي ماتروحين عند فلانة دقت علي
انا : يمااا انا مريضة وين نروح؟


امي : نون قومي عشان السحور
انا : مريضه مريضه


شكلها امي تعوذت من ابليس وطوفتها لي
بس امس لااااااا وألف لاااا

من قلتلها انا مريضه
شبت علي

#@%%......*(*&&^%$#$@!ّ_+...



@@
اوووووله يمه كل هذا حاقده علااااااي؟؟

ههههههههه ولماذا لماذا يا أماه

ماذا فعلت لك

حتى تفعلي بي هذا

يارب السمااااااااااااااااااااااااااااء

( عادي مرات اتييلي عرات لغة عربي )


مو لوعتي جبدي محد مريض غيرج؟؟

كل ما اقولج على شغله مريضه

ومرض زييييييين

آفة

عليتي قلبي


إييييييييه يمه مريضه
تبيني اشرحلج احاسيسي التبعانه
حتى تشعري بي؟؟

( صاده عني تطالع التلفاز )


انا : والله والله من صج وصجيج اتحجىىى

امي : يلا ترا بعد اشوي توديني صلاة التراويح

يمه صلاة المرأة في بيتها افضل لها وتاخذ أجر مثل الأجر اللي تاخذه
لو راحت المسيد و يمكن زود بعد

الحريم اللي يروحون المسجد مو احسن مني

هذول ما يستحون هادون بيوتهم وماشين تالي الليول

( حاطه صبعها براسها )كييييييييييفي انا ما استحيييييييي بعد

هههههههههههههههههههههههههههههه
هههههههههههههههههههههههههههههه

شسوي بعد بوديها اليوم وأمري لله
لكني مصرة على سالفه صلاة المرة فبيتها
اسسسسسسسسسف ما أغير راييي


.
.


طبقي الأول بعد سنة وجم شهر قطيعة هيااا
بس لاااا صج صج حبايتو كتير كتير
وحبوه بعد كتير كتير

إللي اهووووووووووووو


.
.
.
.
.
.
.
.
.
.
.
.
.
.
.
.
.
.
.
.
.
.
.


ولا شي صراحة

ما لحقت أسوي شي
امس يالله صحصحت وصرت أشقح من فوق العرفج
يالله لك الحمد والشكر
ومو مشكله لاحقين جدامنا لثاث اسابيع وشوي

*^___________^*



^
^
^
كلش انتي مو من النوع اللي يوعد ولا يوفي بالوعددددددددددد





.
.



هدية حلوة

ماكو هدية موقعهم واخترب حسبي الله على ابليس
عااد والله كان حلو
المهم
انا سويت بيتا ما بيتا

شنوو هذا
عفست الدنيا
اشوى ما حطيت ابلوقي الي اهو بلوقي

بيتا


.
.
.
.


تجنبوها


حلو ان احنا نعود اعيالنا على الصلاة لا مو حلو قصدي واجب وحلو ان احنا نربي اعيالنا أيضا على روحت المسجد والصلاة مع أبائهم بس مو حلو وخصوصا في شهر رمضان الكريم والشهر الوحيد اللي تروح فيه الحريم للمسجد اصطحابهم أطفالهم للمسجد واللي أطلق عليهم اطفال مرحلة الفم الباكي لأن اربع وعشرين ساعه بتبجبجون.

* فيه إزعاج للمصلين وتشتيت لهم وأيضا ازعاج للنساء المصليات يعني يا حجيه فهمي عاد لا اتيبين اعيالج واذا ماعندج احد يقعد معاهم جزاج الله خير لا اتيين المسيد وتاخذين ذنوب .

* لطنازة في شهر رمضان الكريم على اللي نشوفهم شادين همتهم في قراءة القرآن أو الإكثار من الصلاة والنوافل .. احنا نقول ياباغي الخير أقبل ومافيها شي اذا حسينا ان فلان ولا فلانة امسكو القرآن ولا كثروا من عمل الخير في هالشهر


تكود بهالأكل ابيييه امس رايحة الجمعيه والنااااااااااااااااااااااس زحمممممة احس كأن داشين حرب و خمط ومخامط على الأكل
امي بغت ما تكفخني بجنطتها كل ما اقضبت شي يمه اشتبين فيه؟ يمه اشتبين فيه ؟
جبي جبي انا جاية الجمعيه بشتري اغراض بيتي ما اشتري يعني ؟؟ روحي نادي ابوج خل يشوف الهريس هذا زين ولا لأ ...

