Home

2 May 2006

ألعابنا شعبية







خخخخخ مادري ليش اتذكرت هالأغنيه مالت برناامج أطفال كنت اتابعه قبل
من طقة البرامج اللي قبل

مشهد منه

البنيه ام عناقيص " اهي مرة اكبر من أمي " :سمير يا سمير ما هذا ؟
سمير : إنها ..... وتطلع غيمة عند راسه مكتوب فيها
وردة
وررررررررررردة

و .... و

وسمير هذا يشبه فطوطة لووووووول


المناهل

.
.
.



مو هذا موضوعنا بس حطيته جذي عيارة
موضوعي اليوم عبارة عن الأغاني
والأناشيد اللي نرددها بأيام الطفولة ..
مو معروف مصدرها ولا الوقت اللي قيلت فيه لكنها موجودة في تراثنا

ممكن اكو بعض أغاني دخيلة لكنها كلها تنصب في محور " تراثي "


.
.

[1]

اتذكر لعبة كنا نصف صفين وكل صف يغني حق الثاني

صبحكم بالخير .. يالعمال العمالية

عطونا ابنيتكم الحلوة الجميلة
والله ما نعطيها إلا بألف ومية

ننزل على دياركم .. ونكسر دياركم
وهذي عروستنا الحلوة الجميله


.
.

[2]

تلعبها مجموعة من البنات نختار واحده عن طريق القرعه
علشان اتغمض اعيونها ونحلفها قبل لا تغمض عيونها ونختبر صدقها ونقولها :

جم بيضه بالمسيد
بيضتين
يعمي اعيونج الثنتين يوم الأحد والإثنين

واتغمض وتقعد تغني
حقرة بقرة خلي عمي يعد للعشرة
1
2
3
.
.

والباجي كلهم يدورون مكان يختفون فيه وتقعد البنت تدور عليهم
واللي تنصاد اتصير مكانها .

.
.
.


[3]

اللعبة الثالثة لازم يشتركون فيها بنات وايد

نقول فوق لاخمس تعش بنت علشان اتصير حلوة وكنا نقسم البنات عن طريق لعبة ثانية
الى مجموعتين عن طريق اختيار كلمة سر تتفق عليها بنتين واللي اهمه الزعيمتين

ويمسكون بإيدين بعض ويشكلون مثل الجسر تمر من تحته كل البنات
ويغنون :

باص باص باصينا
اللص اللص اللصينا
يوم العيد اتعشينا
اتعشينا فاصوليا واللحمة المشوية

اهني يتم اختيار البنت اللي انتهت عندها ا لأغنيه ويخيرونها تختار
بين كلمتين سر وبناء عليها تتكون المجموعة الأولى والثانيه

وينرسم بين المجموعتين خط
وتحاول كل مجموعة تسحب المجموعة المنافسه اتجاهها علشان يخسرون

هاهاهاهاهاهاها والله عبط
كانت تحصل إصابات لما البنات يطيحون على بعض

مشكلة اللي لابسين تنانير
ههههههههههههههههههههههههههههههههههه

.
.
.


[4]


سمبوسة يا سمبوسة وين كنتي محبوسة
محبوسة في العمارة نطت عليج الفارة
والفارة هندي هندي والليلة باتي عندي

.
.
.

[5]


اميرة بنت الشلبي
قاعده على المهلبي
شعرها أصفر ذهبي
تقرا حساب وعربي
ابوها احمر عصبي
اصطوب اصطوب اصطوب
اصطوب اصطوب


هذي كنا نلعبها على رصيف الشارع
ننط على حافة الشارع بريولنا ولازم البنات كلنا نوقف عند نفس
الريل واللي اتخربط تطلع


.
.


[6]


يا فاطمة
يا عائشة
ماتأكلي
حبة ذرة
ماتشربي
ماء الهنا
تفضلي
شكرا لكِ

عبارة عن نصف دائرة البنات اللي كونون على الطرف كل وحده اتغني حق الثانية
ولما تقولها تفضلي تمر البنت الأولى من بين بنتين ويصيرون البنات
أقصد البنت اللي مرو من تحت ايدها جنها تحضن نفسها
لووووووووووووووووول
شرباكه صراحة


.
.
.

[7]

يالكوكبا.. يالكوكبا
ما حلا لحم الضبا
ها خديجة وش بلاج؟
مابلاج إلا الكديش
اوليد عمج ما يبيج


ههههههههه صج نحاسة بس مادري حق شنو كنا نغنيها



.
.
.


شنو بعد تتذكرون ؟

11 comments:

lawyer said...

نون النسوه
متأكده ان عمرج 24 سنه
ترا فضحتي نفسج
انا اظن عمرج 44

نون النساء said...

