Home

23 Apr 2006

شكو ماكو




اللي خلاني اتذكر هالسالفه أول امس يايبين طاري بطل الواقعه اللي صارت

كككككككك... فتذكرت مرة عقب ماطلعنا الهدة "
ثالثة ابتدائي بسنة التسعين "

ولا باصنا اللي يوصلنا البيت مبنجر
أنا :
حميد شصاير ؟
حميد : ما شايفاا البااص مبنشيييييير..
أنا:
انزين اشلون الحين بنرد البيت
وقعدت أتحلطم ... لان منظر البياّاعات اللي مبسطيم جدام باب المدرسة وايد مغري
ولا راعي البرّد..
وأنا ماعندي فلوس
يووووه شي يحطم صراحة ...ويوعانه

المهم بما اني قررت ان بيتنا قريب قلت إني أرد البيت مشي
واهو صاير بقطعه وبيتنا بقطعه
بس اللقافه وما اتسوي

وعزّمت ومشيت وشلت جنطتي ومريت من عند الشارع

كان ساكن فيه خال ابوي الله يرحمه

المهم ولا أشوف اعيال خال ابوي



واحد بكبري والثاني أكبر مني بسنة قاعدين عند باب بيتهم حزة القايلة

عاد أحمدوه هذا كان من بد كل اخوانه أشقر

لووووووووووول وكنت كله اتحرش فيه


وكنا يالبنات
نغني عليه أغنيه مالها معنى ولا منطق
مادري من وين يايبينها ..

المهم يوم شفته اطلعو قروني
قلت اتحرش...شسويييي ضايق خلقي

وبريحاتي على هالدرب مامن ونيسه


جان أقعد أغنيها... وعلى فكرة مجرد إني أغني عليه هالغناية

كان مخاطرة بحد ذاتها وممكن أرووح فيها


جان أوقف بعيد عنهم اشوي وقعدت أبدّع :


حمرر تششششششششششششششش
ضيّع بيضاته في العشششششششش
حمرر تششششششششششششششش
ضيّع بيضاته في العشششششششش


اهني الولد قام يناقز من القهر جان يقعد يحذفني بالصخر أهو

وأخوه....<<<
انزين انته شكووووووو

انا شفت الوضع صار خطر عليّ
والوقت حزت قايلة وابروحي @@
لا يبه يبيله نحشه pucca5.gif (2850 bytes)
واطلقت لقدماي الرياح بعد ما يبيلها ياروح مابعدك روح
لو يقضبوني والله ما أرد البيت سليمة
لووووووووووووووول

ابروحهم الله يهداهم اهم واعيال عمهم ما يواطنوني
بعيشة الله وكل ما شافوني طاحو فيني
تجعّم ومرات توصل يمدون إيدهم لووووووول
,ونقعد نتهاوش ويموتون قهر اذا ما بجيت


والله طفولتي معذبة


.
.


في أحد أيام الصيف واللاهوب يحرق على أصوله
كانو اهلي طبعا مقفلين عليّ باب البيت علشان لا أهرّب
واهم نياام وأسوي مشاكل مني ولا مناك

المهم ولا يرن التلفون جان اشيله :

حنون : نوووووووووووووون حريقه حريقه لا يطوووفج
أنا : هااااااا..
شنووو وين وين ؟
حنون : بالبيت اللي ورانا نوووون حريجة يلا بسرعه تعالي
انا : اشلون اطلع ؟؟ مقفلين على الباب ..

حنون : طوط طوط طوط طوط طوط

يه سدته... اشلوون الحين انا ابي اشوف الحريقه
ما يصير حنانوه الطويلة اتشوفها وانا لأ


مالقيت غير حل واحد اني اتسلق عمود المظلة وأصعد الى سطح ديوانية الجيران
لأن المنظر من هناك كان استراتيجي حده وموقع
الحريجة واااضح جدامي



اشلون صعدت عاد هاذي حركات
مادري شلون كنت اسويها قبل


أوتش أخ حاارة تحرق...
<<< السطح كان حاار يحرق
وانا ما شاء الله علي صعدت حافية


طبعا ريلي استوت من الحرورة وماقمت أحس فيها
وقعدت اتفرج وماسكة النباطه مالتي وأحذف على الدخان
ايلين ما ذاب راسي من الشمس .... وبديت اتملل ابروحي
والسالفه صارت بايخة
جان انزل وحطيت راسي ونمت
تعبت وانا واقفه اطالع لووووووووووووول

طلعت السالفه محترق مطبخهم . ومحد تأذى


عمي الله يرحمه كان يعصب علينا إذا شاف وحده من البنات تبي تصعد المظلة

علشان تنط على سطح الديوانية هاذي
حتى أذكر مرة انصادت بنت عمي جان يربطها بالحبل
... وخلاها مربوطة على العمود نفسه اللي نصعد منه

المسكينة مالها ذنب أهي حدها حدها توقف واتطالعني
لانها كانت بطبوطه

هههههههه أنواع الطنازة عااد


لا تقولولي حرااام ياهل ولا طفولة معذبة
والله لو يربطونّه بسلاسل ماراح اعترض ألحين
صراحة كنا لا نُطاق

.
.
.