بس صراحة أحلى شي يوم أشوف بنتين تقريبا بعمر السبع أو ثمان سنوات وحده منهم لابسة حجاب وعباية راس وشايلة جنطه
بيدها امبيييييه اتقول مرة جبيرة مو بنوتة ياهل قعدت اطالعها : ويييه لابسة عباية الراس احسن مني يوم لبستها مرة وتعرجبت فيها عند باب السيارة وااي كانت وايد كيوت بس عاد اشماله عباية الراس ومادري شنو البنت توها ياهل @@

البنت الثانية موتتني من الضحك كانت بطبوطة اشوي وتركض بممرات الجمعيه وتصارخ

انا الشيخ صباااااااااااااااااااااااااااااااااااااااااح اناااا اناااا الشييييييييييييخ صبااااااااااااااااااااااااااااااااااااااااااااااااااااح
هااايااااع هااااععااااهههههاااع انااااااااااااااااااااااا الشييييييييييييييخ صووووووبااااااااااااااااااااااااااح انا انا انااااا
وتركض وماده ايدينها جنها طيارة
وتقولها من قلللللللللللللللب

وااااي انا وقفت وقعدت أضحكككك على المنظر اللي مادري شلون قايل ؟؟

ابيييه مو كأني شطحت عن الموضوع @@


لا بس خلاص جذي

:)



19 Sep 2006

ومبارك عليكم الشهر



اشهالغلاا قطييعه



والمشكله هالخياطين جلااااب ونصاابين
ويييييلااه .. طرق العباية ماافيها شغل غير جم شغله ناعمه يبيها بثمانية وسبعين دينار

اي ليش يمه؟؟؟ حق اشحقه ؟؟
ماما هذا فيها كرستال
كرستال؟؟ وينه خنشووف @@...
ألحييييييييييييييييييييين هذا بثمانية وسبعين دينار؟؟؟
ماما هذا ما يطيح .. انته يسوي غسل هذا ما يصير خراب
اييييييييي نفس عبايتك الأولية ما يطيح وما يطيح نصهم طاحو من أول غسلة
لالا ...ماما ....ها ها <<< عاد يقعد ضحكته البارده وامي واقفة عند راسي : نون!! هاذي تبين تشترينها مب حلوة وهاذي وهاذي
وشوفي ومني ومناااك واشرايج بهذي حلوة لا ؟

يمااااااااااااااااااااااااااااااا الحين انا اشتريتها؟؟؟؟ اخذتها ؟؟حطيتها بالجيس ؟؟؟قااعده اطالع يا يمه
يلا يلا ..امشي امشي ماعدج ذوق آقوووول
يماااا عاااااااااااااد ....

هههههههههههههههههههههههههههههههههههههه واااااااااااااااااي
أرد حق الهندي واللي وياه تاخذ القياسات

انزين لو فيها مووديل ولا شغل قلنا ميخالف
بس عاد مو جذي نهييييبة امصيييييييييييييبه صابتكم

عبااية يووبا اسمها عباااه عبااه خو مو داشه بوتيك دولتشي وغابانا



.
.
.


الطرارين

http://www.gn4me.com/gn4me/content_img/dream112991.gif


أدري احنا ياينا شهر كريم وفضيل وعمل الخيرات شي طيب والله بيجازينا عليه لكن الشغله أيضا نهب ونصب.

سؤال الناس للحاجة شي غير حضاري صراحه ... وايد أصادف حريم ورياييل بصحتهم وعافيتهم يطرون

قبل فترة كنت مع بنت عمي ويالنا ريّال أعطيه خمسة وثلاثين سنه كعمر يطر مننا الدينار ولا الربع دينار
وطلع لي ورقة حتى ماقريت شنو فيها وقعد يقصلي ان اخوه عليه قضيه ويبي علشان فلوس المحامي وعلشان يصرف على عائلتين

طبعا قلتله : الله يعطيك ياحجي ويغنيك عن سؤال الناس طبعا اهو ماراح ولزق ولما شاف التجاهل مشى
والله العظيم استحيت عنه ريال طول وعرض وبصحتك ليش ما تشتغل؟؟

واحد ثاني من جنسية آسيوية يطلعلي ورقة انه ما يقدر يتكلم ... انزين عندك ايدين وعندك اريول وبصحة وعافية والشغل ما يحتاج لسان ليش ما تشتغل لو اتجر عربانه بالجمعية ليييييييش ما تشتغل وتمنع عن نفسك ذل السؤال من الناس وعطوك ولا ماعطوك ؟؟

عن أبي هريرة رضي الله عنه : أن رسول الله صلى الله عليه وسلم قال : " والذي نفسي بيده لأن يأخذ أحدكم حبله فيحتطب على ظهره فيتصدق به على الناس : خير له من أن يأتي رجلا فيسأله أعطاه أو منعه "

استغفر الله .. كأنه قاعد يشكي ضيقته اللي الله مقدرها عليه للناس......@@
التعفف زين والله اللي يقدرلك رزقك مو الناس اللي تسألهم ..



