Home

11 Oct 2006

بنت النور والسعلوة


الشخشيات :

البطله الرئيسة والنجمة المعروفة : ام النـــور ( منوره )
البطله المساندة : السعلوة سميرة ( اشتقت لمالاقتها لوووول )


تمثيل :

زوجة الأب ( عواشه )
نسمة وقسمة ( بنات عواشه )


كومبارس :

ابو عدنان ( الأب )
عبد اللطيف ( العاشق المتيم )
سعلو بس بالإسم ( الله يرحمه )
الفريج ( لوووووول )



.
.
.


ما جانا وجاكم الا خير لفانا و لفاكم و شر تعدانا و تعداكم  icon
كان في سعلوة اسمها سميرة  iconوكانت هالسعلوة طيبه وحبوبة وكانت عايشه داخل جليب بيت بو عدنان الي موجود بالحوش اللي بره البيت .

وكان هالجليب مصدر شؤم وهاذي اقوال اهل المنطقة لان هالجليب باليوم اللي انولدت فيه منورنشف مايه ، عاشت منوره العسوووله ثلاث سنوات مع والدها الرجل الطيب المصلي والذي كان كل اهل الفريج يحبونه ويحترمونه ، وعندما رؤى ابنته الوحيده وحيده قرر ابو عدنان وكانت هذه كنيته اللتي يناديها به اهل الفريج.


قرر ان يتزوج واييب ام حق بنته اللي قاعد تكبر جدام عينه وماعندها ام هنونة وتزوج الريال بس الله بلاه بوحده شريرة ونسرة يومة يومة يوووومة يا قوايتها كانت ذيبه بويه انسان قلبها اسود ومليان كراهيه، وكانت هالمره كل ما يتزوجها واحد يطلقها من نحاستها المهم تزوجها هالريال المسكين وطاحت بجبدته ابوووي حراام شنو هذا ليش؟ ، وقعدت هالمرة الشريرة وكان اسمها عوااشه وطبعا هالانسانه اللي يابها ابو عدنان عشان تكون ام حق بنته طيبه
تحبها وترعاها اطلعت انسانه قاسية وما عندها مشاعر جللببببه.....وكله تطقها وتحبسها بالحوش اللي فيه الجليب المهجور .

واحيانا توصل فيها المواصيل ما تعطيها كيندر بوينو ولا حتى لقمة تسد فيه رمق جوعها...وبس جدام ابوها اتصير حبيبتها وحياتها وابو عدنان هي هي هيييييي امصدق ومو قادر يشيل الغشاوة اللي على عينه من مرته النسرة اللي كانت تضحك بويه ومن ورااه اتسوي العماايل وكل ما يطلع ابو عدنان من البيت اتروح عوااش وتحبس منور بالحوش المهجور اللي محد يدشه بسبة الجليب المشؤوم..

ومنور تبجي تبجي:
لا ياخالتي لا توديني هنااك اسوي اللي تبينه بس لا توديني هناك احبج على ريوولج لا توديني وتبجيييي ودمووعها تصب وتمسكها مرت ابووها النسرة من شعرها وتسحل فيها: ابجي بعد ها ها ها ها << ضحكه شريرة>> ابجي ابي اشووف عيونج يصبون بدال الدموع دم .

منور :
ليش يا خالتي ليش ليييييييييييييييش لييييييييييييش انا شسويت لج عشان اتسوين فيني كل هذا؟

منور ما كانت تدري ان مرت ابوها غيرانه منها حيث كانت فتاة جميلة جدا ومحبوبة من الجميع بعكس عوااش ام النفر وكانت منور تقعد بهالحوش واهي ميته من الخوووف وتبجي وتنادي امها اللي توفت عنها يوم ولادتها..وتدعي من الله انه يلين قلب مرت ابوها عليها يعني شووف من طيبها ماكانت تدعي على مرت ابووها .

وداخل الجليب كانت السعلوة سميرة icon ترى وتسمع ما يحصل ولكنها لم تكن تتدخل خوفا من اهل الفريج اللي اذا درو ان في سعلوة بالجليب بيدموونه واهي فيه فكانت كافيه خيرها شرها... ولكن بكاااء منور
كان يقطع القلب ومناجاتها لأمها ..ودعوتها لمرت ابوها ان الله يهديها....وكانت هالسعلوة وحيده وماعندها عيال فعطفت على منور وهي نايمه راحت غطتها وحطتلها اكل.. وكل مرة اتسوي جذي ومنور ما تدري منو اللي اييلها ويعطيها الاكل وبيوم سافر الاب رحله طوييييييييييييله وترك منور مع مرت ابووها اللي وصاها ببنته الخير وهو مايدري ان ما راح يصير خير اذا سافر.

