Home

19 Sep 2006

ومبارك عليكم الشهر



اشهالغلاا قطييعه



والمشكله هالخياطين جلااااب ونصاابين
ويييييلااه .. طرق العباية ماافيها شغل غير جم شغله ناعمه يبيها بثمانية وسبعين دينار

اي ليش يمه؟؟؟ حق اشحقه ؟؟
ماما هذا فيها كرستال
كرستال؟؟ وينه خنشووف @@...
ألحييييييييييييييييييييين هذا بثمانية وسبعين دينار؟؟؟
ماما هذا ما يطيح .. انته يسوي غسل هذا ما يصير خراب
اييييييييي نفس عبايتك الأولية ما يطيح وما يطيح نصهم طاحو من أول غسلة
لالا ...ماما ....ها ها <<< عاد يقعد ضحكته البارده وامي واقفة عند راسي : نون!! هاذي تبين تشترينها مب حلوة وهاذي وهاذي
وشوفي ومني ومناااك واشرايج بهذي حلوة لا ؟

يمااااااااااااااااااااااااااااااا الحين انا اشتريتها؟؟؟؟ اخذتها ؟؟حطيتها بالجيس ؟؟؟قااعده اطالع يا يمه
يلا يلا ..امشي امشي ماعدج ذوق آقوووول
يماااا عاااااااااااااد ....

هههههههههههههههههههههههههههههههههههههه واااااااااااااااااي
أرد حق الهندي واللي وياه تاخذ القياسات

انزين لو فيها مووديل ولا شغل قلنا ميخالف
بس عاد مو جذي نهييييبة امصيييييييييييييبه صابتكم

عبااية يووبا اسمها عباااه عبااه خو مو داشه بوتيك دولتشي وغابانا



.
.
.


الطرارين

http://www.gn4me.com/gn4me/content_img/dream112991.gif


أدري احنا ياينا شهر كريم وفضيل وعمل الخيرات شي طيب والله بيجازينا عليه لكن الشغله أيضا نهب ونصب.

سؤال الناس للحاجة شي غير حضاري صراحه ... وايد أصادف حريم ورياييل بصحتهم وعافيتهم يطرون

قبل فترة كنت مع بنت عمي ويالنا ريّال أعطيه خمسة وثلاثين سنه كعمر يطر مننا الدينار ولا الربع دينار
وطلع لي ورقة حتى ماقريت شنو فيها وقعد يقصلي ان اخوه عليه قضيه ويبي علشان فلوس المحامي وعلشان يصرف على عائلتين

طبعا قلتله : الله يعطيك ياحجي ويغنيك عن سؤال الناس طبعا اهو ماراح ولزق ولما شاف التجاهل مشى
والله العظيم استحيت عنه ريال طول وعرض وبصحتك ليش ما تشتغل؟؟

واحد ثاني من جنسية آسيوية يطلعلي ورقة انه ما يقدر يتكلم ... انزين عندك ايدين وعندك اريول وبصحة وعافية والشغل ما يحتاج لسان ليش ما تشتغل لو اتجر عربانه بالجمعية ليييييييش ما تشتغل وتمنع عن نفسك ذل السؤال من الناس وعطوك ولا ماعطوك ؟؟

عن أبي هريرة رضي الله عنه : أن رسول الله صلى الله عليه وسلم قال : " والذي نفسي بيده لأن يأخذ أحدكم حبله فيحتطب على ظهره فيتصدق به على الناس : خير له من أن يأتي رجلا فيسأله أعطاه أو منعه "

استغفر الله .. كأنه قاعد يشكي ضيقته اللي الله مقدرها عليه للناس......@@
التعفف زين والله اللي يقدرلك رزقك مو الناس اللي تسألهم ..



.
.
.

اشوي شوي علينا يرحمكم الله


ومبارك عليكم الشهر وكل سنه اتعودونه بالصحة والعافية يارب بس هالشهر هذا مو للأكل والحلويات أكثر منه استزادت الروح من هالجو التعبدي واللي يشرح القلوب .. سبحان الله احس براحه بهالشهر وكل ضيقة في صدري تتلاشى مع اول يوم انويه للصيام .

ولا السفر الرمضانية العامرة من كل مالذ وطاب من الهريس واليريش واللقيمات والتشريب والسمبوسة والكبه والشوربات والسلطات
و وووووو.... إيلين تطق على راسك .. وأخرتها تاكل لقمة لقمتين والباجي ينقط والله حرام نعمة الله هاذي .. يقولون صوموا تصحوا
مو صوموا وانفجروا بالبلع ..