ذكرتني A7la Eng

بسالفة .. لان قبل لما كنت أمصخها بطلباتي

ابوي أو أمي يقولولي انتي مو بنتنا انتي بنت حسنين الزبّال


وااااي يا أنا... كنت أبجي لما يقولولي جذي

أهمه يقولونها يضحكون بس مايدرون عن

تأثيرها السلبي والنفسي على الطفل " اللي اهوه انا "


وأقعد أقوله : لأ.. أصلا انته ابوي انته اتقص علي

يقوللي : اشفيج انا مو أبوج حتى روحي سألي امج

اروح أسأل امي : يمه انا بنت منو ؟

تقوللي انتي بنت حسنين الزبّال


انزيين ياربي اجبروا بخاطري قولو بنت حسنين الشرطي مثلاً

بس عاد مو زبال

وأقعد أطقها بجوة وأحاول اقنعهم أن أنا بنتهم
ههههههههههههههههههههههههه


وليما الحين مستمرة سالفة هالحسنين
مو راضي يفج ... ايلين صراحتن قمت أشك
بنفسي بما اني ما اشبه احد من اهلي


:/


.
.




11 comments:

طائر بلا وطن said...

LOoOoOL

>>>> قام يطامر فوق المكتب


انزين يوم انه النار لاعنه خيرهم الخير
و مبهذلتهم آخر بهذلة

شكووووووووو النباطة؟

اش هاللعانة
؟؟؟؟

ضحكتيني و انا امبلم على الصبح

سلام
:)

~ se3loah ~ said...

LOL!!
انتي مشروع لطاش ما طاش رمضان الجاي

اول مره اقرا بوست واضحك كل هالضحك

نون النساء said...

طائر :

والله هذا قبل قبل

مو احلين

:""(

نون النساء said...

سعلواااااه:

@@ نوررووه

اي اي اي
انا ادري تبين أصير مشهورة وانشغل عنج
ةتاخذين الخروف اللي تهاوشنا عليه بالحلم
لوووووول

;)

DanDash said...

لوووول

انتي جنج انا قبل كنت اقول لهم انا من عُمان @@@@

اي شكوو عاد اشمعنى هل الديرة ما ادري لووول

و اختي كانت تقول لي وييينج امس باليل رحت القمر و انا على طول اصدقها لااا صج و شنو شفتي و اشلون رحتي و ليش ما قعدتيني من النوم اروح معاج ( كله تروح القمر و انا نايمة !! بذمتج يصير جذي ما اكسر الخاطر لووول )
اما عن الشطانة خذ و خل لووول
ونستيني الله يونسج دووووم مو يوووم

طائر بلا وطن said...

على الطاري

قبل كانوا اخواني الكبار و انا طفل قمة
البراءة و الثوالة يقولون لي

تشوف هذيك البقرة اللي تطير

هذيك هذيك شوفها تشوف اشحلاتها
بالسما تطير

و طبعا انا من القهر "مو من الغباء" محتر
اشلون هم يشوفونها و أنا لأ

ليما بالأخير انا قمت اناديهم اقول الله
شوفو اشحلاتها .. و اخذي وصف طاووس
مو بقرة هاهاهاها

اقتلو ذكائي سامحهم الله

نون النساء said...

دندش
:/

شكو عمان؟؟
يبدو سامعتها بمكان واعجبتج السالفه لووووووول



طائر :

هههههههههههه
لا عاد

هاذي قوية

لووول

Horseshoe said...

ذكرتيني بأخوي الي نام بالسكة حدر النخله طالع بالقايلة .. رجع لقا البيبان مقفله عيز وهو يطق بالباب لين داخ ونام
ومحد درى عنه لمن طلع يدي حق صلاة العصر جان يشوفة نايم

=D

3ateeja said...

يبيله اكتب مثلاتج يا بنت حسنين الشرطي:)

نون النساء said...

Horse Shoe:

يستاهل أحسسسسن






عتوج:

اووكي يلااا
لان صج صايرةكسوووله يا عتوج

SoS said...

هاهاهاهاهاهاهاهاهاهاهاها
يا نون
أنتي تجنني
ذكرتينا بحكايانا و نحن صغار
((شياطين تمشي على الأرض))

لوووووووووووووووول

لا و الله نفس حكايانا

بس عااااااااااااد
حركة انتي ما بنتنا
لا تزال رائجة
وفعلا لها تأثير سلبي
خاصة إذا الطفل حساس و ناعم
"ما شيء منه"
أختي مثلا تقول لولدها انته مو ولدنا إحنا لقيناك و تبنيناك و انته ابن عائلة من المنطقة الفلانية
الولد صدق
و صار يريد يعرف من هم هذولا الأهل
و ليش تركوه
و يريد يشوفهم.

هاهاهاهاهاها
شفتي عاد ...
توهقت اختي :)