وتركها ابروحها لكن قدر الله وما شاء فعل سافر الاب اهني عوااش راس الحيه تلعب ..وقررت انها تتخلص من منوره للأبد عشان يخلالها الجو وتكون هي الوحيده بحياة ابو عدنان المهم وراحت وقطت منور بهالحوش وبعز الشتا لا غطا ولا ملابس اتدفيها عن البرد وخلتها ..وهي متطمنه ان محد بيسمعها لان الناس كانت تخاف اتقرب من هالمكان.. ولما كانت منور هناك منهكه من البرد والمطر والجوع رق قلب السعلوة لها فخرجت من الجليب... واخذتها وياها وكان هالجليب عجيب غريب...لانه كان مجرد بوابة الى مكان قمه في الجمال والروعه فوق الغيووم ويغطيه قوس قزح وارض سااحره ساحره .


وكانت منور للحينها تعباانه جداااااااا من الانفلونزا اللي صارت فيها والحمى وتمت هالسعلوة سميرة تداريها وتعتني فيها ايلين اتحسنت صحتها وفتحت عينها منوره شوي شوي شوي شوي جان تقمز من الخرعه تدري سعلوة اتخرع اهني السعلوة قالت لها  icon:
لا تخافين مني لا تخافين يا يمه...

منورمن اسمعت كلامها ارتاحت لها وقالت : منو انتي؟ ووين انا؟ شنو هامكان وشلون ييت اهني؟ وين ابوي ووين خالتي ؟ اضحكت السعلوة وقالت لها  iconول ابيج تاكلين هالعسل اللي يبته لج وبعدين اقولج كل شي...

وقعدت منور تاكل وتاكل وتاكل وبغت ما تشرق المفجووعه المهم واقعدت السعلوة تقولها  icon:
انا عايشة بالجليب اللي موجود في حوش بيتكم وكنت اعرف امج الانسانه الطيبه اللي كانت الانسانه الوحيده اللي اعطفت علي لما كنت مريضه واهي الوحيده اللي صبرتني على موتت ولدي سعلو..وباليوم اللي ولدتج فيه وصتني عليج واني اهتم فيج من عقبها...وكنت دايما اطل عليج لما ابوج يخليج ابروحج بس حسبي الله على الظالمه عواش ماكنت اقدر اسوي شي غير اني احطلج اكل واعطيج غطا لما تحبسج بالحوش.


منوربققت عيونها: يعني انتي اللي كنتي...!! اضحكت السعلوة  icon: اي انا المهم وقامت منور وتحسنت صحتها وبدت تحب السعلوة سميرة حيل حيل وبدت تحسبها حسبة امها لانها حييل طيبة وحنونة معاها لدرجة انها نست الدنيا اللي كانت عايشه فيها وتمت قاعده عند السعلوة سميرة فوق السحاب لا شمس تغيب..ولا برد يكسر العظام ولا عطش ولا جوع ولا مرت ابو جاسيه وكانت طايرة من السعاده واهي اهناك بين الشجر والورود والعصافير اللي حواليها كل شي كان ساحر حواليها الماي حلوو حلووو مثل العسل والارض اللي تمشي عليها كأنها القطن من نعومتها..ولا الورد تشم عطره عن بعد كيلو .


واكبرت منور
عند هالسعلوة وصارت نسخه عن امها ولكن اكثر جمالا المهم اكبرت منورااااااا واهي عايشه مع السعلوة اللي صارت عيووز حيييييييييل ومريضه وبهالسنوات هاذي طبعا الكل اعتقد ان منور ماتت...لان مرت ابووها الحقيرة قالت ان منورغافلتني واهي تلعب وطاحت بالجليب والكل طبعا صدقها حتى ابو عدنان اللي حاشه المرض . على فراق بنته الوحيده... من مرته الأولى ...لان عواشوووو يابت بنتين سحووت ما تقدر تطل بويووهم من الجكر...وكانو غشيمات اييبون المرض..ومايعرفون يسوون اي شي ووصخات يااع وفي يوم من الايام كانت السعلوة قاعده وشافت منور اشلون صارت كبيرة واحلوت وشلون كانت كله تقعد ابروحها ما عندها لا حنيس ولا ونيس ولا بنات بمثل عمرها تستانس وياهم... هني السعلوة سميرة اقعدت اتفكر.. icon:


معقولة انا كنت بهالانانيه واحتفظت بمنور عندي ومنعتها عن الناس لالالالالالالاا مو معقوولة انا ما اسوي جذي.. بس انا كنت على حق اني اخذتها ها؟؟ بس ابوها شنو ذنبه واهي شنو ذنبها تعيش وحيده مثلي انا لازم اتصرف وارجعها حق اهلها .. وفي يوم نادت السعلوة سميرة منورااا اللي كانت قاعده تلعب ابروحها بالحديقه .


