Home

2 Apr 2006

Miss مضيعة all the time




معروف عني بين اهلي والصديقات اني


مضيعه أو دايخه


بس والله العظيم مو مني أنا

ما كنت جذي قبل اربع سنوات يه @@

ايه اللي حصل وايه اللي تغير مادري صراحتن

والحالة من سيء الى أسوأ ههههههه




تدرون ان عبالي ان مجمع شرق بالسالمية
كل هالسنوات وانا عبالي بالسالمية



تدرون ان مرة مديرنا طلب مني رقم فاست تلكو اذا اعرفه قلتله اي اعرفه
جان اكتبله رقم كنتاكي خخخخخخخ

احلى شي يوم دق عليهم احرجته المسكين.

بس والله مو مني الأرقام نفس الشي


كنتاكي : 888666
فاس تلكو : 886666

^
^
^
شنو ذنبي أنا

.
.

على طاري كنتاكي قبل فترة جذي اسبوعين الى ثلاث اسابيع
بدق على هارديز المهم ولا أدق واثقه من نفسي الريال حياني وسلم علي ومادري شنو قاللي
المهم قلتله لو سمحت أبي اثنين سانتافيه سبايسي وسط
قاللي : يافندم انتي طالبة كنتاكي حضرتك .
أنا طقتني البوهه : هاااااو انا داقة على هارديز مو كنتاكي
راعي المطعم : لأ يافندم شكلك غلطتي بالرقم .
أنا وفي قمة صدمتي واحراجي : آآآآآآنا اسفه خلاص مابي شي
راعي المطعم : طيب حضرتك اطلبي مش حتخسري حاجه
انا : لا مشكور انا أبي هارديز
راعي المطعم : مش عايزة تجربي مطافي الجديد ؟ ده سبايسي أوي كمان
أنا سمعت طاري السبايسي طاحت سعبولتي
اتذكرت صورته اللي معلقينها بالإعلانات مالوت الشارع
: قلتله : هاا اوكي خلاص

راعي المطعم : رقم التلفون ........... في ........ ئطعة ..شارع ...منزل..إاسم عدنان
أنا : هاااو @@ اشعرفك باسم اخوي انته وعنوانا ؟؟
راعي المطعم : ............................" مادري شكان قاعد يقول ما سمعته "
أنا : لأ بس يعني ترا انا ولا مرة طلبت من عندكم اشعرفك باسم اخوي والرقم يه ؟
راعي المطعم :..................." مادري شقاعد يقوللي "
أنا : هااااا... انزين جم الحساب
راعي المطعم : " نسيت صراحتن " و45 دقيقة وحيوصلك الطلب
أنا : مشكور

^
^

اطلعت مطاافي أي شي احرقتني على غير استمتااع
خلصت بطل بيبسي نص عائلي على نص السندويشه
ماقدرت اكملها


.
.


تدرون اني مرة سألني مديرناعن موعد رحلة اهو خله بياناتها عندي

ويالي يبي يتأكد مني اذا كانت اليوم ولا باجر انا بكل ثقة قلتله اليوم
قاللي : أكييييد ؟

قلتله : اي اي اكيد
وراح ينطر بالمطار ايلين ثنتين ونص الفير الريال ما وصل

شسالفه؟؟ جان يروح ويدق على الريال طلع للحينة قاعد بديرته

والطيارة باجر..

بس صج صج انحرجت حدي يومها خصوصا يوم قاللي

حسبي الله على ابليسج خليتيني قاعد بالمطار أنطر الريال كأني مرته

ماقدرت امسك نفسي عن الضحك..


صج مضيعه ..

.

.

تدرون اني مرة ضعت بخيطان .. انا بروح السالمية

اموت واعرف شنو اللي دخلني خيطان

اتوقع خيطان مادري وين دشيت صراحة لان اهناك كان كله هنادوة وصعايدة

وشاحنات كباااااااااااااااار حسيت نفسي بومبو بيناتهم ..

.
.


تدرون اني مرة ضعت داخل منطقتنا

كنا انا وامي رادين من عند وحده الساعه 11.30 ليلا

وكنت بسوي نفسي رامبو الخرايط وبطلع من طريق مختصر

هالطريق المختصر تميت أدور عليه ايلين الساعه 12.30 وانا افتر افتر

ابي اطلع من القطعه مو عارفه شلون

وامي الله يهداها قاعده تتحلطم : لايكون ضايعه؟؟ مااالت عليج وعلى اللي عطاج ليسن

واشتغلت امي علي...

