Home

23 Feb 2006

احداث غريبة

Tagged By :

صباحك سكر



أحد ليالي صيف 2000 قررنا أنا واعيال عمي نسهر فوق السطح
مدّينا سماطنا والكوشنز وانواع البيبسي ودقينا على هارديز
وهات يا لعب الأونو...المهم بعد هالسهرة الممتعة صارت الساعه ثلاث الفجر

واحنا نسولف ونضحك ولا طالعتني بنت عمي : نون شوفي هالنجمه الغريبة
كلنا رفعنا روسنا نطالع ولا نجمة حركتها غريبة جداً
قلتلها هذا يمكن قمر صناعي
فجأة وبدون مقدمات شفتو اشلون حرف الدبليو بالانجلش او رقم اربعه
اهيه تحركت جذي وبسرعه رهيبة وعلى مسافات كبيرة واختفت
احنا بققنا اعيونا @@ شنو هذا وصرخت انا وبنت عمي
واااااااااي مخلوووقااات فضااااائية
وما تشوفونا إلا وإحنا نتراكض على الدري وشايلين قشنا واكلنا
الصبيان قبلنا احنا يالبنات " خوش صبيان شادين فيهم الضهر " لووووول



وبعد احلامي الغريبة ..اذكر قبل احداث 11 سبتمبر حلمت بطيارة تطيح بجزيرة فيلجا
ويكونون ارهابيين مطيحينها ونروح انا ومعاي واحد ننقذ طاقم الطيارة الأبرياء ونمسك الارهابية
والشيخ جابر الله يرحمه يلبسني
قلادة مبارك وصف سفراء ودبلوماسيين يصفقولي وواحد ياباني
واقف ويصفق واهو مستانس لووول
وقعدت من النوم عادي والعصر كنت اطالع مسلسل سابرينا حزتها واقطعوها
علشان يبثون خبر الطيارة المتفجرة
لووووول اذكر بطلت حلجي من الصدمة


وأشياء ثانية تتعلق بأحلامي وعقبها بفترة تتحقق
واخرها اني حلمت السنة اللي طافت ان الشيخ جابر كان مريض ويصعد طيارة
علشان يروح يودونه للعلاج وانا كنت اطالع هالشي بالتلفزيون
عقبها طلعت انا وبنت عمي نتمشى على البحر وانا قاعده امشي لقيت جثة
يوم اقرب منها ولا القاها لبابا جابر وقعدت ابجي وناديت بنت عمي تعالي
قوليلي شراح نسوي ومنو نقوله ومنو اللي قطاه اهني
احنا مو قبل شوي شفناه صاعد الطيارة يبي يروح يتعالج وحي يرزق
شلون الحين ميت...الى آخر الحلم

وهذا غير الحلم الثاني إن المذيع يوسف مصطفى مال قبل الغزو
طالع بالتلفاز يقدم خبر نعي الأمير وتعيين الشيخ صباح اميرا للبلاد
لوووووول هالحجي ترا السنة اللي طافت مو الحين


الموقف الأخير اللي اتذكره كان قبل سبع سنوات كان عمري 17 سنة تقريبا
قاعده انا وبنت جيرانه والبيت ماكو أحد غيري انا واهيه واخوي وولد عمي بالديوانية
فجأة ولا ينطفي الليت فقمت ابي ابطلهم وبشوف يمكن احترق ولا شي..؟؟
جان يشب مرة ثانية انا إلتفت على رفيجتي وصرخنا :
واااااااااااااااااااااااااااااااااااااااااااااااااااااااااااااااااااااااااااااااي
ووحده تسابق الثانية ورحنا الديوانيه وقعدنا عند الصبيان

بس للأمانة انا شاكة بالصبيان يمكن يبون يخرعونا بس احلفو لنا مو اهمه

:/

وبس


امررها

SILVER RAIN

السعلوة

chatterbox

استكانة

وكل شخص يحط تعليق يعتبر متقق

16 comments:

صباحك سُكّر said...

نون

الظاهر انج حيل شفافة وصادقة

لأن معروف الصادق بحياته صادق بأحلامه

3ateeja said...

كل شي بصوب والفضائيين بصوب ثاني ههههههههههههههههههههه عسى ما خذوكم وصرتوا مفقودين مثل الفلم الهندي الامريكي

وبسج احلام سياسيه ترى لو الحين انتي بسوريا جان نلقاج ورى الشمس
هههههههههههههه انا بعد عندي احلام سياسيه والله ابوي يقولي اشوه انج كويتيه ولا جان الله يستر

نون النساء said...

