Home

30 Apr 2006

plz .. سحبوا مني الليسن




لا صج صج ما اتغشمر أنا
ياجماعا أحد يسحب مني الليسن

ترا من صجي أنا خطر هادّيني بالشوارع جذي
مو خايفين على نفسكم؟
موخايفين على اعيالكم؟


هاااااااااو انزين قلنا حريم يسوقون بس
عااااااااااااد مو نفسي جذي

إنا لله وإنا إليه لراجعون


اليوم طالعه من مستشفى العدان بروح
طريج الملك فهد طبعا أكو إشارتين

وانا مقصدي الإشارة الثانيه علشان أنزل من الجسر
بإتجاه الأحمدي عرفتو شلون

من الذكاااء الخااااااارق اللي فيني
نزلت من الإشارة الأولى * اهي اساسا حق اللي يصعدون الجسر
بيروحون صوب العدان

وانا اقووووووووول ياربي الريال لف فوق تحت
وانا كملت يسار.. ياربي انا حاسة أن اكو شي غلط بالموضوع

يوم اطالع الإشارة الأرضيه ولا السهم قاعد يؤشر صوبي

@@ هاااااااااااااااااااااااااااااااااو أثاريني عكس السير
ياااااااااااااامالج الماحي .. يا حلاتني والله قاعده استقبل القادمين

ولا جيب صاعد الجسر لوووووووول جان يدش يمين المسكين اتوقع
ألحين طاقته البوهه يقول هاذي وين يايه ؟

جان أرد وراه على طول أدش باللفه اللي قبل الإشارة
أشوى ماكان في أحد صاعد الجسر

ولا جان ألحين أنا بالصفحة الأخيرة
حاطين النعي مالي


:"""""""""""(

إي والله الألم والحسرة تعتصر قلبي
اتذكرت يوم صكوني مخالفة بالسوق
وأنا معصبة على الشرطي مسوية فيها راعية حق
وليش وماليش تعطيني مخالفة ؟

ماشية عكس السير إختي

جان انجعم واستحي على ويهي
وبنت عمي تكركر

أول مارديت البيت صورتني بنت العم المخلصة
الخالصة المستخلصة المتخلخصة لي مع مخالفتي
صورة تذكارية .


الله ياخذ مادة الفلسفة وعلم النفس
هاذي أثارها الجانبيه على الطلبة توها بدت تطلع

بس بس حلاص فيني بجية صراحتن

14 comments:

Unknown said...

اول شى خطاج السو :)
بعدين انا متكفل انى احطلج سايق واتفكينا مو علشانج لالالا
علشان الناس اللى بتيمين اهلهم الله يرحملى والديج خفى والقيادة فوق الذوق :) مو تسبه
والله يكون بعونج اللى ماخذ عقلك :))

طائر بلا وطن said...

هههههههههههه

ذكرتيني بالشايب اللي حطوه بالجريدة
مسكين على عربانته قاضب الداري السادس
كله بالعكس ومو راد على احد

سكرو السادس و احاطوه بموكب من الدوريات
خخخخخخخخخخ
:
:

على الطاري وحدة من خواتي عشان تعلمت
تسوق يابت لي الجلطة عشر مرات و نص

اقولها دايما لا تطقين اشارة يمين او يسار الا
اذا شفتي اللفة المقصودة جدامج مباشرة
ومافي لفة تسبقها

ياية البيت و من بعد كيلو طاقة اشارة
يمين على اساس بتدش المنطقة و جدامها طبعا
ستعش الف لفة يمين .. طبعا واحد مايدري
عباله بتدش اول لفه و طلع جدامها و كان
اليوم الأسود

انتهت السالفة على خير مع اعادة النصايح
مرة أخرى للاخت الكريمة

عقب اسبوعين بس و اشوفها بالصدفة وانا راد
البيت بنفس المكان و نفس الحركة
هاهاهاها

عقبها غسلت ايدي .. و سلمت امري لله
:)

شَـــ ـوْق said...

لووووووول
لا سلامات سلامات
ماتشوفين شر يالغلا

بس اسمحيلي ماعندج بُعد مكاني الصراحه
:p

:

عن نفسي للأسف ماسوق
تصدقين ابوي يقولي اذا سقتي يبيلج "نجّال" يعني سكس ويل يمشي وراج بس يشيل الميتين :D


عموماً

شوية تركيز عاد تكفين
ولا تطلعين من البيت الا وانتي كاتبة لج كم قصيدة او خاطرة
عل الاقل يكون طلعتي اللي بخاطرج ومافيه من يشغلج

:P

SOLO said...

وي وي وي نووونه اسمالله علييج عدااج الشر وخطاج السو حبيبتي .. الحمدلله دافعة البلا عن عمرج

اتصدقيين حتى انا نفسج داشه عكس السير .. مادري شفيننا مطافيج بالسواقه

انا بعد ما قصرت بس انا بالمصافط اليديدة اللي بجامعه شويخ .. السنعه انا شسوييت قمت ودشييت من بوابة الخروج والا اييني واحد طاير يبي بيطلع بغى يدش بسيارتي ويأشر بدينا وامبين عليه انه قاعد يزف .. وانا عمك اصمخ جنه مو موجود قمت ورجعت شوي شوي قلت "ما أطوفها لك تزفني ومادري شقاعد تقوول بعد .. الا ايننك واحرق اعصابك" وانا ارجع بالسيارة على أقل أقل من مهلي واهو وصل حده دخخخن الريال جان يحرقني بالهرن .. إييه شدراني انا اول مرة اصفط بهالمواقف ويا ويها ولا انتبهت حق اتجاه السهم بالارض حتى ليلحين مادري من وين الدخله لوووول .. ويوم ذلف جان ارد وادش مرة ثانية ماكو فايدة تممت حكمي ^_^

نون النساء said...