منورااااا....منوووووووووووور

منور: هلا يمه . السعلوة انصدمت... لاول مرة منور تناديها يمه وانترسو عيونها دموع شافتها منور بهاحاله فقالت : اي انتي امي محد اهتم فيني كثرج ومحد عطاني من حنانه وحبه كثرج لما امرض انتي موجودة ولما افرح انتي موجودة انتي دنيتي كلها وبطتها بجوة السعلوة وبعد ما اسكتت قالتلها icon: يا يمه انتي كبرتي وصار لازم ترجعين حق ابوج وحق اهلج..!! اللي يضنون انج ميته بس انتي مو ميته انتي حيه لازم يدرون عنج ما يصير يتمون جذي ومايصير اتخلين ابوج ابروحه مع مرت ابوج عواش وخواتج.



منور: بس انا ابيج انتي انتي اهلي امي وابوي وكل شي السعلوة : لا يا منور لا تكذبين على نفسك..عبالك ما كنت اشوفك بيوم عيد ميلادك وبعد ما انام كنتي تروحين الجليب وتطلين على اهلج من بعيد لي بعيد كنت اشوفج وادري بكل شي لا يا منور انا الحين اقولج انتي لازم ترجعين على الاقل حق ابووج اللي طاح باحظان المرض لانه يظن انك متي . اهني منور ما تكلمت والتزمت الصمت واهي متردده حيييييييييييل ومو عارفه شنو اتسوي.

وفي اليوم المحدد لعودتها..يات السعلوة وتبي تعطيها هديتها لانها كانت لها بمكانه ولدها سعلو الله يرحمه وامسكت عصا كانت عندها وحطتها على كتفمنور
اليمين وقالت  icon: يا عصا يا عصاتي هذي بنتي وكل امنياتي كل ما بغت وامسكت شي باليمين..صار بقدرة الله ورغبتها رغيف وعجين .


وحطت العصا على كتفها اليسار وقالت icon :
يا عصا يا عصاتي هذي بنتي وكل امنياتي كل ما بغت وامسكت شي باليسار..صار بقدرة الله ورغبتها ذهب يشع صفار .


وقالت لها
اتوكلي على الله وامشي على قوس قزح ايلين توصلين باب الجليب ولازم توصلين له قبل لا تغيب الشمس على الارض يوم عشان لا يختفي الجسر ومشت ام النور واوصلت للباب ..ووقفت وودعت ايامها الحلوة اللي عاشت بالسما وانزلت من عينها دمعه هالدمعه لانها كانت طالعه من قلب صادق ومحب ووفي حق السعلوة تحول الى نجمة سهيل اللي نشوفها الحين بالسما.

واطلعت ام النور من الجليب وراحت حق ابوها وعوااش مستغربة منو هاذي وابوها عرفها على طوول لانها كانت تشبه امها : وراكضت له با
يبا يبا يبا يباااااااااااا ولهت عليك يايبا
ام النور بنتي ام النور كح كح كح
يبااااااااااااااااااااااااااا
بنتيييييييييييييييييييييييييي


المهم ودرو اهل الفريج ان منورره
ردت بس شلون ما يعرفون وبعد فترة سألها ابوها وين كنتي عايشه كل هالسنين وشنو كنتي اتسوين منور ما بغت تقوول عن السعلوة كانت خايفه عليها بس ابوها اصر انه يعرف فقررت تقوله وحلفته: بس هااا ما ابي احد ايعرف يا يبه وغلات امي عندك فعطاها كلمة رياييل انه ما يقول حق احد بس السحته ام السحتتين نسمه وقسمه اتصنت عليهم واهم يسولفون وقالت منور حق ابووها القصه من اولها لاخرها...


وبعدها ...
وبكم يوم اطلعت ام النور راحت تزور صديقات الطفولة وكانت كل ما شافت انسان يوعان مدت ايدها اليمين وامسكت اي شي ويصير رغيف وعجين وتعطي اليوعان واذا شافت انسان فقير امسكت بيدها اليسار اي شي وبرغبتها ايصير ذهب يشع صفار...في احد طلعاتها شافها ابن النوخذه عبد اللطيف واعجب حييييييييييييييييييييل فيهاوقرر انه يخطبها...