.
.
.

اشوي شوي علينا يرحمكم الله


ومبارك عليكم الشهر وكل سنه اتعودونه بالصحة والعافية يارب بس هالشهر هذا مو للأكل والحلويات أكثر منه استزادت الروح من هالجو التعبدي واللي يشرح القلوب .. سبحان الله احس براحه بهالشهر وكل ضيقة في صدري تتلاشى مع اول يوم انويه للصيام .

ولا السفر الرمضانية العامرة من كل مالذ وطاب من الهريس واليريش واللقيمات والتشريب والسمبوسة والكبه والشوربات والسلطات
و وووووو.... إيلين تطق على راسك .. وأخرتها تاكل لقمة لقمتين والباجي ينقط والله حرام نعمة الله هاذي .. يقولون صوموا تصحوا
مو صوموا وانفجروا بالبلع ..

وهذا غير دعايات الأكل الكثيرة في هالشهر لدرجة كل خمس دقايق فواصل إعلانية وكلها أكل وأنواع الرقص والمزيكا حتى الدياي يرقص هههههههههه وهم بعد غزو المسلسلات للفضائيات لعنبو داركم قبل مسلسل واحد للكبار وواحد للصغار ... بس والله كانو حلوين خاصة

مدينة الرياح وعلقم علقم مرر ومدلقم
وفوازير رمضان مالت شيريهان ريما وحااليمااه وفاطيمااه وفوازير ونيللي
ودارن درا ودارن مادرى وعن الدندره لوووول
ولا ابو الحروف في المناهل : اقوى من الشدة.. اطول من المدة .. احدُّ من السين .. اهدا من السكون ..
انه الرجل الطائر .. انه الرجل العجييييييييب .. انه ابو الحرووووووووف.

هذا مناسب وايد للناس الغير ناطقين باللغة العربية الصحيحة علشان لا يصير عزاء للغة الضاد اللي حزت بخاطر الأخ انينموس بالبوست الأخير هاهاهاها


الله يكافينا شر القرقيعان هالسنة بنشوف اشكثر بيهلقون هالنوبة :/ ؟


.
.
.

أبي كحل والله العظيم



اي والله ابي كحل قلم جاف مو سائل احم احم
مايسيح وتحت مايسيح تعش مليون خط مليت والله مليت
لانكوم يسيح
كلارنس يسيح
جفنشي يسيح
حتى القلم الذهبي مال أول يسيح
لالالالا لا تقولون هم بعد هم يسيح كل شي يسيح
انا وحده كريكره اتقوول اشتغل على الكهربا
اربعه وعشرين ساعه كركركركركركركركركر والعين سايحه من لدموع
عاد ما شاء الله العايلة والمحيط الأصدقائي والمجتمعي ايساعد لووووووووووووووووول..
المهم تجاربكم بنات ..
لا امانة والله صج ما يصير جذي
عااااااااد عااااااااد :""""""""""""(

.
.
.

راح أتفنن بالمطبخ لوووووول


لا صج انا قاطعه وعد للوالده إني أدش المطبخ هالرمضان وأقعد اتفنن لها بالطباخ
الله يعين باجر اللي ناسيته على النار
ولا اللي حاطه السكر بدال الملح ههههههههههههه
امي تتحلطم علي طول الوقت ....اشكبرج ما اتدشين المطبخ ...وكل ابنيه نالها من هالطشار
واحنا اذن من طين واذن من عجين...
لووووووول أذكر مرة لبست القفازات الصفر مالوت النايلون وقعدت أقصص البصل والطماط والدياي
كنت بسوي صينية دياي مع عيش هاهاهاهاها واااااااي من الخداي اللي فيني نسيت العيش على النار
وفي غمرة العفسة جان أحط صينية الدياي بالثلاجة بدال الفرن لوووووووووووووووووووووول
أي شي ...

:D بس هالمرة لالا ماراح يكون من هذا القبيل أبدا
وبعد راح احطلكم من هالأطباق اللي أسويها بس طبعا أيصير خير
.
.
.