هههههههههههههههه

لا بلا اربعه وعشرين :P

انزين شسوي بعمري هاذي العابنا على ايام الإبتدائي


ماعدا الأتاري طبعا لوووووووول كان الشغلة الحديثة بالنسبة

:P

طائر بلا وطن said...

الله على ذيك الأيام .. أدري مو من كبرنا
بس والله لحقنا على طقة هالألعاب

المناهل كان من البرامج المفضلة اللي ما
اطوفها و يحلى مع السدحة العصاري الى المغربية
بعد يوم دراسي متعب و واجبات تبط الراس
:D

تذكرون فرقة الفواكه .. فرقة الخضراوات

تذكرون البصلة و هي تغني

أنا البصل أنا البصل
أقولها بلا خجل

حتى هناك بين ربيعاتها درجة ثانية
ما سوت عليها هالبصلة
لوووول

بس تصدقين بعض الأغاني ما اعرفها و بعضها
أعرفها مع اختلاف بسيط في بعض الأحرف

كنا نقول

حدره بدره قولي ربي عد العشرة

ولا تسأليني يعني شنو لول

:
:

الصبيان العابهم مرتبطة ارتباط وثيق بالبراحة
و الرمل ابتداء من التيل مرورا بالمقصي و العمبر و حتى كرة القدم

ولا تشوفين الريل بنهاية اليوم
:D

و على فكرة لما كنا صغار كنا نلعب صبيان
و بنات حيْلة و مرات وايد يكون الملعب
بيتنا على اساس فيه حوش و مربعات عودة

:
:

صار شاي ضحى مو تعليق

اميرة بنت الشلبي
قاعده على المهلبي
شعرها أصفر ذهبي
تقرا حساب وعربي
ابوها احمر عصبي
اصطوب اصطوب اصطوب
اصطوب اصطوب
^
^
^
من اي تراث؟؟
@@

Яeema said...

أنا حدي الذاكرة ولت و راحت
هاهاهاهاهاهاهاها

أذكر السياكل بالفريج سيكل هونده أحمر

رييلي حافية و كل إطقوق


أتذكر شط بطط
و بعد أتذكر لعبة عنبر

شرطي حرامي

لعبة السيييير

كان يخلص الدوام و لما الحين نبي إنكملها




i am back with a new look

Unknown said...

انا اتذكر ان الجارى كنت احط فيه قوطى سانكست علشان يطلع صوت سيكل وقززززز
وطبعا العنبر يوم الخميس الصبح بالشتا
ومرة مشترين مضرب بيسبول شكو ما ادرى ما عرفنا اللعبة وقعدنا نلعب مقصى فيه لوووووووول
بس طبعا المفضلة حافى والدشداشة مجفوسة وطيحلة كره لى اذان المغرب

نون النساء said...

طائر :

انا اذكر اغنيه إبريق الشاي

:P

انا انا إبريق الشاي
إيدي كده وبوزي كده أصب الشاااي
وأرجع كده

لووووول


.
.

اميرة بنت الشلبي
والله مادري من وين
بس كنا نلعبها
:/

نون النساء said...

ريما :

أنا مثل الشياب
اتذكر قبل عشر سنوات
بس ما اتذكر عن امس
ههههههههههههه


وولكم بااك ريماا

نون النساء said...

مشاري :

ما اعرف العاب الصبيان

حدي إتيل

@@

DanDash said...

اااه يا نون ذكرتيني بالزي مضى ...

مو الحين عيالي بالروضة لا يطوفج شيقولون
ياشرون على خدودهم

اهني طمامة حمرا اهني طماطة خضرا اهني طقااني ( لاحظي طقاني ) عمي اهني طقاني خالي
و بعدين يحركون ايدهم مثل الهنود اشك شيكا اشك شيكا اشك شكيا ( هذي يعني ايقاعات مع دق رقبة )
و من اول السنة للحين مو قادرين يحفظون انا الذيب باكلكم و خروف مسلسل =S

حكاية روح said...

هههههههههههههههههههههههههههههههههه
حلوه نون
مثل الشايب اتذكر الي من 10 سنين وما اتذكر الي امس

والا عيالج دندش
ههههههههههههههههههههههههههههههههههه

انا نون ما اتذكر شيء
شكلي فاقده الذاكره
تذكرت بس لعبتين يمكن من الي كتبتي
عمري مثلج 24
انا وين كنت عايشه

نون النساء said...

^
^
^

دندش

هههههههههههههههههه اعيالج ايننون

طقاني

لوووووووول


ماشاء الله انا وانتي وروح كلنا نفس العمر

*^_^*




روح

ترا انا ياية من كوكب زحل
لايغرج المنظر هههههههههههه