اهني عوااش يوم درت ماتت قهر اشلوون انا بناتي محد يتزوجهم وياخذون نوروه وهم شب بقلبها الغيرة ان منوره لما تمسك شي وبرغبتها يصير ذهب وان منور ما كانت تعطي الا الفقارة فانقهرت عليها ...وراحت خذت بناتها الثنتين وطقتهم طق طق طق طق طق وقالتلهم لهم
ابيكم تبجون لما اطقكم وابيكم تسوون جذي وجذي عشان تاخذكم السعلوة اللي قالت عنها اختكم واتصيرون اغنياا وتاخذون اغنى الاغنياء اللي يسوون راس ولد بو عبد الطيف النوخذه ...والبنات من الغشامه على طوووول: ان شاء الله يوومة.. ..المهم وكانت تطيح فيهم طق طق طق كل يوم واتخليهم بالحوش والسعلوة ما اتيي ولا تاخذهم ولا اي شي .


استغربت عوااش ليش مو قاعد تطلع فقالت انا بسرع المهمه جان تاخذ بناتها وقطتهم بالجليب وردت البيت واهي راده ولا يطق الباب ولا هذا هو النوخذه بو عبداللطيف وولده يايون يغازلون لالا قصدي يايون يخطبون ام النور
حق ولده عبد اللطيف فقالت عوااش مستحيل نوروه اتصير كنه بيت النوخذه ..وانا عواش انا اراويج ي ام النويروه انا ماصدقت افتك منج رديتي مره ثانيه.


جان تروح تقولها
يا ام النور يا منوره يا يمه هاج العجين وروحي التنور ابيج تخبزين حق الغدا اليوم النوخذه وولده عندنا يخطبونج وهالله هالله بالخبز الزين لا اتفشلينا..ام النور استحت وقالت لها بحيا : ان شاء الله خالتي وراحت منوره عند التنور وتوها قاعده تطل داخله تبي تشب الحطب ولا تدزها عواشووو وتصكر التنور على ام النور وخلتها هناك .






المشهد ينتقل الى بيت السعلوة :

وفي تلك الاثناء كانت نسمه وقسمه يمشون باتجاه بيت السعلوة اللي كانت تدري بكل شي
ويوم شافتهم خذتهم ووكلتهم ولبستهم وقالت لهم مو انتو بنات عوااش قاولها اي يا امنا
اضحكت السعلوة icon :
سووبحان الله صرت امكم؟؟
نسمه وقسمه :
اي امنا انتي لبستينا ووكلتينا واهتميتي فينا يعني انتي امنا
ماتت من الضحك السعلوة وقالت لهم زين زين يا بناتي تعالوا معاي ..
وشافوها يوم تطلع العصا جان تساسر نسمه قسمه

وقالت لها :
قسمه قسمه قسمه...
قسمة :-L :
ويهد اشفيج لا تدزين.
نسمه :
شوفي هاذي العصايه اللي قالت عنها امي واااي الحين بنصير نسرب رغيف وذهب وواااي وااااي.
قسمة :-L: انزين جب سكتي

السعلوة:
تعالو يا بنات<<<< بخبث وحطت السعلوة عصاتها على كتف البنات اليمين وقالت : يا عصاتي يا عصاتي قسمة ونسمه هم قثاتي كل ما بغو وامسكو شي باليمين..صار بقدرة الله وغصبا عنهم تراب وطين .


وحطت العصا على كتفهم اليسار وقالت:
يا عصا ياعصاتي قسمة ونسمه هم قثاتي كل ما بغو وامسكو شي باليسار..صار بقدرة الله وغصبا عنهم نفر نفار . وقالت لهم روحو يابنات حق اهاليكم اتوكلوا.



طبعا هالغشيمتين ما يدرون شنو سوت فيهم السعلوة وردو البيت حق امهم اللي كانت مستانسه عبالها الحين بناتها بيخرون ذهب وعجين المهم الحين ابو عدنان كان قاعد مع النوخذه بو عبد اللطيف عشان ياخذون منوره حق ولدهم ووافق الاب على اساس بكرة الدزة واللي بعده الزواج. وبيوم العرس اشسوت عوااش راحت اخذت نسمه وحطتها بدار المعرس وغطت ويها اللي انترس نفر وطين وتراب بكل مكان تجيييسه يصير جذي وخلتها بالدار وقالت لها ديري بالك تتكلمين او ترفعين الغطا عن ويهج قبل لا يدش عليج ولد النوخذه وراحت وخلص العرس ..ومنوره للحينها محبوسة داخل التنور محد درى عنها .