انا : يمه والله أدل أدل بس قاعده افرفر فيج ماتبين اتشمين هوا ههههههههههه

امي : تزيد من تحلطمها ..انا من اول مابي أرد وياج وتزيد وتزيد

آخر شي لقيت المخرج وطلعت للشارع الرئيسي وردينا بيتنا سالمين


* الله يهداج يمه تكفين لا تتحلطمين لما اسوق اتوتر والله العظيم





.

..

تدرون ان مرة كنت بروح أزور وحده بالمستشفى اذكر

بفترة حرب تحرير العراق وبوابات المستشفى العسكري لازم تفتيش

المهم انا كنت توني عليمية بدقم السيارة خو بعد ما صارلي فترة مطلعة الليسن

قاللي العسكري افتحي الدبه ولا امر عليج اختي

انا قعدت اطقطق بالدقم..

مرة يتبطل السقف

مرة انطفى الليت مال السيارة وشغلته

مرة اشتغل التكييف

مرة اتبطلت الدريشة اللي ورى يه

اتوهقت انا وقمت اصب عرق

جان اطالعه وانا اضحك ومنحرجه


قلتله : اخوي ما أعرف وين دقمة الدبه صراحتن

العسكري ..مادري ليش احسه كتم ضحكت

T_T

جان يقوللي : توكلي اختي توكلي

قمة الإحراج
:"(

.
.

أما لهذه الإحراجات من آخر ؟؟

الوضع صاير لا يطاق هففففففففففففف

بنت عمي تقولي : انتي لو ماتكونين على هالحال

ماراح تكونين نون..


نسيت أقول شغلة البدليات بعد هاذي ابروحها مشكله ثانية مالها حل
وايضا طارئة
انا ماكنت اقط بدليات قبل


ياربي اكو أحد يغني الأغنية معكوسة



:"""""(



9 comments:

SOLO said...

هههه يا حليلج يا نونووووه جنج انا مع هالنسيان الي صابني زين اني ليلحين صامده وما نسيت اسمي ... مو بس احنا الي نعاني من هالشي كل الناس قامو ينسوووون
يا حسرتي عسى أكلنا ما فيه شي ... إييييه أكيد من أكلنا المجمد والبايت الي إييبونه لنا من بره...الله يستر بستره

عيل ذاك اليوم دقيت على البيت عشان ابي أطلبلهم ماكدونلد وخذيت كل طلباتهم يوم وصلت هناك نسيت شنو يبون
حااااااااااااله والله...هاذه واحنا تونا صغار ما خرفنا بعد

عجبني بوستج وايد يعطيج العافيه حبيبتي نونوووووه ^_^

3ateeja said...

