اشتغلت فيها اسبوع
اتوقع لو اشتغلت عالديتيلز اكثر بتطلع احلى
3000×3500
وماكو تحميل خلاص
Photoshop cs3
Pictures : mirror frame / pattern in the carpet .
texture : 1
Designed by : Non-Alnesaa.2009
Work is under copyright law.Not to be Used without my permission
حلوه كثير يا نون
ReplyDelete:)
ماشالله مبين انه متعوب عليها
ReplyDeleteحبيت الشعر و نقشة الثوب
بس مسكينة ويهها مو وايد حلو
شعرها أحلى من ويهها
برايي المتواضع اجمل مافي اللوحه هي ظلال الاشياء
ReplyDeleteفبإعتقادي الفنان المتمكن هو من يستطيع ان يميز كل ظل على حده
المهفه وظلها
المرش
الصندوق المبيت
وبرايي المتواضع ايضا
انعكاس صورة الفتاة بالمرآع او المنظره وايضا المعازيم البنات بالجهتين وهو تقليد كان معروفا لدى الكويتيين الاصيلين
سلمت يداكِ سيدتي
اللوحه وليس جبينها كالبدر تاضي
وايد حلوة
ReplyDeleteأعجبتني حيل
------
أنا ملاحظ شي عندج إذا سمحتيلي
دائماً لما تعرضين رسمة أو تصميم لج تقولين ( بما معناه ) إنج ماشتغلتي فيه بدقة أو ما كملتيه مثل ماتبين
ليش ؟
مع إن تصميماتج ولوحاتج واايد حلوة ومميزة
بدون أي مجاملة
يعجبني الفنان اللي يخليني أبحث عن سر جمال اللوحة
ReplyDeleteفنظرت إلى المرآة
العلاقة بين الداخل والخارج
فكرة جميلة
تسلم الأيادي
ReplyDelete:)
ما أدري ليش الصورة معطيتني إحساس إن البنت بحرينية
:)
ملاحظة صغيرة : إنعكاس الصورة في المرايا لازم يكون بزاوية مايلة شويه يعني تعطي شوية من جنب البنت من الورا
أرجو أن لا تنزع الملاحظة فرحتج وبهجتنا بالصورة
:))
نون
ReplyDeleteالألوان تحمل الكثير من الدفء
فيها عراقة
احسها جنها طالعة من حزاوي يدتي
تدرين انا قاعده احضر حق قصة يديدة
اسمها فضة
اللوحة تصلح لها
:)
:)
ReplyDeletemashallah 3alich :*
do I see him in the mirror?
أنا أيضا من رأي براك و سولوجا بولوجا
ReplyDeleteبس ما أدري .. أنا ما أشوف المعازيم؟؟
!!
اللوحة جدا رائعة
و المرآة اعطتها بعد ثالث .. جدا جميل
كأنها تشي بالخفي من المشهد .. أو تصوّر
ما لم ترسميه أنت أو تقصدي أن تكشفيه
و الإنسان كائن فضولي بطبعه
لديه شغف المعرفة و حب الإطلاع
و هذه المرآة هي الواشي
بشيء من غموض
يشفي الفضول
و يستحث المزيد منه
!!
منذ الصغر و أنا أعشق المرايا و المخابئ السرية
و المغامرات التي أخوضها مفردا
و منها
الصعود إلى سطح المنزل و مراقبة الجيران و المارة
و السفر مع الأضواء .. البعيدة جدا
لا أدري يا نون
هناك احساس مشترك استحضرته لوحتك
!!
سارة :
ReplyDeleteعيونج الحلوة
.
.
.
بلوغرسيتا :
انا تعبت نفسيا من قذلتها
بس يبيلها شعر فلبن
بعدين عالويه مشيها لي هالمرة
مو زين حطيتلها حلج وخشم وعيون مبطله
العادة بس عيون
لا خشم ولا حلج
X_X
.
.
barrak :
مشكور براك
التفاصيل الصغيره تعطي جماليه لكل شي
حتى لو كانت بسيطه
بس ترا ماكو معازيم
.
.
.
7osen :
لأن دايماً لما اطالع شغلي
القى وايد أخطاء
لكن مشكلتي اذا شلت ايدي عن شي
نفسياً ما اعود قابله اني اعدل فيه أي شي
فدايما اسبق الإنتقاد مع كل شغل
ترا اللوحة فيها جم غلطه
.
ReplyDelete.
.
سلوجا بلوغا :
عشان توصل بشكل كلي
لازم حلقة وصل مابين داخل الداخل وخارجه
الحمدالله انوي وصلت ولو لجزء بسيط منه
.
.
.