وهذا غير دعايات الأكل الكثيرة في هالشهر لدرجة كل خمس دقايق فواصل إعلانية وكلها أكل وأنواع الرقص والمزيكا حتى الدياي يرقص هههههههههه وهم بعد غزو المسلسلات للفضائيات لعنبو داركم قبل مسلسل واحد للكبار وواحد للصغار ... بس والله كانو حلوين خاصة

مدينة الرياح وعلقم علقم مرر ومدلقم
وفوازير رمضان مالت شيريهان ريما وحااليمااه وفاطيمااه وفوازير ونيللي
ودارن درا ودارن مادرى وعن الدندره لوووول
ولا ابو الحروف في المناهل : اقوى من الشدة.. اطول من المدة .. احدُّ من السين .. اهدا من السكون ..
انه الرجل الطائر .. انه الرجل العجييييييييب .. انه ابو الحرووووووووف.

هذا مناسب وايد للناس الغير ناطقين باللغة العربية الصحيحة علشان لا يصير عزاء للغة الضاد اللي حزت بخاطر الأخ انينموس بالبوست الأخير هاهاهاها


الله يكافينا شر القرقيعان هالسنة بنشوف اشكثر بيهلقون هالنوبة :/ ؟


.
.
.

أبي كحل والله العظيم



اي والله ابي كحل قلم جاف مو سائل احم احم
مايسيح وتحت مايسيح تعش مليون خط مليت والله مليت
لانكوم يسيح
كلارنس يسيح
جفنشي يسيح
حتى القلم الذهبي مال أول يسيح
لالالالا لا تقولون هم بعد هم يسيح كل شي يسيح
انا وحده كريكره اتقوول اشتغل على الكهربا
اربعه وعشرين ساعه كركركركركركركركركر والعين سايحه من لدموع
عاد ما شاء الله العايلة والمحيط الأصدقائي والمجتمعي ايساعد لووووووووووووووووول..
المهم تجاربكم بنات ..
لا امانة والله صج ما يصير جذي
عااااااااد عااااااااد :""""""""""""(

.
.
.

راح أتفنن بالمطبخ لوووووول


لا صج انا قاطعه وعد للوالده إني أدش المطبخ هالرمضان وأقعد اتفنن لها بالطباخ
الله يعين باجر اللي ناسيته على النار
ولا اللي حاطه السكر بدال الملح ههههههههههههه
امي تتحلطم علي طول الوقت ....اشكبرج ما اتدشين المطبخ ...وكل ابنيه نالها من هالطشار
واحنا اذن من طين واذن من عجين...
لووووووول أذكر مرة لبست القفازات الصفر مالوت النايلون وقعدت أقصص البصل والطماط والدياي
كنت بسوي صينية دياي مع عيش هاهاهاهاها واااااااي من الخداي اللي فيني نسيت العيش على النار
وفي غمرة العفسة جان أحط صينية الدياي بالثلاجة بدال الفرن لوووووووووووووووووووووول
أي شي ...

:D بس هالمرة لالا ماراح يكون من هذا القبيل أبدا
وبعد راح احطلكم من هالأطباق اللي أسويها بس طبعا أيصير خير
.
.
.




وهالبطاقات عشانكم


واحد

( خلفيتها مخلصة عمرها من أول شغلي اغلبه على المؤذنه والزخرفة اللي حولها )
ياالاااا شنسوي شغل ناس يعانون من الحساسية الموسمية هاهاها ابيييييييييييه المنظر المنظر..
بروح بيتنا ابركلي كأني يابانية طاقينها بوكس على عينهاا ..
افففففففففففففففففففففف ملااقه


Photobucket - Video and Image Hosting


اثنينه


( لا عاد هاذي تعبت فيها اشويه )


Photobucket - Video and Image Hosting

ابييه مو شي اللي يهد التصميم ويردله فجأة

T_T





ثثلاثة


هههههههه هاذي قديييييمة أيام المنتدى على ما أذكر كانت أول أنيمي أسويه
بس أحبها صراحة .... أبي احطهااااااااااا
T_T

Photobucket - Video and Image Hosting




ومبارك عليكم الشهر... وعساكم اتعودونه مع اللي تحبونهم

44 comments:

~ se3loah ~ said...

كل عام وانتي بخير يا أدج بنت بالكويت

أسمعي انتي قصتك قصة مع هالعبي , فيه محل بالرياض خطير عنده شغلات حلوه ورخيصة بعد
والأحلى انه بمكان غير معروف ولا الكل يروح له.

