مشكورة عمان *^___^*
ـــ هل أنت راض عن مدونتك شكلاً وموضوعاً؟
لأ... للأمانة لأنها ما اتعبر عني ون هندرد برسنت...
وهم بعد اكو وايد مواضيع اكتبها وفي اللحظه الأخيرة احطها بالدرافت
وما انشرها لدرجة ان اغلب اللي ينزل عندي في البلوغ
خواطر الى جانب تصاميم ورسم في الفترة الأخيرة
مادري يمكن لأني صايرة ما احب آخذ واعطي بالكلام
وايد...
ـــ هل تعلم أسرتك الصغيرة بأمر مدونتك؟
لأ... بس اخوي دايما لما يدش داري علشان يطفرني يشوفني اتابع مدونات
لكن اهتماماته كروية بحته ومصارعه
مو مال يكتب واذا كتب أنا متأكده أول بوست بيكون صورة لملعب
ريال مدريد
أو مقولته المشهورة
الفلوس وصخ دنيا
:/
ـــ هل تجد حرجاً فى أن تُخبر صديقاً عن مدونتك؟ هل تعتبرها أمرا خاصا بك؟
لأ عادي..
طبعا إذا إنسألت لكن اذا محد سألني ماراح أقول
عموما من أصدقائي محد يدري عن المدونة
ماعدا صديقة واحده تدري عنها ..
ـــ هل تسببت المدونات بتغيير إيجابي لأفكارك؟ أعطني مثال فى حالة الإجابة بــ نعم
نعم .. اكتشفت وجود شباب في مثل عمري
أو مقاربين لهم اهتمامات بعيده عن الشغلات السخيفة
أو التصرفات اللي قاعده أقارنها من خلال المدونات
على الأشخاص في الطبيعه
تغيرت نظرتي لما اشوف شاب أو شابة
اني ما احكم عليهم من المضهر لأن
ممكن جدا يكون تحته انسان مبدع
أو مفكر وواعي للي حواليه وممكن جدا
يكون لهم تأثير قوي على مجتمعهم
واتكلم بما يخص الكويت ومثال على كلامي
شباب نبيها خمسه
و ساحة الصفاة
:)
ـــ هل تكتفي بفتح صفحات من يعقبون بردود فى مدونتك أم تسعى لاكتشاف المزيد؟
مرات أزور اشخاص يترددون على مدونات أخرى
واستكشف بلوغاتهم اذا اعجبني المجمل العام للمدون نفسه
اتابعه وأشارك عنده
لكن حاشتني حالة من الخمول
حاليا قمت اكتفي بمجموعة معينة
وقاعده اضيف عليها اناس جدد في كل فترة
ـــ ماذا يعنى لك عداد الزوار... هل تهتم بوضعه فى مدونتك؟
مادري والله ما فكرت أحط عداد زوار في مدونتي
وما اعتقد راح يكون عندي اهتمام فيه
ـــ هل حاولت تخيل شكل أصدقائك المدونين؟ اعترف
الصراحة اي
متعتي التخيّل
ـــ هل ترى فائدة حقيقية للتدوين؟
نعم
ومؤثرة بعد
انا الحين أضمن اني مو نفسي
أول ما بدأت التدوين
وهالشيء لاحظته على بعض المدونين
يبدأون بشيء ومع الوقت اتشوف انهم تغيروا
حتى بمواضيعهم المطروحة وطريقتهم في
النقاش اتحسهم اكبروا
وتغيروا 180 درجة .
ـــ هل تشعر أن مجتمع المدونين مجتمع منفصل عن العالم المحيط بك أم متفاعل مع الأحداث؟
بالعكس المدون انسان عايش في المجتمع
والمدونة انعكاس لطبيعته سواء المجتمعيه
أو طبيعته الشخصية لما يكون قاعد من نفسه
ويتأثر باللي يصير حوالينه وبالأحداث اليومية
في بلده وحتى بالعالم احيانا
مثل تأثرنا حاليا مع الحرب في لبنان
ـــ هل يزعجك وجود نقد بمدونتك ؟ أم تشعر انه ظاهرة صحية؟
النقد عبارة عن شخص مهتم باللي موجود
ولو ماكان مهتم ما راح يوجد النقد من الأساس
وبالعكس النقد ممكن يفتح عيني على أشياء
أنا ما أشوفها..