بنت دار عزيزة العامرة :
بحرينية ؟؟؟
هههههههههههههه
ترا الإحساس يبدو كان عفوي
وماقصدته أبداً
بس بحرينية ولا كويتية
القلب واحد
وخليجنا واحد
:p
بعدين بالعكس حلو انج تنبهيني لهالنقطه
بعدين ترا اكو شغلات غير اللي قلتيها انا ناسيه اسويها وما انتبهت لها إلا عقب ما خلصت
طلعيها اذا بنات دار عزيزة عندهم قوة ملاحظه
:p~
.
.
.
الزين :
حلالج يا الشيخه
بس كملي صوصا
عشان نبدا بالفضه
:**
.
.
.
Someday :
Yep .. you do .. :P~
.
.
.
Anon :
أتوقع انت/ انتِ
كفيتي ووفيتي
بما لم استطع ان اقوله
او اكتبه
شكرا
بعد إذنج نون
ReplyDeleteتعليق على تساؤل
anonymous
على جزئية المعازيم اللي شافهم براك
الخيال الجميل اللي عند براك
جعله ينظر خارج إطار اللوحة
فشاهد ما لم يشاهده معظمنا
بس هذي الملاحظة
:)
أما مسألة الداخل والخارج فاللوحةأعطني أربعة أبعاد للمشاهدة
البعد الأول
جمالية العين من خلال الألوان والضوء والظلال
البعد الثاني
لصاحب الخيال الخصب مثل براك
اللي مو بس شاف المعازيم
أكيد سمع صوت الطيران والطقطقة وشم ريحة بخور بعد
:)
البعد الثالث
الفتاة نفسها
ملامح الوجه
حركة اليدين اللتين تنتظران المضاعد أو الأساور
وما أدري إن كانت من الذهب أو من شي آخر
إضافة إلى عدم وجود ظل للفتاة
أما البعد الرابع
وجدته في المرآة
ولن أطيل أكثر
هذرت بما فيه الكفاية
لصاحب الخيال الخصب مثل براك
ReplyDeleteاللي مو بس شاف المعازيم
أكيد سمع صوت الطيران والطقطقة وشم ريحة بخور بعد
يا بخت الديزاين
:)
ماشاء الله عليج ...
ReplyDeleteاللوحات الفنية تكمن جماليتها في روح الفن الذي يبثه الفنان في اللوحة ..، ثم أراكِ عزيزتي تطوّعين برامج التصميم في أعمالكِ الجميلة ...
بغض النظر عن أي شيء ، لكِ أنامل ذهبية تمزج الألوان بأفكارها بشكل مميز جدا....أدعو الله بدوام ألقكِ
دمتِ لمن تحبي..
روميه
غلطانة..المفروض توزعين نسخ مطبوعة على كنفاس و مبروزه:)
ReplyDeleteاحد يحط شغلة بهاى رزلوشن على النت
----------------
اشتطيت ادرى
من جمال الشغل
رومية :
ReplyDeleteشكرا لك اختي
من زمان كنت حابة احد شي
يكون من صميم البيئة الخليجية
كنوع من التغيير
اسمك وايد حلو على فكرة
:)
.
.
.
بو مريوم :
كأني بشيل الملف
كان عندي كذا عمل وأبي اطبعهم
دقيت على مطبعة اعرف فيها شخص هناك وما فهم شنو أبي بالظبط لان أبي كانفاس مو ورق مقوى والمشكلة الثانيه انهم يتعاملون بالكميات مو كذا قطعه
وبعدها نسيت الموضوع
يبيله
شكراااً
والخد ياضي لا برق وسمية :)
ReplyDelete^
ReplyDelete^
^
قبل جم يوم كنت افكر بتصميم
حق اغنيه البوشية
:)
يبيله
والله حلووو
ReplyDeleteانتي فنانه يانون
بصراحه كل لمساتج انيقه كشخصج ...
اسجل اعجابي بكل ماهو جديد
:)
ما شاء الله عليج
ReplyDeleteعليمني كوني الحين فاضي وخلصنا من الكشري وسنينه :P
مرآة الزمان :
ReplyDeleteحيا الله من عادت
اختفيتي فترة
مشكوورة حياتي
.
.
.
بلوق عمتك :
انا خبري انت والعمه ضليعين بالفوتوشوب
المفروض العكس
من ناحية التعليم
يا حلو جوّج
ReplyDeleteأنا ويني عنج من زمان !
بارك لله فيج
ReplyDeleteحلو الغبداع مع الإلتزام بالهويه
يعطيج العافيه إبداع بصراحه وتسلمين يارب العالمين
ReplyDeleteشاي أخضر
ReplyDelete:)
حياج الله
.
.
4:
أكيد طبعا
.
.
.
la femme :
مشكوورة حبيبتي