الغريب , اني أشوف فيه أشكال من طبقة عالية جداً ومستحيل تشوفينها في سوق شعبي
:p


والكحل , جيبي أي قلم كحل -ويفضل الكحل الذهبي أبو ريالين - :p
حطيه تحت الاستشوار ثانيتين قبل ما ترسمين فيه
صدقيني يثبت ويصير سواده غامق

صــوفيا said...

ومبارك عليج الشهر وتعودينه مع اللي تحبينهم :)


بالنسبة للعبايات فـ
طبعا معروف هالنصب السعر بدل لا يصير زيادة عليه 5 يصير زيادة 20 @@
! مقصة بس


وإن شاءالله نشوف الأطباق المستقبلية :P
يعطيج العافية والله على البوست الرائع -كالعادة-

أحلى شي الصورة الأخيرة
:P


<< ها ليلحين مجهولة الهوية ؟ :)

Fuzzy said...

ماشاء الله بوست دسم
:)
هذا شنو اللي عباية اب 80 ! وين هذا عبايات السعيد هاهاها
والله ظاهرة الطرارة منتشره والحكومة غاضه البصر عنهم ! انا عندي اللي يبيع كلنكس عند الاشارة - طرارة مقنعة - اهون من اللي يمد ايده ويطر دينار اون نص دينار ولا حول ولا قوة اللا بالله

انا برمضان ما آكل .. من يأذن شوربة وحلويات هاهاها و بس ! اصير مثل النملة ادور الشيرة برمضان
ومن ناحية الطبخ .. اعتقد صنع الحلويات وايد اونس من طبخ الاكل العادي والمجابيس تعالي قشري بصل وثوم هاهاها

ماشاء الله خوش تصاميم وايد عجبوني البطاقات .. ممكن اقتبسهم واعايد فيهم على ربعي ؟ ان قلتي اي مشكورة وان قلتي حقوق الطبع محفوظه ببوقهم وراجعي ادارة الملكية الفكرية بوزارة الاعلام هاهاها

مبارك عليج الشهر مقدما وعساكم من عواده

سالفة قلب said...

بوستج مميز هالمرة عن كل مرة التنويعه اللي فيه حلوة واتونس

وبطايقج وايد ذربه ومرتبه

قولي آمين الله يبلغج رمضان وماتطلعين منه الا وانتي من المقبولين الفايزين برحمته والعتق من النار

العين الساهرة said...

خوش بوست، دسم على قولة فزى، جان كل موضوع بوست. بذمتج خياط يبيع العباية بهالسعر، روحى عباية نجد أحسن خوش شغل تاخذي عباية مع الشيلة ب60 دينار.

رمضان والأكل، أنا أحب أطلب حلو من المخبر الدانمركى، العام الماضى صادف أول يوم رمضان عطلة رحت أشترى منه تقولين الناس صارلهم يومين مو ماكلين ، خطر يطقون بعض ،إشدعوه يشترون كل أنواع الحلو، ويستمر الحال إلى منتصف رمضان بعدين يطخون

بصراحة أنا أشجع الوحدة إنها تتعلم الطبخ ترى متعة

بالنسبة للكحل، كلينيك زين بس جنى الحين غيروا القلم أول مثل قلم الرصاص ألحين يتبرى بس نوع الكحل غير بس ما يسيح ، اكو بعد ميك أب فور إيفر آيلاينر ضد الماء لو شنو ما يطلع

وعلى طارى الشحاتين ، من يومين نزلت من السيارة ولا واقفة تنطرى بنت شابه منقبة عباتها مرتبة وحاطة كحل تطر ، بصراحة ما سمعت سالفتها ومشيت

بس تعبت بقى شىء ماعلقيت عليه

تحيا سعاد حسنى

kitty said...

خووش تنويعه

ترى سعر العبايه يعتبر زين نوعا ما

ما شريت والله ذكرتينى احتاج وحده حق

التراويح والجيام ان شاءالله

اما عن الكحل نون عندى لج طريقه عشان

ما يسيح

حطى بودر كومباك ولا بودره بيبى جونسون

عند خط الرموش من تحت وخطى كحلتج

ما تسيييح انا مجربه

والبطاقات كالعاده رووعه

وعساج من عواده حبيبتى

SILVER RAIN said...

في عبايات وصلت للميتين

بس وديتج مرة عند محل الي خبرج

ليش ماتشترين منة

عباياتة كل البنات يسئلوني من وين افصل عباياتي سعرة حلو ومناسب

فصلي عندة :)

لاتعليق على الي يسئلون الدينار .. الحمدالله على نعمة المال

وكل عام وانتي بخير

وعساج من الصايمين الفايزين

^______________^

Mamloo7a Q8ia said...