طبعا النقد اللي يكون موجه بتهذيب
مو بسخرية واستخفاف دم
:)
انا لما احط شي بالمدونة اعتبره شي كامل وماكو احسن منه
فلما يأتيني شخص ويقولي ترا شغلج فيه وفيه وفيه
اتس اوكي وممكن آخذ برأيه بعد
لكن انه يقولها بنوع من التهكم اكيد راح
ماراح اتقبله وراح انزعج
ـــ هل تخاف من بعض المدونات السياسية وتتحاشاها؟
مو خوف
لكني اتابع فقط المواضيع السياسية اللي على الساحة
واللي قاعده اعيشها
لكن ان يكون اهتمامي سياسي
لأ
بطبيعتي ممكن استمع لنقاشات سياسية
أو أقرأ لمدونات سياسية لكن ما اشارك فيها
إلا قليل
ـــ هل صدمك اعتقال بعض المدونين؟
الصراحة إي
في البداية ماكنت اعرف شنو سبب الإعتقال
وكنت حاطه في بالي انه ممكن يكون بسبب المدونة
لكن بعد ما عرفت انها بسبب أشياء أخرى
ما استغربت بطبيعة الحال
واتوقع هالسؤال يتوجه حق الإخوة في مصر
لان اكثر من مدون تم اعتقاله
ـــ هل فكرت فى مصير مدونتك حال وفاتك؟
والله انا كاتبة وصيتي
اي والله صج كاتبها ... الموت علينا حق
ما يندرى شنو بيصير باجر
فا بنت عمي أو خالتي اتعرف شنو راح تتصرف
هذا اذا ما نست ألحين عقب الزواج
لانها من تزوجت ماقامت تتعرف
واااااااااااي انمسحت ذاكرتها
ماصار شهر بصل هذا
" حدي عصبت "
ـــ آخر سؤال : تحب تسمع أغنية إيه- بلاش صيغة آمال فهمي دى - ما الأغنية التي
تحب وضع اللينك الخاص بها في مدونتك؟
ها @@
والله حاليا احب اسمع اغنيه
شيلي قشج
وأهديها حق مرات بابا
هاهاهاهاهاهاهاهااها
ــ اكتب أسماء خمسة مدونين ليقوموا بهذا الاستقصاء بعدك
شكتب بعد اي والله كله اتغغوني آخر وحده
وما يبقى أحد علشان اتغغه
خلاص مابي
اللي يقرا ويبي يجاوب يجاوب
10 comments:
ترا التدوين ساعدني اتغير بنسبة بسيطة
لكنها كانت كافية إني ألاحظها
مادري هل احنا إللي قاعد نكبر واهتماماتنا ومواضيعنا تتغير
ولا هذي اهيه المدونة؟؟
وبالنسبة لغيري
أقدر الحين أعدد أسامي جم مدون ومدونة بعد
بس مو لازم
لأني متأكده انهم يعرفون نفسهم
ماعدا وحده لانها مسافرة
:P
-راضي عن المضمون والشكل ما يهم
-لا
-لا..لا
-نعم..احساسي بالرضى لوجود الكثير من الشباب والشابات المثقفين الواعين
-اكتشاف المزيد
-لا
-نعم..واتمنى لقاءهم
-نعم..خير تعبير و خير تقييم
-متفاعل مع العالم
-ظاهرة صحية
-اي شي!!
-شيء متوقع في الوطن العربي
-مافكرت بها الشي بس لازم اسوي شي
-ماكو شي محدد
^
^
خير الكلام ما قل ودل
وانا حاطه صحيفة
فظيعة يا نووووووووووون
هاهاهاهاها
تصدقين أنا بعد مجهزة الوصية
عاد لي أكثر من سنه
ومحددة منو ياخذ ألعابي و التيدي بيرس
والكمبيوتر و السيديهات
وكل شيء كاتبه لمن يروح
هاهاهاهاهاها
بس ما حبيت أجيب طاري السالفة
لا تقولوا
جنت البنت
بس ضحكتيني ويا بنت عمك
لا تلوميها
وعاد قلبتية شهر بصل
:)
مصيرك تجربين و تشوفي حالك كيف بيصير
ما عاد بنشوفك
ولا راح تعرفينا
:D
هالتاق مختلف .. أحس ان له معنى
لأنه يقيم تجربتنا في عالم التدوين
ايجابياً و باختصار ، المدونات أضافت لي الكثير مما لم أتوقعه في حياتي اطلاقاً
و يمكن خلتنا نفكر في كل شي حوالينا بشكل أعمق
ـــ هل أنت راض عن مدونتك شكلاً وموضوعاً؟