ودخل عبد اللطيف داره عباله الحين ام النور عروسه قاعده هناك. وقعد وقام يسولف لها وهالبنت بس تهز براسها وحوالينا طين وتراب وعبد الطيف مستغرب شنو هذا كله حوالينا تراب وطين وايدها متروسه نفر بس هو ماكان هامه دام انه تزوج منوره
اللي شافها ويوم رفع عن ويهها الغطا ولا وحده ويها مترووس طين ونفر صرخ صرخ عبداللطيف :z: واااااااااااااااااااع شنو هذا لالالالالااااااااااااا هذي مو مرتي ابي مرتي شنو هالمخلوق هذا .

وطلع من دااره واهو معصب وحالته حاله يدور على مرته . وكانت الدنيا فجر ...وطلع ابو عدنان وعوااش :
شفيك شفيك يا وليدي ليش تصارخ ونادى ابو عدنان وعوااش عبد اللتيف : شوفو بعيوونكم اشفيني هاذي مو مرتي انا ابي مرتي ابي ام النور اهني ابو عدنان انصدم وعواااش توترت وقامت تلطم خاايفه لا تنكشف ونسمه تبجي : يووماااااا يووومااااااا شووفي عبد اللطيف ما يبيني واااا اهي اهي واااا . وقام ابو عدنان يدور بنته وعبداللطيف يدور عروسته وقبل اذان الفجر صاح الديج بس السعلوة خلته بدال مايصيح كوكوكوكوكو خلته يدل على مكان ام النور .وصاح :


كوكوكوكوكوكوكوووووووووووو بنت النور بالتنور وام النفر بالفرشه كوكوكوكوكوكوكوكوكوكوكوكو بنت النور بالتنور وام النفر بالفرشه كوكوكوكوكوكوكوكو.


اهني انتبه عبد اللطيف لصيحة الديك وفهمها جان يروح يركض ناحيه التنور واركضت عواااش وامنعته بس اهو كان مووصر

ووخرها عن طريجه وفتح التنور وله ام النور هناك وطلعها . وسألها
منوره منو اللي يابج اهني ؟؟؟

اهني خافت عواااش لا اتعلم عليها بس ام النوراصييلااااا وقالت :
كنت ابي اخبز وطحت وماعرفت اطلع؟ فشاالها عبد اللطيف ووداها دارها وطلّع هذيج ام النفر اللي صارت مخلووقه بشعه اهي واختها الثانيه وحتى عوااش انترس وييها تراب ونفر لان بناتها امسكووها .

وعاشت منوره مع عبداللطيف بســعاده وهناء وخلفوو نورات وعبد اللطيفات وتوتة توتة خلصت الحزاية









حقوق الطبع محفوظة لنون النســاء .
*^___^*

بس غيرت بالأسامي واذا شفتو اسم ثاني غير ام النور جنكم ما شفتو شي دخت وانا أغير بأسمها لأسباب شخشية لأن كنت كاتبتها عن نفسي وفاولنا على عمرنا فيها استغفر الله مادري الظاهر انا من أهل الله ومرفوع عني الحجاب
وترا كاتبتها أيام الطفولة قبل سنتين اذا موغلطانة مو ألحين هههههههههههههه عشان لا تقولون اشفيها نون الله يهداها . .

47 comments:

ســكون said...

LOOOOOOOOOOOOOOOOOOOOOOOOOL


أهم شي الديج
:p

موتيني ضحك والله

بس جد موهوبة والله .. تنفعين و بجدارة
حق قصص الأطفال


و الكبار

احم احم

نون النساء said...

اي قصص يا سكون

كل اللي عندي قصتين

هاني والسعلوة
وبنت النور

وكانو
والثالثة عبط لووو
ماتنفع احطها بالبلوق
جان ما اقول اشتغل عليها اشوي واتصير قصة .


الله يعود أيام سميرة
جان الحين مسويه عنها
مجموعة قصصية

واطلق عليها اسم
االسعلوة سميرة


والإهداء لها

عَـــــــــــــذبه said...

:)
ذكرتيني بحزاوي الجده
نون
اينما حللتِ
مبدعه

sarah said...

ههههههههههههاي
تصدقين طبعتها على ورق
عشان اقراها قبل ماانام على راحتي
تسلمين
:))

الفراشة said...

ياسلام على القصه

بتصكين على فجر السعيد

ثانكس على القصه

Anonymous said...

اهم شى ايام الطفولة قبل سنتين
انزين ليش كل ما ادش بلوق فيه عن الاكل :(
يعنى حتى الخبز ترى ايوووع :))

على فكرة انتى انساااانة مبددددعة
عينى عليج باردة
خيالج خصب

نون النساء said...