مبارك عليك الشهر وجربي كحل روك القلم لونه ابيض
وما يسيح انا عكسك ام بجوه ودايما احتاج كحل ما يسيح

نون النساء said...

سعلوة :
وانتي ابخير و صحة وسلامه

وترا برمضان البوستات خا صة عن السعالي هههههههههههه


والله انا أليفة
ومسكينة حدييييي ههههههههه

عاد بهاذي انتي صاجة العبي الزينة ما اتلاقينهم إلا بالدواعيس على هالطاري

اكو محل اسمه المتحجبه أمبيه دخلته
قلت بجيك على عباياتهم وجودتها لقيتهم أي كلام وموديلاتها بايخه وإتييب المرض مادري على شنو غالية جذي ..انقول هذولااا بمجمع نعتبره كند كلاس وغالي اشوي

انزين خياطين العبيييييييييي ليش غالي
عباياتهم احلى بوايد من المتحجبه ب عاد مو نهييبه..






ماغيره هذا كحل الفراعنه ههههههههههه
بشتريه وأجربه وأمري لله شوي بعد




.
.
.

صووفياااا :

مبرووووووك على البلووووق
هههههههه

علينا وعليج يا حلوة


لا ماعليج بدورلي على نساب يعرف قدره
واتكون أحلامه على قده
مو يخيط عبي وعنده أحلام أرماني



لا إبشري بالأطباق الزينة أفااا عليييييييييييييييييج بس

نون النساء said...

fuzzy:

ماتدري يا فزي
العبايات صارت تنافس الماركات العالمية بأسعارهم


الطرارين مالهم غير الدقرة
قبل كانوا يقصون علي واعطيهم
الحينن لاااااااااا وألف لاااااا

ماعدا اليهال ما أقدر يكسرون خاطري
لأن اتذكر فلم امنا البتعه مال عمرو دياب يمكن ينطقون من اللي يشغلونهم
اذا ما يمعوا فلوس
:"""""""""""(
حرااااام


وعن الطباخ برمضان
لووووووول انا اطبخ علشان تكشخ امي فيني واتحر رفيجاتها على بو إنه شوفو بنتي تطبخ مو بناتج يافلانه خياس نوووم

لووووول امبيييييه صج حريم


والبطاقات مالهم حقوق يب يب

.
.
.

سالفة قلب :

علينا وعليج تبارك ان شا الله
عساه رحمة ومغفرة وعتق من النار لج وللي تحبينهم ولكل المسلمين يارب
مشكووووووورة

نون النساء said...

العين الساهرة :

شسوي أبي أقرق على راس أحد
فيني سوالف وايد

انا ماعندي اعتراض على السعر بس
على شرط يكون السعر اللي بقطه فيها
يستاهل اني ادفع
فيه ستين واكثر بس مو يبيعني شغله
ما تسوالها أربعين دينار بالشي الفلاني
لان سعر الخام معروف
بس هنووووود ملاعين..


احم احم معاج طباخة ماهرة اذا تغافلنا عن شغلة النسيان اللي فيني


وبجرب طريقتج وطريقه سعلوة مع من الحين ادري ماكو فايده


.
.
.


ســلفر :

تراااااااا هذااااا أكبر نصااااب
ماا تنلاام فيه أمج يوم تكم عليه بالخمص
لووووووول
عمااا بعااينووو


قبل فترة اسبوعين كنت رايحة اسلم على ناس يايين من البحرين امبيييه سلفر عباياتهم شنو اتينن يوم سألت البنات انصدمت انهم جاهزين مو فصال..
حتى خامتهم حلوة


بوصي يطرشولي منهم أجرب

نون النساء said...

kitty :

لو شايفتها جان غيرتي رايج


ويلا صار ثلاث طرق بجربهم اليوم
بما اني متغيبة عن العمل لووول

ومبارك عليج الشهر وعاج من عواده يااارب



.
.
.

مملوحااا :

roc <<<< جذي اسمه ؟؟

ســكون said...

رمضان كريم و عساكم تعودونه مع اللي تحبونه

فرصة الواحد يراجع حساباته
يدعم جانب الخير فيه
و ينوي بصدق على شرط العمل

و يسوي رجيم
:p


موفقة بالمطبخ و انشالله هالمرة كخطوة في
الطريق الصحيح نلاقي الصينية بالكبت
اللي يم الفرن و على السنة الياية تكون
كل الأمور مية مية
:D


الصورة الأخيرة عجيبة و باجي التصاميم حلوة
بعد




على فكرة "خربوط" يشبه واحد من الربع

رمضان كريم

>>Sama Oman said...