وهالبطاقات عشانكم


واحد

( خلفيتها مخلصة عمرها من أول شغلي اغلبه على المؤذنه والزخرفة اللي حولها )
ياالاااا شنسوي شغل ناس يعانون من الحساسية الموسمية هاهاها ابيييييييييييه المنظر المنظر..
بروح بيتنا ابركلي كأني يابانية طاقينها بوكس على عينهاا ..
افففففففففففففففففففففف ملااقه


Photobucket - Video and Image Hosting


اثنينه


( لا عاد هاذي تعبت فيها اشويه )


Photobucket - Video and Image Hosting

ابييه مو شي اللي يهد التصميم ويردله فجأة

T_T





ثثلاثة


هههههههه هاذي قديييييمة أيام المنتدى على ما أذكر كانت أول أنيمي أسويه
بس أحبها صراحة .... أبي احطهااااااااااا
T_T

Photobucket - Video and Image Hosting




ومبارك عليكم الشهر... وعساكم اتعودونه مع اللي تحبونهم

11 Sep 2006

Flash Back


.
.
.





آه يالأسمر يازين
حبك أسرني وغرامك
غير ألواااااااااااااني



.
.






محال محاااااال محاال
عمر المحال ما يصير
ومحال اعيش انا حب خالي من التقدير
فكرت انا فكرت وقررت انا قررت


^
^
مال أطلع حق هاذي اللي تسولف
واعطيها كف عباسي
أخلي راسها يدور
خربت لاغنيه



ويا حيا الله ابو الوجه الصبوحي
ويا حيا الله ابو القلب النصوحي


لووووول كل ما اتذكرها اتذكر أول
لما يبطل تلفزيون لكويت ويحطون اغنيه
صباح الخير ياكويت
ياكويت ياكوييييييييييييييييييت
وحاطين صورة شمس تطلع من ورى البحر
اعيونها اكبر من اعيوني لوووول


.
.
.







.
.
.




تأخرتي

كله اخلط بينها وبين خليتيني شماااته
تأخرتي تأخرتي
وخليييييتيييني شماااته <<<< شكووووووووووو؟؟
اتعب على المكس عاااد


لا للرجوع
صح لسااانك بو خالد


.
.






.
.
.







البارحة
كل اشوي اتذكر شي
البارحه




.
.
.










.
.
.


;)







3 Sep 2006

غبية تفاصيل النساء

غَبِيَّةٌ أَحْلامُ النِساءْ..!!
تُحَرِّضُ عَلَى الحُبِّ
وَ بِكُلِّ شَرَاسَة ٍ
تُشَجِّعُ عَلَى مُمَارَسَةِ الغَباَء.

l

غَبِيَّةٌ فَلْسَفَةُ النِّسَاء..!!

فَمَا بَيْنَ الصَّفْحَةِ وَالصَّفْحَة

قِصَّةُ عِشْقٍِ ..

َومَابَيْنَ الَخطْوَة وَالخَطْوَة

مَوْعِدٌ فَلِقَاءْ ..


غَبَيَّةٌ قُلُوبُ النِّسَاءِ جِداً
عِنْدَما تَسْتَعِرُ صُدُورُهُنَّ
بـِ " أحبك "
في زَمَنٍ أُصِيبَ رِجَالُهُ بِالشِّتاء..


غَبِيَّةُ أَيَّامُ النِسَاء..
إِذَا مَا صَحَوْنَ عَلَى تَرَانِيمِ
فَيْروزْ..
وَغَفَوْنَ عَلَى سَلْطَنَةِ السِّتْ
كُلَّمَا إِفْتَرَسَهٌنَّ المَسَاء.


وَغَبِيَّةٌ حُقُوقُ النِّسَاء أَيْضاً.. ههه
نَبَشوا قُبورَ الوَأْدِ في صَحَاري قُرَيْش
لِيَنْفُضُوا عَنْها التُراب..
وَقَدْ سَرَقُوهَا قَبْلاً
لُقْمَةً مِنْ فَمِ السَّمَاء.



وَالله العَظيم



غَبِيَّةٌ تَفاصِيلُ النََّسَاء..!
ثَرْثَرَةُ النِّسَاء

رَائِحَةُ النِّسَاء
قَلَمُ الكُحْلِ
العَبَاءَة
وَثَوْبَ النَّشْل
وَأَوْراقُ الحِنَّاء في ضَفائِرِهِنَّ

إِذا مَا ضَاجَعْنَ أَكَاذِيبَ
رَجُلٍ إِمْتَهَنَ في أَجْسَادِهِنَّ
مَسْرَحِيَّةَ البَغَاءْ..!