عذبة :

مشكوورة يا ياسمينة

:*


.
.

sarah :

ديري بالج
ترا السعالي من النوع اللي يطلع من تحت الكرفاية

:P
وخصوصا سميرة
لوووول

نون النساء said...

الفراشة :

أي فجر سعيد
ماكو مقارنة أصلاً
:P

مشكووورة

.
.
.

mishari :

عاد مسوية طبقين مالوت ارمضان الوعد
اللي وعدته لأمي
بس مادري اشلون
احس عذاب نفسي اذا حطيتهم بالبلوق
وكذلك انا كنت طفولة قبل سنتين
الواحد الحين قاد يكبر من اللي يشوفه بيوم واحد فما بالك بسنتين
x_X


احم احم
مشكوووور

My-Home said...

سؤال صريح الأسامي من ويييييييين؟؟؟
لووول
بس عجيبة ما كتبتي عن مسلسل
سندريلا
مال سعاد حسني
؟!؟!؟!؟!
حلوة القصة وتضحك
ههه
:)

>>Sama Oman said...

COOOOOOOOOOOOOOOOL

أخيراً رجعتي و رجعة قوية و رائعة

يا الله عاد
بانتظار القصص الجاية
:)

Cr8ivia said...

جدا ابداع :| ههه قصة و سيناريو و حوار
و الله شي .. بس عاد شفيج معلقه على السعالوة :|

good job

و شكو ماكو مقارنه بفجر السعيد و اللي يعافيج شايفه كبامارو اللي ينعرض الحين مالها :|

Fuzzy said...

تصلح مسرحيه حق العيد
:)

Jeff said...

Thank you, Nonny! Even though I can't read it, I can go through and look at all the interesting little faces!

I'm so glad you posted something and you're feeling better.

Don't go away forever at least without a warning, okay? Coz I'll worry and worry and just keep coming back and checking and checking. If you get tired of blogging, just put up something like, "I don't know when I'll be back, maybe never!"

Then I'll still miss you, but I won't worry that maybe you got sick in the hospital and I let you down coz I didn't even know to pray for you...

نون النساء said...

My-home

احم
الشخصيات حقيقية
بس القصة جذب لووووووول
لا يبه
ما اطالع غير الفريه
طايحتله سب ببو مبارك وحصيص ام الدواهي


.
.

sama :

اييييييي
طبعا طبعا
سكتي قاعده افكر اعرضها
على هدى حسين لووووووووول

نون النساء said...

Cr8ivia :

لوووووول
اي والله ماكو وجه للمقارنة بكل المقاييس
الدنيوية والشكلية والفكرية حتى

:P

مشكورة حبيبتي

ويسعدني مرورج عندي

.
.
.

fuzzy :

ما راح نلحق نسوي شي مابقى شي على العيد

:/


.
.

jeff :

hahahahahahahahahah OMG
jeffffffffffffffff
don't try to make me translat the story coz you will wait for along long long & i mean for along time
:P

well it's a small story for kids & adults i wrote it in a very crazy night trying to make a friend of mine happy & i did .

it's some how the Arabic version of sinderella but in a very different way .

Ohhhhhhhh nno no no no no no no no no no no no no no no no no no no
don't try Oh yes i'm sure a bout that .

LooL :p~

Anonymous said...

وصج احب صورة سعاد حسنى :)

Mamloo7a Q8ia said...

والله اندمجيت حبتين خوش حزايه اشوا ان انتي جارتي في فريج البلوقرز علشان تحازينا كل يوم
وما شاء الله عليج خيال واسع وخفة طينه ما صارت

Jeff said...

No, Nonny, I don't want you to translate anything for me until after Eid is over. You need to rest. For real, I make you work too hard and I promised to let you rest for Ramadan. I wasn't asking to translate...

I just want to say something on your blog...I don't understand the words, but I understand the faces!

Maybe I should guess what the story is just from the faces and write it here...what do you think? :-D

نون النساء said...

mishari :

me too
:P


.
.

مملوحة :

السوالف لاحقين عليها
اهم شي اتعرفين اتسوين حلووو؟؟؟
لزوم السواالف


.
.
.

jeff :

:P
:P
:P

OK , untill after EID ..
but you should take arabic lessons
it's never too late to study :P

:P
:P

Jeff said...

Yeah, and I understand those faces in your comment, too!

Five smiles, for me. It's the same in every language and even better than a translation! :-)

العين الساهرة said...