كل رمضان و أنتي بخير يا أحلة و أطعم نووون

لوووووووووول
أي والله بوست دسم و لذيذ بعد :)

سبقتيني والله و حكاية التفصيل و السوق

بعد يومين يمكن اخرج و أروح أناقش بدوري

لووول ...نفس الشيء عندنا
هذا جديد هذا موديل هذا و هذا ...بالنهاية كله مقصة و خداع

أنا أصلاً ما كنت البس هالجلابيات و العبايات...بس حكم الزمن
هاهاهاهاها
راحت الرشاقة وربما تعود يوما

الماكياج و الكحل..... لا أميل له كثيراً و لكن أجد الأفضل هو وضعة بالثلاجة إذا كان على شكل قلم .... حتى الليب لاينر حطية بالثلاجة أفضل.

برمضان كل شيء يندمر عندنا ...
و الأهداف من رمضان لا يعيها الكثير من الناس.

كله أكل و سمر و كأنة مهرجان

يعني اللي يمشي على ريجيك و يفكر يخس راح يندمر برمضان
وانا منهم
:"(

mishari said...

كل عام وانتى بخير

ما ادرى شعلق شخلى وايد اشياء
بس العباية حرام
الكحل ياحلوة على البنات
المطبخ الله يستر وما يتحرق
البطاقات صج فنانة واحترم ذوقج

Mamloo7a Q8ia said...

ايي اسمه روك
Roc
تلاقينه في فياصل وسواده حلو

نون النساء said...

سكون :

علينا وعليك تبارك

بس أي ريجيم؟؟
ألووو
ما أسمع
الخط بيئطشششششش


اما عن الطباخ مادري ليش بس
شكلي بهون ..



امانة صج@@ يعني اكو خربوط كويتي؟؟
لووووووووول



.
.
.

سما عماان :

اي والله يا سما
حَكَم الزماااان
عليااااا يا جمييييييييل
بعد شنسوي انا صارلي اربع سنين البس عبايه أول سنتين أي كلاام
لووووووووووووول يوم اي وعشرة لأ
بس عاااااااد قلتيها حكم الزماان



اذا على المكياج انا ما احط
بس الكحل
المكياج مو حلو علي يخليني جيكرة
<<<< هالشي متعبني نفسيا أبي أحطططططط


وماااااااااااكو ريجيم
لااااااا لااااااا
للريجيم
هالرمضان ناوية على سبعه كيلو
وبصير خمسة وستووون
<<<< يعني الشغله بكيفي يعني


.
.
.

mishari :

وانتا ابخير وصحة وسلامه
المطبخ لك عليه
مو أكيد يعني
إلا اذا الموضوع صار فيه
الشديد الئوي
X_X


وماعقب العود قعود
:P

.
.
.


مملوحه :

امس رايحه وجوه سألتهم عنه ماعندهم
لو أدري بفياصل جان مريتهم





وتراااااااااا جربت طريقة البودرة
على خط الرموش
ومانفعتششش

باجي طريقة سعلوة
وروك

Q8ya said...

جربي كحل ماك عجيب ...:)


وفي بدال الخياط الف خياط

;PpPp

كل عام وانتي بخير..:)

نون النساء said...

كويتية :

لووووووول لأنه قاهرني
خبرج مسوية عليهم تمشيط كلبووهم

بس أحسه أحسن واحد
:"""""(


يلا ماعليه خلصنا الحين
وفضى المخبى


بجرب
الأنواع اللي حطيتوها كلها

هاذي الساعه المباركة اللي يكون عندي
تعش ألف قلم كحل
واشوف الأحسن والباجي يترحلون حق امي

:P


وانتي ابخير وصحة وسلامه يااارب

neelaah said...

اليوم وايد كريمه بالبوست
حلو وايد

العبابيه ام ثمانين
انا اقول تركي عنج هالسوالف
رمضان انا يمكن الوحيده
اللي ما اشتري له هدوم دراريع او عبي

تريننج سوت و انقز

ثانيا الكحل
جربي مال مكياجي
انا معاي زين و ما يسيح

و انتي اكيد حلوه بالكحل او من غير كحل

مبارك عليج الشهر ياحلوة

نون النساء said...