سكر :

شفافة؟
ها ...مادري والله


بس شسمه ما يمنع اني مرات أصير نصّابة

ههههههههههههه

Ensan basee6 said...

هههههه نون طلعتي خوافه ؟؟؟ بس نصيحه بطلي من مجابل جرين دايزر و عدنان و لينا

شَـــ ـوْق said...

في مسلسل في الام بي سي 4
يتناول سالفة بنت تجيها أحلام تتنبأ بـ أحداث الجريمة
وان الـ FBI
استعملتها لتسهيل القبض على المجرمين وشي جذي

:

شرايج؟ شغله سهله براتب مغري :D


:

الله ينور دربج قولي آمين

صباحك سُكّر said...

نون

احسج مثل كل اهل الكويت قبة قبة

خوش ولاء في العيد الوطني المجيد :/

نون النساء said...

^
^

مو قبة يا سكر إلا قولي
ذبحت المخده نوم ورحت قضيتلي مشوارين

رايحة شرق وتوني اكتشف ان شرق بالديرة مو بالسالمية

والله العظيم انا عبالي شرق بالسالمية ومصدقه بعد ...

والله أنا أكسر الخاطر

:""(

نون النساء said...

عتيجة:

ترا انا مصدقه هالسالفه

$^_^$ ههههه


والاحلام السياسية انقطعت عني من فترة
خخخخخخخخخخخخخخ لا اتخافين علي...
اهني عادي انحش على كيفنا ماكو عندنا بعث
يشيلنا بخيشة ويقطونا تحت الأرض

.
.
.
.
.
.
.
.
.


انسان بسيط :

بس خوفي زين
وفيه ميزة حلوة وايجابيه إني اذا خفت
ما أهد السكّان لما أسوق لووول

بس عاد والله ترا مصدقه ان اكو مخلوقات فضائية
:P


.
.
.
.
.
.


شواقة :

والله انا جاهزة وموافقة
وموقعة العقد بعد
بس المشكلة مو كل يوم أحلم
:""""(

3ateeja said...

انتي من صجج امصدقه سالفة الفضائيين
سبحان الله هالفضائيين مادري بس ليش يشوفونهم الامريكان سبحان الله


لو احد بالوفره يقول شفت ما يصدقونه

سالفة الفضائيين سالفه تألفها بعض الشعوب على شان تسيطر على بعض


انا القمر مو مصدقه انهم وصلوا هالدور تقولين لي فضائيين

نون النساء said...

^
^
^

جيل الرسوم المتحركة

شتقولين عنه بعد..

:/

Ensan basee6 said...

نون روحي المارينا و شوفي المخلوقات الفضائيه انا شفت شورتات ستريتش تنانيير ستريتش بس قحافي ستريتش اول مره اشوفها

3ateeja said...

تعوذي من بليس واقري اذكار المساء والصباح والله الحافظ
اش فضائيينه
لايكون تعتقدين بعد ان بييج يوم واتطورين وتصير مخلوق مادري شلون
بوكيمون مو نون النساء
بس واللي يسلمج روحي شوفيلي سالفة القحافي لسترج ...وكتبي فيهم بوست
ههههههههههههههههههههه بسيط اذا تعرف سالفة القحافي لسترج قولها ترى مالنا خلق نعني نونو

chatterbox said...

loooooooool
ga3da m3a le9bian bedewaneya
looooooool
thanks for tagging me bs ma 3endy a7dath '3reba fe 7yate:(
etha tethkart shay ra7 akteba
o thanks again

EsTeKaNa said...

واااي حسافه على قعده السطح
تصدقين صار لي فتره وانا مشتهيه انام بالسطح بس ماحد معطيني ويه

بس عقب المخلوقات الفضائيه هونت
:Pp~
احلامج عجيبه سبحان الله خاصه مالت الامير الله يرحمه
والقلاده والتكريم
بس ما ادري الحفله كانت بفيلجا
:Pp~


انزين ممكن تعفيني انا ما عندي سوالف من هالنوعيه والله
عندي نوعيات ثانيه
:Pp~

change destiny said...

ايه دة كله ايه دة كله ؟ أنا أحلامي عادة برضه بتبقى غريبة بس مش غريبة قوي كدة

Muhammad Aladdin said...

بعيد عن البوست ذاته
تصميم البلوج نفسه جميل جدا جدا
:)