والله التضيع هليام صج صج صج زايد مع الكل والله
فما بالج باللي مضيعين خلقه
يعني حالتهم كسيفه مساكين
بس ديري بالج تعيدينها بالشغل
انا الا الشغل ما اظيع فيه
اظيع بكل شي
لكن كل مكان لي شغل فيه يعرفوني زين اني انسى فيقولون لي كتبي كتبي
واذا يبون يسوون فيني مقلب ياخذون تليفوني
امشي على غير هدى
لأن كل شي فيه صج صج الله يعينه
سالفة سوق شرق اذكر سامعتها منج
جنى في بوست من بوستات انسان بسيط
وفاست تلكو عاديه لأن الرقم متشابه
سالفة خيطان انتي طفتي لفة الدائري الخامس فدشيتي خيطان لأن لفة خيطان اهي اللفه اللي عقب لفة الخامس على طول اذا كنتي رايحه من طريج الرياض مادري شسمووه الحين
جنى سموه الملك فيصل
وسالفة السياره اليديده بالحرب هم ظحكتيني
عنز بدو طاح بمريس
حدنا يدوي شعرفنا بالألكتروني يا وخيتي
بس سالفة التضيع ظحكتني
ما بالج بالانسانه اللي ما تضيع ولي الحين امها اتحلطم جذي
الشكو لله
تصدقين ان ناس وايد تتصل فيني علشان ادليهم
بس اذا امي ركبت معاي ...لألألألألألأ تصدقين ساعات اخليها اهي تسوق اذا نفسيتي تعبانه
اذا بلف تقولي دقي اشاره
اذا وصلنا اشاره تقولي دوسي بريك
مادري ادوس بانزين وادش باللي جدامنا
وكل ما تصعد معاي من ماااااااااااااادري جم سنه
تقولي الوسط احسن سايد اليسار مشاخيط واليميين كلا يحذفون
والركاده ماكو احسن منها
ويا مستعيل تلدد
وطاق طاق طاقيه
بس ابلعها احتسبها اجر شسوي بعد
بس الادهى والامر
إهي إهي إهي
:"(
اذا انتي تسوقين ومعاج امج وابوج
لألألألألألألألألألألألألألألألألألألألألألأ
لأ
لأ
تصيرين ملطشه والله
يا بنيتي انا اقول يمين
والثاني يقول لا يسار
وطبعا امك ثم امك
وانتي تكونين ناويه تروحين سيده
مادري اطفي السياره واخلي القرعه ترعى
والله الحاله كسيفه نون حالتي اصعب
عالاقل انتي ما تدلين
انا ادل
واكثر منهم بعد
وواصله الوفره والعبدلي وجبد وكل مكان
شسويييييييييييي
شسويييييييييييي
طبعا القرقه والهذره بس هنيه عندج
لكن اذا صاروا معاي
انشا الله والغنيمه
وحاظر ومن عيوني
يا جماعه دع القياده لنا وتمتع بالرحله
مااااااااااكو عمج اصمخ

3ateeja said...

عطي كومنتي شيسمونه لا اخليج تسوقين بأمي وابوي

نون النساء said...

^
^
^

لألألألألألألألألألألألألألألألأ

أمبييييييييييييييييييه

شنو هذااااااااااااااااااا

@@

.
.

لو أنا والله يصير فيني الضغط والسكر

ههههههههههههههههههههههههههه

واااااي غشيت ضحك

أحلى شي طقي إشارة

شكوووووووووووووووووووو


امج اتينن

هم بعد حبيتها

بس ما يصير اطلب ايدها منج

:P



بس انا ما اقدر ما أضيع حتى بالشغل
ضايعة

أدري أدري بيعطوني فناقر أخرتها
ويهي على جذي..



عتووووووووووووج

عطينا قصة معاناتج الأوكي

عسى نلقالنا حل

نون النساء said...

solo~ para


يمكن صج هذا دليل على الذكاء الزايد

يعن يعني أقصد الشحنات الذكائية من كثرها وزحمتها قامت تدعم فبعضها

علشان جذي الأذكياء يصير عندهم هالخربطة

^
^
^

إشرايج بهالتفسير المنطقي اللي يعجبج

:* بووسة حقج



.
.
.

نوار

ويبعتلك الهنا انتي بعد
ان شاء الله دوم هالضحكة

chatterbox said...

لوووووووووول
عيل باجر لي تزوجتي وصار عندج عيال اشبتسوين
لوووووووول
انا صرت جذي عقب ماتزوجت
والحالة على قولتج من سيء الي اسوأ

لمياء الحالمة said...

نون

إن كانت مشكلتج النسيان, فأنا مشكلتي هي ذاكرتي إللي مو راضية تنسى اي شيئ

قمت أخاف ينفجر مخي بيوم من الايام من كثرة الاشياء إللي فيه

النسيان نعمة

تحياتي

نون النساء said...

سارة

هههههههههه

ترا اذا شفت هالعكسري بعرفه
مستحيل انسى ملامحه واهوه قاعد يضحك علي
:(



-----

شتووووورة

خوفج باجر مصايب

حارقة الغدا

ناسية البطاط على النار


ناسية اعيالي بالمدرسة



ناسية بنتي الرضيعة فبيت الجيران

لووووووووووووووووووووووووووول


----------

لمياء الحالمة

النسيان نعمه

بس مو لهالدرجة يا لمياااء

إذا زاد عن حده

يصير خباااااااااااااال

chatterbox said...

احلى شي وانتي ناسية عيالج عند بيت جيرانكم
لوووووووووووول