نيله :

بعد عمرييييييي مشكوورة والله

لا ماعليج انا مالي خلق حق سوالف الدراريع وما دراريع كلهم دراعتين علشان حزت العزومة أو شيء من هذا القبيل عشان لا ياكلوني الحريم


والعباية ابيها حتى لبعد رمضان
لأني ألبس عباية برة نطاق زوارة الأهل


شو بدي ئلك لا ئلك
صاروا اقلام الكحل وايد ههههههه
بجربهم كلهم واعطيكم نتايج خبرتي
بعدها ببوست خاص للحريم

:P

FREEQ8 said...

أولاً:لاتعليق بس مصدقك غاليه
ثانياً:اييدك في كل ما قلتيه...وساعات تحس أن هؤلاء الناس يضحكون عليك ... بس الاعمال بالنيات
ثالثاً:معاك حق في ما قلتيه ...بس الزايد يوزع على الفقراء والمحتاجين رابعا: لا تعليق
خامساً: اذا هذه فعايلك ... انصحك لا تدشين المطبخ ...أخاف تحطين الهريس بالخلاط ...واليريش بالفريزر
سادساً:حلوه كل البطاقات بس الاولى احلى واحده

والله يعوده عليك بصحه وسلامه

نون النساء said...

غالية بس أبيها
:"""(
راضيه ينهبوني


:P
يمكن ما ادش المطبخ الله اعلم
بس انا الحين توهقت خلاص
قطعنا الوعد ووعد الحر دين عليه

<<< المبتلش شيسوييييييييي


وآمين يارب أجمعين

Jeff said...

"Knock, knock!"

"Who's there?"

"English-speaker!"

"English-speaker Who?"

"Jeff, the English-Speaker!"

"What do you want?"

"Just a small idea of what the nice pictures are--don't translate everything, but just give me a small idea.."

"Whaaaat? After I translated all that poetry for you? Do you think you deserve that? Do you like to give me a headache?"

"No, I don't want to give you a headache, poor Nonny, that would be terrible! And no, I don't deserve that. But if it's easy and if you feel like it, just a little idea would be nice..."

"Well, we will see. But don't bother me too much..."

"Okay, I'll try to be a Good Boy in the future..."

albandry said...

agoool ya 7elwa teseweg ma3a mama mayenfa3

o ba3deen shelley tabeena
ana ma a`7ee6 ella fi alba7rain 3nd wa7da raheeba give me ur email i send u her number


o ako kuwaitia ba3ad she`3elha nazek o zeena as3arhha

o elke7el ana om elke7el
a`7er wa7ed mo 6abe3e limited edition mac
elly maytebara galam
try it o ed3eely
o yeseer eyeliner raheeeb

oo nice cards wayed 7elween tesme7een na`7th minhom???


o kel sana o ento min el3aydeen o elfayzeeeeeeeen
ramadan kareem

Enter-Q8 said...

مبــــــارك عليك الشهر و عساك من عايدينه و فايزينه

زين نزلتي بوست

m_betohm said...

مبروك عليك الشهر
والله يعود عليك كل سنة يارب

بس سالفتك مع العاباية مشكلة والله .. بس يللة هونيها وتهون خخخخخخ ماعندي لك حل لانك بالكويت تعالى السعودية وادورلك حل

ونون النساء اذا دخلتي المطبخ بشرينا وش صار معاك .. ولاتنسين تذوقينا من اكلك

والكحل الله يسلمك احسن شئ ماركة لانكوم وعندك محل زهور الريف عنده كحل من تحت الكحل فية براية هذا احسن شئ واذا لقيتي الكحل اللى اقصده في زهور الريف قابليني لانه كل مخلص الناس ماتخلي شئ خخخخخخ

والكحل اذا تبينه يصير اوكي ولعي عليه ولاعه شوية من فوق بس عطية حرارة وتكحلي بيصير تمام


اتمنى لك ايام حلوة

Ahmed Shokeir said...

مافهمتش حاجات كتير

لكن الي فهمته انك في الآخر بتهنينا برمضان

رمضان كريم عليكي وعائلتك وكل حبايبك

عجبتني كروت التهنئة جميلة وفنية

نون النساء said...

enter-q8 :

عليناااااااا وعلييييييييييك
تبااااااااااارك ان شااء الله ياارب
وكل سنه تعوده مع الأهل وانتو بصحة وبخير وسلامه



.
.

m-bethom :

لووووووووول يلا تعزميني
انا ماعرف اهناك
:P

واحنا ماعندنا زهور الريف
عاد خوش اسم

مشكوورة يا حلوووة
وينعاد عليج بالبركه ياارب



.
.
.