خوش قصة وايد إستمتعت وانا أقراها، بصراحة تنفع مسلسل تلفزيونى، ترى من صج عندج موهبه ولازم تستميرين بالكتابة، وترى البلوقرز ما يجاملون إذا شىء مو زين يقطونها بالويه

تابعى ما بدأتيه

kuwaitia said...

خوش قصه مادرى ليش ذكرتنى في مسرحية سندريلا يمكن ليش طاحت بالتنور :)

Q8ya said...

اشفيها سنووايت وسندريلا لووووووووووول


شكلج كنتي متابعتهم حييييل وكتبتي قصه من عندج لوووول


بس بدعتييييييييي ونااااسه...^___^

نون النساء said...

kuwaitia:

ههههههههههه
اييييييييي
مثل ما قلت حق جيف هاذي سندريلا
بس إصدار عربي
:P


بس السعلوة هاذي صجية
وعايشة بيناتنا لووول


.
.
.

Qtya :


سألي سلفر عن سميرة

:P
مو تنسين



.
.
.

العين الساهرة :

مشكووورة يالساهرة
الله ونااسة عاد اتصير مسرحية
ولا عمل كارتوني

.
.
.

jeff :

:P
what will happen to the arabic lessons :P ?

Jeff said...

Nonny:

Eh? Arabic lessons? What, did I forget my homework?

I still didn't find lesson one, other than ha, ha, ha and stuff like that.

Who will be my tutor?

Jeff said...

See, Arabic is so scary, partly because it's so CURLY.

Look. Pretend you don't know Arabic and look with fresh eyes, the eyes of a pure and innocent American like me...

Okay, look, here's Greek:

καὶ ἐκτείνας τὴν χεῖρα πατάξω τοὺς

one letter, two letters, three letters, four. Right?

Here's Hebrew:

אהיה אשר אהיה

one letter, two letters, three letters, four. Right?

Now here's Arabic (remember to keep looking with innocent American eyes):

خوش حزايه اشوا انعشان اقراها قبل ماانام علىقد يتحول حرف
لوووووووووووووووووووووول
هاهاهاهاهاهاها

See what I mean? So cuuuuuurly! How can you tell when one letter stops and another one starts? It's so scary, like reading spaghetti.

And reading from right to left? I'll get dizzy and fall down! I can't even comb my hair properly in the mirror coz everything is reversed. I'm afraid if I try to read backwards, my head will split in two. It's terrifying, you see what I mean?

And I didn't even mention those sounds in the throat, the q and the ' and all that stuff. Whew!

بالديسار said...

سيدتي
بصراحة القصة ممتعة جداً
تسلم إيدك

بس ملاحظة بسيطة جداً: أول كلمة بالقصة بدلية الله يهداك ... شخشيات

:)


عاد شدي حيلك أنتي الحين عندك شخصية السعلوة ممكن تبنين عليها قصص عديدة

ودمتي بخير

78o8eYa said...

ما شاء الله عليج

خيال خصب ، اسلوب يشد
و القصة ذكرتني بحزاوي يدتي

أروع من الروعه

صدقيني في موهبه مخشوشه ولازم تطلع بيوم من الأيام

بالصدفه اكتشفت بلوقج
و بصراحه استمتعت بالقراءة

أمنياتي القلبية بالتوفيق
^_^

طائر بلا وطن said...

الله يهداها السعلوة يوم انها واصلة علامها
ما عالجت الصلع اللي براسها

:p

و بلغيني بسر الخلطة

راسي على شفه صلعة

نون النساء said...

jeff :

@@
what do you left for me to say ?

what kind of language is that
καὶ ἐκτείνας τὴν χεῖρα πατάξω τοὺς

LooooL
i remember one old man visited us last week he is Hungarian OMG he is so nice & he was speaking to me in english but i was surprised when i discover that he knows how to speak in arabic but you know not that much

he tried to teach me how can i said goodbay in his language well it was really diffecult .


hahahahahahahahahahah
هاهاهاهاهاهاهاهاهاهاه
^
^
^
Laugh in both language .


yalla jeff i'm not going to bother an pure and innocent American like you . coz i'm a good & innocent girl
O:-)

:P~
LoooooL

نون النساء said...

بالديسار


:)
عندي قصتين غير هاذي
بس يبيلها شغل
:P

شكرا على رأيك
صراحة
.
.
.

78o8eYa

ههههههههههه اي
مو لانج مااتعرفين انا اشلون كتبتها

X_X
مشكوووورة حبوونتي


.
.
.

طائر بلا وطن

لا ماعليك
السعلوة سميرة نصابة
انا أخبر فيها


اخلط جرجير بالخلاط
وحطه على راسك
بتطلع قرعه الخليفة العباسي

يعني وزنها ذهب "

Jeff said...

