Home

31 Aug 2006

إشمعنه ؟؟

^

^

أحب هالكلمة



نص الخبر


نقلا عن الجريدة الصراحة استغربت من هذا لخبر ومحاولات فرض قيود على أداء النساء للصلاة داخل صحن الكعبة..
عبادتي وصلاتي ستكون هي هي سواء قمت بها في صحن الكعبة او حتى في الطوابق الأخرى للمسجد الحرام .. ومحاولاتهم مشكورين عليها لتسهيل عملية الصلاة بالنسبة للنساء والتوسيع عليهم .


لكن ليش ينقل مكان صلاة النساء ؟ ..
منذ ان اصبح الحج فريضة على المسلمين ومنذ عهد الرسول لم يصل الى حد علمي ان قام أحد
بتخصيص اماكن لصلاة النساء في مكان معين عن الآخر ..بجحة الإزدحام واحتكاك النساء والإختلاط بهم
بس ترا الإحتكاك والإختلاط هذا يتم اثناء الطواف والسعي والخروج من بوابات الحرم وهم بعد برمي الجمرات

اوووولله يا إني انفلعت فلع اهناك وكل صعرورة اطلعت براسي يعني اتذكر أكثر شي ضايقني اثناء الطواف والسعي والخروج من البوابات اهو هالشغلة .... لييييييييش ما تلاقونلكم حل بهالخصوص بعد...بس هنعمل إيه بئاااااا؟؟ ..

بس مو بالصلاة لأن أولريدي بالصلاة النساء يتجمعون في اماكن واحده في موسم الحج والعمرة هذا إذا اقدروا
فما بالك بالأيام العاديه واللي ما تكون فيها زحمة اولا لأن انا نفسي استصعبها إني أصلي ووراي ريال كنت اتفشل
فا كان اهناك جايندس نساء ورجال ينضمون هالعملية ويحاولون قدر الإمكان تنظيم الصفوف بس مرات ما ألحق أوصل
حق هالأماكن من شدة الزحمه ومرات حتى الحريم نفسهم يبطون الجبد عماا ابعيينكم يايين تتسدحون بالمسيد وخروا نبي مكان نصلي لا بارك الله فيج وبجيااسج اللي حواليج ماال اعطيها طراقات هذوول اهمه اللي قشووهم بره ولا لسبوهم بالخيزرانه .


بس نقل لالالالالالالالالاللالالالالالالالالالالالالالالالالا ترا هم نفس الشي وتيتي تيتي وين مارحتي جيتي .


بس مو كأنه العملية مستمرة من ألف وأربعمية سنة ؟؟ ولا يعني اختلف الوضع هالسنة ) وخصوصا ان الإزدحام في الحرم المكي شيء لابد منه والله لو اتحطونه فوق سطح الحرم هم بيكون في زحمة حتى في اماكن السعي وأيضا الطواف زحمة وزحمة وايد مو شوية من واقع تجربتي وخصوصا في ايام الحج كاانت الزحمة ما تنطاااااااااق واطلعت من حظ الناس الطواال الهوى عليهم شمالي طراوة وأنا كنت خايسة تحت والنسمة على بالحسرة هذا بالطواف .

بس لما إيي وقت الصلاة ايصير اشوي الترتيب ( اشوي مو وايد ) وما أشوف اللي يقوللون عنه من إختلاط إلا بالطواف والسعي

لأن مستحيييييييل نفصل الجنسين عن بعض ...

وإذا حيل يعني حيل حيل ... ضيفوا على هالمكان اللي داخل الصحن الأماكن المقترحة بعد وبيصير للنساء أكثر من مكان للصلاة جزاكم الله خيرا


*^______________^*



خليكم زي مانتوا احسسسسن وربنا على المفتري









13 comments:

Sama Oman said...

هاهاهاهاهاها
لووووووووووووول
نوووووووووووون

ضحكتيني والله

بس
لا تعليق

لربما نحن لا نقدر الوضع مثل ما يقدرونه هم
ولربما هناك أمور أخرى لا نعرفها
سبحان الله
لهذا
أترك المجال لمن لدية افادة واضحة
و لعلها تفيدنا و تنورنا

سالفة قلب said...

مرة كنت اصلي بالحرم فوق في مكان مخصص للرجال وانا مادري

واذا انا مادري يعني اكيد ماكان فيه اي ريال موجود ..واروح أكبر بكل خشوع والكعبه جدامي والجو هدوء والا عقب اشوي مااشوف الا اللي يايني بعصاته ويكشني وانا اصلي..تخيلي حسيت نفسي جني ذبانه...ابيه قطع علي صلاتي ..ابصراحه ماادري على اي اساس حصل هالموقف بس اللي اعرفه لو فعلا نتخذ من الرسول صلى الله عليه وسلم أسوه بأخلاقه ماصار اللي صار

آسفه على الطواله

نون النساء said...

سما :

يعني كما يقولون
اهل مكة أدرى بشعابها
:P

بس ترا المكان اللي يصلون فيه الحريم
معزول عن الرياييل وبالحرم المكي
من شدة الزحمة وخاصة في أوقات المواسم الدينية عملية التحكم بالزحمة أو حتى مسألة التقدم بالصفوف صعبة
لأن شفت الوضع


وانهم يحطون خطة علشان يوعون اشوي على الأوادم
شي حلوووو حفاظا على خصوصية الحريم
ب والله اللي يصير حزة الطواف ألعن من
الصلاة ليش ما حطو هالشي في بالهم

.
.