عمو أحمد:

معلش يا عم احمد
أصل البوست ده كلوو كان حلطمة نسائية
على الغلاء والشحاتين
والوعد اللي قلتوا لماما اني حطبخ في الشهر الفضيل
بس شكلي ممن يعدون ولا ينفذون هههههه

وينعاد عليك يا احمد بالخير والبركه
يااارب

نون النساء said...

hahahahahahahah jeff the English speaker i'm sorry LoL :p~

OMG i can't stop laughing *^__^*

well jeff the first sub. i was talking about my tailor coz he's a real thief
i saw one abaya in his shop it's really beautiful but it Cost nearly 80 KD (about 240 USD ) , don't look at me like that jeff @@ i told you he is a big thief , but i want this abaya
:"""""""""""(
Abaya ( عباية ) : a black gown
:P i think you remember this one.
a hint 4u :
http://www.hanayenuae.com/HM/HM-15.jpg


The second sub. about the Beggars
there is a lot of them in the street & some of them lie & tell a sad stories about there life to get money from us well some times we give them what they want , i was telling that it's better for them to have a job even a small one it will be better than asking money from ppl .

:/ right jeff ?


Third one I’m searching for a good kohle pencil :””””(
Maybe one of the girl can advice me with a good one :P


& befor the end this is my word to Mom coz I give her my word that I’m going to cook for her in Ramadan *^_________^* I’m really a good cooker but some times I’m making troubles in the kitchen hahahahahahahaha but don’t worry there is no fire inshalla my be in the future .



Tarararararararaaaaaaaaaam THE END ..
Jeff this is my E-card for Ramadan & the last one is my first Animation ever ( 2004 ).

Looool HAPPY RAMADAN.. today is the first day .



But still love your conversation hahahahahaha English speaker :PpP



.
.
.

البندري :


وانتي صاااااااجة والله العظيم
السووق ما ودج تدوسينه مع امج

بالعاده اروح مع اخوي ونفترق
وعقب ما اخلص ادق عليه بس هالمرة
رحت معاها اشتريلها مواعين
لووووووووووووول


الكحل انظاف عندي بالقائمة
يوم الأربعا بروح السوق
وأنثر فلوسي
:""""""(
ومبارك عليج الشهررر

layal said...

ما تم كحل بالسوق ما انوصف لج يا نونه
:-)
عليج بالعافيه
ومبارك عليج الشهر
وينعاد عليج ان شاء الله

SOLO~PARA~ME said...

مبارك عليج الشهر نووووونه وكل عام وانتي بخير ويجعلج من صوامه وقوامه انشالله ^_^

Яeema said...

مبارك عليج الشهر
و من عوادة حبيبة قلبي


كحل
bobi brown
جل
هاهاهاهاهاها

Jeff said...

Ooooh, Nonny, thank you for the message and the card!

I guess making you laugh is my Ramadan Kareem gift for you!

I'll give you another one: I will not ask any more favors til after Eid!

And you know, we have many abayas here and lots of hijabs--my friend Muna once put a hijab on me for fun. It matched my beard very well. She also used to sneak up on me from behind and pull out little hairs on my face with a thread--Ouch! THAT HURTS!

I hope you find a nice kohl pencil or even a henna pencil for color variety. But perhaps a kohl pen will last longer than a kohl pencil and you won't have to sharpen it. Anyway, after Eid, maybe you can write a kohl letter with your kohl pencil and post it on your blog... That would be nice to see...

Happy Month, Nonny...

FREEQ8 said...

أن سبقتيني بالتهنئه ... فهذا من ذوقك وفضلك ... وأن سبقتك أنا فهو من علو قدرك
جيت أرد التهنئه والزياره

Nescafé said...

علينا وعليج وعساكم تعودونه بالصحه والعافيه ياارب.. والله ضحكتيني على سالفة العباة، بس صج هذا اللي صاير

الطرارين، والله اأيدج باللي قلتيه كله، يعني لو تشتغل اي شغله مهما كاااانت بسيطة والله ابرك من الطراره

يااااحلو ابوو الحروف، كنت احبه انا وخواتي كنا نقعد ننطره يطلع علشان نسمع معاه هيهيهي

معقوله حتى الكحل الذهبي يسيح؟؟ عاد انا اشوف هذا الثابت للاسف ماعندي حل، بس انا اشوف بنت خالتي تشب الولاعه يمه شوي وبعدين تستخدمه ويثبت اكثر مشالله

ياابخت امج فيج، شكلج بتسوين اطباق لذيذه وبتبدعين :> ومشالله خوش تصاميم يعطيج العافيه

على فكرة، انا ازور بلوقج بين فترة وفترة والقى مواضيع تعجبني واندمج فيها لاخر حرف .. بس اليوم قلت لازم اعلق واترك اثر :>

عَـــــــــــــذبه said...