آنه انسانه قنوعـــه :)
والحمدلله راضيه عن مدونتي واهيا بيتي وداري وكلشي
ـــ هل تعلم أسرتك الصغيرة بأمر مدونتك؟
اوخيتي نسكافيـه .. وحالياً دانوه لوووول قرت موضوع بو عين وحده
ـــ هل تجد حرجاً فى أن تُخبر صديقاً عن مدونتك؟ هل تعتبرها أمرا خاصا بك؟
عـــاااادي .. بس أفضل مايدرون .. أحب الشي يكون شخصي نوعاً ما
يعني اهما وياي بنفس منتدياتي اللي اشارك فيها + بالمسنجر + وبين فترة وفتره أجابل اويوههم + بينا مسجات واتصالات :)))
بس جد الواحد يحتاج يفضفض شوي بدون وجود ناس متطفليـــــن وخصوصاً ان فيه شغلات اخالفهم فيها وووو بس مالي خلق اكتب ^_^
ـــ هل تسببت المدونات بتغيير إيجابي لأفكارك؟ أعطني مثال فى حالة الإجابة بــ نعم
مممممم عادي :) ,, تفكيري من زمان ايجابي ;) -->الثقه
ـــ هل تكتفي بفتح صفحات من يعقبون بردود فى مدونتك أم تسعى لاكتشاف المزيد؟
والله احب اكتشف صفحات يديدة بالاضافة الى من يعقبون --> اعجبتني الكلمة
ـــ ماذا يعنى لك عداد الزوار... هل تهتم بوضعه فى مدونتك؟
ماحطيت وشكلي ماراح احط :) حلو التواضع;)
ـــ هل حاولت تخيل شكل أصدقائك المدونين؟ اعترف
Yeeeeeeeees
ـــ هل ترى فائدة حقيقية للتدوين؟
SuRe خصوصاً اذا استفدت من تجارب المدونين
ـــ هل تشعر أن مجتمع المدونين مجتمع منفصل عن العالم المحيط بك أم متفاعل مع الأحداث؟
ناس وناس.. بالنسبة لي مااحب اتكلم بالسياسه خالص مالص :))) بس فيه احداث نحتاج نكلم عنها
ـــ هل يزعجك وجود نقد بمدونتك ؟ أم تشعر انه ظاهرة صحية؟
على حسب النقد وعلى حسب اسلوب صاحب النقــــــد ^_^
ـــ هل تخاف من بعض المدونات السياسية وتتحاشاها؟
ذكرت من قبل اني مااحب السياسه :( ومثل ماقلتي مو خوف .. بس ماحبها بيني وبينها كره قديييم
ـــ هل صدمك اعتقال بعض المدونين؟
مادريت الا يوم قريت ردج
ـــ هل فكرت فى مصير مدونتك حال وفاتك؟
لأ بس اللي متوقعه اللي بيصير .. ان اوخيتي تكتبت النعي بالبلوق .. ووو بس راح يتسكر اكيد :) او بقولها تصكه
ـــ آخر سؤال : تحب تسمع أغنية إيه- بلاش صيغة آمال فهمي دى - ما الأغنية التي
تحب وضع اللينك الخاص بها في مدونتك؟
ماافضل سماع الاغاني .. بس فيه قصايد عجييبه مافي شي في بالي حالياً
ــ اكتب أسماء خمسة مدونين ليقوموا بهذا الاستقصاء بعدك
اممممم ردي مثل ردج ;)
__________________
ولهت علييييييييييييييييج :))))
sama oman:
لا والله بتعرف والله
*______^
وبعدين الوصية ترا ما تنفع بشي
محد بيلبس اهدومي من بعدي لووووول
أغلبهم حق اللجان الخيرية
والسيارة ترجع لصاحبها اللي اشتراها
اللي اهو ابوي
وذهبي ومجوهراتي الثمينة
حق امي هههههههه
بعد ما بقى شي
فلست خلاص
.
.
.
broke :
أوافقج مية بالمية
لأني من ضمن الناس اللي تأثرت
بالبلوغر
.
.
.
relaaax :
تدرين ان
خالص مالص
هاذي كلمتي
كنت وايد اقولها
;)
ولخصوصية والإحتفاظ بسر البلوغر
اي والله أحسن علشان عيون المتطفلين
وتاخذين راحتج بالحجي
:P
على جذي يبيلي بلوغ يديد
relaaax :
وييه نسيت اقولج
اولهت عليج لعافية يارب
:*
بجاوب مناك عندي ههههههههه شيلي قشج
ردودك عجبتني
هادية وراسية
ومختصرة
تحياتي
Post a Comment