سالفة قلب :

هههههههههههههههههههه
نفس اللي صار لنا بس بالمسجد النبوي

كنا نبي نطل على قبر الرسول عقب ما صلينا بالروضة لأن مكان الحريم كانو مغطينه بحواجز مثل الخيام
وماشفنا شي

ولا إييلنا ريال ما خلانا نروح
جان نعود إلى مكاننا بخفي حنين
لووووووول قمت أبجي من اللي سواه

:P

نون النساء said...

kitty :

اي والله يحرون
لعنبو داركم يايين تنامون ولا اتعبدون ربكم انتوا ..

فناااقر

ii said...

أسكتي .. كأنك قاعدة معنا بالصالة يوم أعصب على أهلي بسبة هالكلام
:\

أنا شوفة عيني .. شفت الشيوخ اللي بالحرم يصارخ على الباكستانيات والأيرانيات اللي قاعدات بالصحن

ليش؟
عشانهم مهب سعوديات ولا لهم لسان؟
عشانها أجنبيه ما تقوى الا عليها؟

ليش حنا مالنا رب نصلي بالصحن؟

ما أدري يمكن صايرة مشكله بهالموضوع
بس , ماصارت والله

نون النساء said...

:/

سعلوة


صج لي قالوا الدين المعاملة
بس ترا هذي تصرفات فردية
انا صج شفت من البعض معاملة مو حلوة
على قولتهم دفشه بس الله يشهد كان في ناس أوادم ويتكلمون برقي ويخلون الواحد يتقبل كلامهم والإنسان بطبيعته يحب العناد
:P



شوفي سعلوة اهم صاجين في مسألة الإختلاط في الصلاة وان هالموضوع راح يضايق الحريم أكثر من الرجال نفسهم واتكلم من واقع تجربة.

لكن مكان الصلاة للنساء في الصحن إسمه مكان مخصص للنساء بطبيعة الحال ماراح يتخللها رجال

وثانياأكو رجال يصلون هناك بعد
ليييييييييش ما سببوا هالزحمة بعد؟؟
ليييييش صاروا الحريم الحين مسوين زحمة وعرقلة للي يطوفون بالصحن؟؟؟


وحجة الإختلاط مابين الجنسين في الحرم
أسوأ ماتكون أثناء الطواف والسعي ورمي الجمرات مو بالصلاة
هذا بالنسبة لأيام الحج والعمرة

اما في الأيام العادية ما اعتقد فيه هالحجي



وسعيهم مشكور وحفاظهم على نسائهم مشكورين عليه
لكن لو يتم بطريقة عادله أفضل لجميع الأطراف.


والله حاله ما بقى غير الحرم نتهاوش عليه

:/

نون النساء said...

lndony :

لوووووول

ترا انا حطيت الكومنتس جذي افضل
لأن مرات يمرون أوادم
استغفر الله مدوناتهم واسلوبهم بالحجي
ما يفرق عن مكب القمامة وانت بكرامه

مثال:
قبل فترة واحد حاط إعلان حق مدونتة
البايخ
وبطريقة مبتذله

حمدت ربي ألف مرة اني كنت حاطه خاصية الموافقة على الكومنتس قبل النشر

ها
أحط التعليق ولا لأ

نون النساء said...

سكون :



أي كلام

اعتراضي
ولا اقتراحهم

:P


?

SILVER RAIN said...

:/

مالي خلق اقرا

بس ياية اطق تحية ;Pp~


اشلوووونج حجية

=O^_______^O=

نون النساء said...

^
^

بروح عمره
أبييي أروح حاسة بنحرف قريبان

.
.
.


سكون :

تاااايب

فهمتتتتتتتت

:P

Nora said...

انا قريته و صفنت

يعني وين المكان اليديد ؟

من داخلي الصراحة حسيت بضعف و عجز
!

انا قريت رد دكاترة الشريعة الكويتين

و طبعا موافقين حيث ان المكان يسمح برؤية الكعبة
!
و علماء المملكة لا يفتون الا بالقران والسنة .. هم كبار العلماء و نحن مجرد طلبة علم

و النعم فيهم الف مرة

بس اجواء خاصة ايمانية ما يصير تتغير
!!!!

ابيه انا محترررررررررة ما اقنتعت بالحجة

كلامج صحيح وقت الصلاة الكل يعرف مكانه

اتخيل اشكالنا ماطين ارقابنا نبي نشوووف الكعبة مو قادرين من الحريم
!!

---

الشيوخ اللي هناك شوية صعبين
انا اخاااااااف منهم

بس سعلوة .. الغير عربيات
اقويااااااااااااااااااء
و لا يهابون و لا يحترمون

والله شوف عيني عيز يكشها روحي مكان الحريم
و اهيا تخززززه

لين طفر الريااال قام يهوس بالعصا
!!

اكثر من مرة صارت صراحة ماينلامون فيهم
!!

نون النساء said...

Eng :

لووووووووول
مو يقولون ناقصات عقل ودين
قوليلي شنو بالله يقنعنا ألحين

:P


كبار العلماء
أكيد ماراح أحط راسي براسهم
بس العدل الله وصى عليه

elq87obi said...

ههههههه يحليلج يا سالفه قلب ضحكتيني و الله هذيله اللي معاهم عصيهم يا كثرهم و الله و ترى اهمه اللي مسووين الزحمه على الفاضي انا يتروالي الزحمه منهم خخخخخ ؟؟

ما ادري شفيهم كله بيصكون على الحريم و بس ؟؟

يعني شبيسون زياده ما ادري ؟؟

سلاامز :)