كل عام وأنتِ بخير

رزقك الله صيام هذا الشهر الفضيل وقيامه

وجعلنا الله وإياك ممن عتقت رقابهم من النار

رمضان كريم ..
ودعواتي بكل جميل ينير دروبك وينيلك

سعادة الدارين

اللهم آمين


حبيت ابارك لك بالشهر
ولي عوده ان شاء الله

ReLaaaX said...

مبارك عليج الشهر نونوه :)))

وووو العبي ياختج مادري شفيهم مستخفين وقاعدين !؟


يسلمج ان حصلتي والا دليتي امكان زينه واسعارها حلوه دلينا الله يعافيج ^_^



وووو المطبخ عن خاطر امج دشي سوي لهم سويت وتفنني كل يوم شي:P

واغلب المقادير قيمر ودريم ويب وكراميل ;)



امممم واعجبتني ام البخنق ياحلوها تتربي بعزك يااخجي



والكحل الحمدلله ياربي في مثل معاناتي .. خلاص ارضي بالواقع



وبعدين ياحلونا على الطبيعة قمر قمر ياربي ;)))

Anonymous said...

مبارك عليج الشهرررررررر نووووون

نون النساء said...

layal :

هلا وغلا والله بأهل البحرين
هلا بالمشموم كلللللله
علينا وعليج تبارك يارب


.
.

solo para :

انتي اهنييييييييييييي
@@
علينا وعليج تبارك يارب



.
.

reema :

علينا وعليج تبارك يارب
وعساج من العايدين والفايزين فيه انشاء الله

لووووول
الكحل انضاف الى اللسته
:P

مشكوورة


.
.
.


jeff :

but still want the one i saw :"(
& tell my greetings to muna hahahahhahaha she's really funny woman to do that :P ..



.
.
.

freeq8 :

علينا وعليك تبارك يارب
وعساك من الفايزين بهالشهر الفضيل

نون النساء said...

Nescafé :

علينا وعليج تبارك
يارب



العباية بشتريها يعني حااشتريها
خلاص دشت قلبي وعقلي وكياني
وان ماخذتها بتتعب نفسيتي لوووول



والطرارين
استغفر الله
صرت جاسية عليهم اشوي
اذا بتبرع اللجان تارسة الديرة
اسلوب النهب ما بحبهووش



والكحل
كل اللي يطري على بالج يسيح
بس انا حطيت اسامي اللي انصحوني فيهم البنات
الإسبوع الياي اذا الله سهل
بروح أجربهم اول شي
عقب اشتري
مالي خلق اتوهق بشي



والطباخ بشييييييه بشييييييه
بيشيييييييه
تسمعين فيه وماتشمين ريحته لوووول



.
.
.

عــــــذبة :

يا هلا باللي تنثر الياسمين كله

آمين يا عذبة
ايانا واياكم يارب
وعلينا وعليج تبارك الشهر
وجعلنا واياكم من اللي يفوزون فيه
ويفرحون يارب


.
.
.

relaxx:

حمدالله على السلامه يا نظر عييييني
<<<< كلش ما اغازلج
:P

ومبارك عليج الشهر وينعاد عليج وعلى الأهل بالخير والبركه

لا ماعليج بحطلج اسامي المحلات الزينة
بس هااا ترا فيهم عرج نصب بس شغلهم للأمانة حلوو وفنتقي صراحة


ومن ناحية القمر
ههههههههههههه
كنا قمر وانخسف فينا
لابارك الله بالتلوث

.
.
.

londony :

عليناا وعلييييك تبارك يارب
وينعاد عليك بالبركة ان شاء اللله

Anonymous said...

شكرا على المعلومات العظيمة! لن لقد اكتشفت هذا خلاف ذلك!

Anonymous said...

فقط أريد أن أقول ما هو بلوق العظيم الذي وصلنا اليه! لقد كنت في جميع أنحاء لعدد لا بأس به من الوقت ، لكنه قرر في النهاية إلى إظهار تقديري لعملكم! ممتاز ، وتجعلها قادرة على الاستمرار!

Anonymous said...

IЎЇm delighted that I have observed this weblog. Lastly something not a junk, which we undergo extremely frequently. The website is lovingly serviced and stored as much as date. So it must be, thank you for sharing this with us.