مشاري:

خطاك اللاش مشكور

ههههه

مو مشكله اصلا لازم يسحبونه عشلاني أنا


اي والله مخي كان متروس شغلات صراحه

وصلت كوكب زحل بذيج اللحظه

:""(


------

طائر :

ترا بيني وبينه جينات مشتركة


أختك صراحة قدعة

ماينلامون رياييل الكويت إذا صار فيهم ضغط وسكر من هالنماين اللي يتعاملون معاها أمثالنا

نون النساء said...

بلقيس :

تحطميت أنا حرام عليج
:""(

----

شواقة :
الله يسلمج
:*

لووووووووول
فكرة ابوج حلوة صراحة

أنا وين الاقيها من السرعة المتهورة
ولا من الدوخان اللي صاير

ولا من طريقة الهنود اللي أطبقها أمشي وأمشي وما اتلفت وإذا ييت بلف ألف على طول ما أطالع واللي وراي بالطقاق هههههههههه


بس تبين الصج والله راسي كان مشحون على الآخر شحنات سالبه

وماقمت أشوف الطريج جدامي من الغضب

خبرج رايحه مشوار حكومي الصبح
وفلانة تقطني عند علانة وعلانة تقولي روحي عند علنتانة طلعت عن طوري وحطيت حرتي بالطريج

*^__^*


----------

سولو بارا :

أخ منج إنتااي ما بردتي على قلبي

جان وقفتي وخليتيه اهوه اللي يرد ورى

جليل الحيا

وإذا يالج قوليله ما أعرف أشلون أرد قري

لووول

جنة الحواس said...

شِتصير لج بروك؟

أنا صارت لي سالفة مشابهة قبل 4/5 سنين و أختى الجعدة لي ألحين ذاكرة و تعايرني فيها
كل ما مرينا على اللإشارة

:/

نون النساء said...

بروك :


اتصيرين لي

من صوب تاء التأنيث

ونون النسوة

وكيدهن عظيم


.
.

*^____^*

شايفنكم said...

ما قاله قضاة مصر الشرفاء لشايفنكم يوم لجنة الصلاحيه


هشام بسطويسي....قال"الشعب عنده وعي كفايه وفاهم كويس ايه اللي بيحصل و فاهم ان قضية استقلال القضاء و نزاهته تهم كل مواطن.....القضيه مش قضيه قاضيين بيتحاكموا !!"

و قال ايضاً" حشود الامن...جيا تحمي النظام من الشعب"

و قال لنا الخضيري عن حشود الامن الكبيره" الحشد الامني يدل على على ان الدوله لا تفكر بالمنطق المطلوب...و ده لأنها للأسف بتفكر بعضلاتها"

و اضاف" المسأله مش خاصه بالقضاه دي قضية الشعب المصري كله"

و بعد ان تم الاعتداء على محمود حمزه كان لنا معه حوار كامل في مستشفى كليوباترا و هذا اهم ما ورد فيه

قال محمود حمزه لشايفنكم مستنكراً ما تعرض له من اهانات و ضرب" القضاء ده ايه؟ ايه رمزه؟ ..العدل طبعا..و لما يهان العدل بالطريقه دي...مش دي رساله للشعب..رساله بتقول: مش هما دول اللي بتقولوا ان هما صوتكوا" شما اشار الى وجهه المصاب و قال " اهو بالجزمه ...بالجزمه"

قال لنا ايضا محمود حمزه وهو يغالب دموعه.. " انا لما دخلت المستشفى في الطواريء...انكسرت اوي و صعبت نفسي عليا جداً..ولكن بعد ان جاءني تليفون من مواطنه تؤيدني و دعت لي لم اعد اشعر باي الم في جسدي"

و عندما اكد حمزه ان مصر في حاجه لكل شخص و كل وسيله اعلام من اجل تدعيم حركة القضاء سالناه هل اتى لك اي تليفزيون حكومي منذ اصابتك فضحك بمراراه و قال"لم يأتي اي تليفزيون حكومي بل بالعكس دا انا لما شفت التليفزيون المصري لقيت نفسي متهم"
و اضاف"و لما و صفوا اللي قام بالاعتداء ....كان ناقص يقولوا عليه مختل عقلياًًً!!!!!!!!"
و عندما سألناه عن مدى ايمانه باستقلال القضاء...قال" اكيد هيستقل القضاء الرئيس وعد بكده...هل يجوز ان رئيس الجمهوريه وهو اعلى الهيئات القضائيه يوعد ما يوفيش؟؟...مش معقول..انا مش متخيل انه مويفويش بوعده!!!"

و في نهاية حديثه وجه كلامه لرئيس مبارك قائلاً:" قانون السلطه القضائيه مش هيأثر على اي سلطه اخرى..
ارجوك ..ارجوك...انهى الازمه...لن ينهيا غيرك!!!"

نون النساء said...

شايفيني؟؟

شلون متى؟؟


واله العظيم مالي ذنب
مو أنا مو أنا

هواا هواااااا اللي ئتل ممدوح

:"""""""""(

حكاية روح said...

ههههههههههههههههههههههههههههههههه

ياحبي لج والله
نكتتتتتتتته خاطري اركب معاج مره

عاكسه الخط مره وحده

يبي لج مراقبه انتي ارواح الناس مو لعبه

نون النساء said...

روح؟؟
تتطنزين

:""""""""""(

3ateeja said...

ههههههههههههههههه اتخيل ويه راعي الجيب
والسهم العكس
مت ظحك

نون النساء said...

اييييييييي

انتي ضحكي

وانا اموت من الخرعه

ههههههههههههه


بس صراحتن انا ما اكتشف اني حكيمة إلا في هالمواقف

ردة فعلي كانت سريعه لوووووووووول