What kind of language is this, you ask me?

καὶ ἐκτείνας τὴν χεῖρα πατάξω τοὺς

It's Greek.

Yeah, everybody says Hungarian is HARD. I know some Ethiopians that studied in Hungary. They said the first two years, they only studied Hungarian. One of them said, "We just sat there and cried and cried, it was SOOOO hard." But after two years, they started to understand it! But they called Hungarian classes "Birth Control" because it was so hard, you didn't have time to do...you know what!

Here is Hungarian, it looks hard, doesn't it? Like a mouth full of rocks:

"Az alábbi térkép földrajzi áttekintést ad a magyarországi Internet információ szolgáltatásokról. A piros háromszögekre kattintva a kiválasztott régió információ szolgáltatásainak részletes listája jelenik meg."

But if I should learn Arabic, I will try. Teach me something easy for you to explain and I will go step by step like a baby.

>>Sama Oman said...

LOL @ Jeff

NoooooooooooooooooN
Update
you said you will tell us about yoiur cook lessons.....Right!
is it too late....
Ramadan is alomst Over :(

Happy Eid dear
:)

a7La eNG said...

عجيبة .. عجيبة

و هم بعد عجيبة

:))

تشكرين على النهاية السعيدة والله العادة كله مأساااااة

ماعليه معقدة انا شوية

;D

start ur book nony yalaaa dont wait ;**

tweety said...

اي والله يحليلها سندريلا الكويتية

مادري ليش تخيلتها مسرحية وبنت النور هدى حسين
اما السعلوة فسلمج الله وايد سعالوة الحين يمثلون بس طبي وتخيري
صدقيني حق ايام العيد تربحين

elq87obi said...

الله الله يا حلو هالقصص الحلوه خلهم يمثلونها احسن من قصص هالايام اللي تلوع الجبد خخخخخ

حلوووه سالفه الديج لوووول

عاد نبي قصه ثانيه اوكي يدتنا نون خخخخ

يعطيج العافيه و الله ما قصرتي

بوست حلو

سلااامز :)

نون النساء said...

jeff :

OK in every post i will teach you some words . LOOL

What do you think ? ;)

.
.
.





sama :
e7em e7em
see sama it's there in the draft
but inshalla after eid i will put my journey in the kitchen & what happend there loool .



.
.
.

نون النساء said...

a7la eng :

ابشري

ويكون اسمه
السعـــــــــــلوة سميـــــرة


:P


.
.
.


tweety :

لوووووووووول سكتي ترا انا صدقت

وصارلي من امس اسوي سيرج حق رقم تلفوووونها لووووووول بحاجيها

بس ماعليج يوميت وبطخ وانسى الموضوع

:P


.
.
.

elq87opi :

صاج
انا صرت ايديده
من كملت 25

:P

مشكووور

Anonymous said...

مراحب

مادري شاللي يابني عندج نون ... بس القصة عجيبة

انشالة انشوفج روائية .. و عندج كل المقومات ماشالله

كل التوفيج

تحياتي

Anonymous said...

جميل جدا
انتى معزومه على عيد ميلادى النهارده فى البوست بتاعى نورينا

نون النساء said...

life drama :

يا هلا ومرحب

روائية ما اعتقد
ولاحتى قريب منها

this is only spending out my time
:P

.
.
.

واحد من الناس :

واصـــل

Jeff said...

No place to post a comment on the Eid message, which is very nice, whether you did it or not. I like the 'Happy in white and the big 'Eid' that's so dark and big you almost don't see it at first...

Happy Eid to you, my friend Nonny...may joy fill your cup to overflowing!

سالفة قلب said...

كل عام وانتي بخير

وعساج من عواده يانون النساء

شَـــ ـوْق said...

كل عام وانتِ بألف/ألف خير :)

وعساج من عايدين العيد كل سنة وكل حول

:)

نون النساء said...

jeff :

ooooh , happy eid for you too jeff
& same lovley wish for you & more..

thanks my friend..

.
.


سالفة قلب :

وانتي ابخير ومن العايدين والفايزين ياارب
مشكووورة يا قلبيي


.
.
.


شوق النرجسية

وانتي من العايدين والفايزين يارب

وكل عام وانتي بخير

:*

طائر بلا وطن said...

كل عام و انتي بخير يا بنت النور

:)

هالله هالله بالشغل ما اوصيكم

:
:

و صح لسانج على الأبيات في الأعلى
:)

نون النساء said...

وانت بخير وصحة وسلامة يا طائر

من العايدين والفايزين يارب