Home

▼

27 Sept 2008

صلاة الحريم بالمسيد




الله اكبر

لو سمحتي اختي ... يابنت روحي منيّه ... سارة تعالي اكو مكان... سسسسسس ....سسسسسسسس....
 ههههه ( ضحكة عالخفيف تأتي من الصفوف الخلفية )....واااااااااااااااااااااااااااء وااااااااااااااااااااااااااااااااااااااء وااااااااااااااااااااااااااااااااااااااء

سمع الله لمن حمد

سسسسس.....سسسسسس.سسسسسسسس آآتشوووووو.... كحكحكحكحكح...آآآتتتتتششووووووووو

الله اكبر

ثنتين يخطرون فوق راسج وانتي ساجده

الله اكبر


نفسهم الثنتين يخطرون فوق راسج يبون يردون مكانهم


سسسسسسسس...سسسسسسسسس وااااااااااااااااااااااء وااااااااااااااااااااااااااااااااااااااااااااااااااء ( وحده يايبه البيبي )

سندر راسي طول الصلاة يبجي ...

وكح كحكحكح.....آآآآتشوووو


السلام عليكم ورحمة الله ...
 السلام عليكم ورحمة الله


 ما امدانا خلصنا الركعة
وكل ثنتين حطو روسهم بروس بعض وسوالف وسوااااااااااالف  وسوااااااااااالف لا تنتهي




اقوم بييبلي ماي ... واطالع الحريمات ويا بناتهم

- وحده فل ميك أب ويايه كاشخه على سنقة عشرة

- الثانية وايد بالهون بس خاطة كحلتها ( عجيبة كحلتها مو سايحه عاد استحيت على ويهي وما سألتها أي ماركة بس كنت بمووووت بعرف شنووو وليش ما تسيح اشمعنى أنا
 )

- وحده يايه تبرق من فوق لي تحت من  الشوارفسكي

- أخيييييييييييييه على صبغة الأظافر

طبعا غير اللي تركع نص ونص عشان لا يطيح قوطي البرنجلز اللي معلق براسها



مت من القهر وأرد مكاني ألتفت حق منى : اقول منى انا باجر بييب معاي دله قهوة وشاي وانتي عليج صحن الحلو  ..
المرا غشت ضحك ....

 وانا عند ربي صاجة

ترا فعلاً انتوا يالحريم مو مال مساجد
قعدو ببيوتكم وايد ابرك لكم

ماكو فايدة


الله اكبر

واغمض عيوني عشان اركز
أبي اخشع لو اشوي بس

ونطلع من المسيد
وبقلبي حلطومة عوووووده




عسى ربي يرحمنا برحمته ويغفر لنا
ويعتقنا من النار ويجعلنا من اهل الجنة 
آمين 

17 comments:

  1. الجوري27.9.08

    LOL

    يلا هم زين يروحون مسيد
    احسن من غيرهم
    كل عام وانتي الي الله اقرب

    ReplyDelete
  2. ZooZ "3grbgr"27.9.08

    عندنا وعندج خير
    الظاهر كل الحريم بكل المسايد
    انا كنت اتحلطم على اختي واقولها ماني قادرة اقرى الحمد
    اهم شي اللي حاطه صبغ
    تهقين توضت بالبيت وحطته
    حدها فراغه

    ReplyDelete
  3. Unknown27.9.08

    استغفر الله شنو هالصلاة

    يعني مشكلة الصلاة عند بعض الناس صارت عادة
    يعني تروح لتكملة واجب وانها تصادف فلانة وعلانة

    مشكلة عسي الله يصلح الحال

    ReplyDelete
  4. نون النساء27.9.08

    الجوري :

    والله يالجوري حرام
    ماغير ازعاج حق المصلين

    على قولتج
    أفضل الأسوأ

    :)




    .
    .


    Zooz :

    صاجه
    فراغه
    انا اذا بطلع زوارة أتعايز أروح.. عشان لا احط ميك أب..
    هذيله ما شاء الله بالهم طويل

    :P


    طافج ..
    الخاتم كرستاله نفس لون الصبغة
    lool

    .
    .
    .


    Mishari :

    عسى ربي يصلح الحال
    آمين

    ReplyDelete
  5. Anonymous27.9.08

    loooooooooool

    so true ,,

    ana a9ali bel beit ..ma36ya roo7i el 3afya w faka nfsi ..

    ReplyDelete
  6. عثماني27.9.08

    حالة

    حتى بالمسيد ما نكون على طبيعتنا

    ماكو احترام حق المكانو لا الزمان

    :(

    ReplyDelete
  7. عبدالرزاق27.9.08

    ههههههه

    موشئ يديد على بعض الحريم

    ReplyDelete
  8. منال العنزي27.9.08

    مساؤك ورد

    السيناريو أعادني إلى ليلة 25
    كما الأحداث

    والمضحك أنهن يستغفرن ربهن بتحريك شفاههن ولكن الأعين تقزف إلى الأخرى

    دمت بحب وأتابعك بشغف

    ReplyDelete
  9. حياتي هدف مو عبث27.9.08

    شدني الموضوع :p

    عندنا وعندج خييير كااتبة عنهم
    ترى حااسة فيج لان شي يقهرررر

    :(

    http://laatifaah.blogspot.com/2008/09/blog-post_26.html

    ReplyDelete
  10. Najmah28.9.08

    انا في شي صج ينرفزني
    لما اكون واقفة اصلي
    واتيي وحدة تمر جدامي اللي بيني وبينها شبر
    انزين في ممر تطوفين فيه
    يعني ليش تقطعون على الناس
    :\

    تقبل الله طاعتج
    وآمين يارب

    ReplyDelete
  11. Fahad Al Askr28.9.08

    روحي مسيد سلف

    ReplyDelete
  12. charisma28.9.08

    حبييبتى انتى
    تقبل الله طااعتج ومن عواده

    عيدج مباارك
    :**

    ReplyDelete
  13. نون النساء28.9.08

    cat :

    إلا ما تولهين على الروحة
    وتقبل الله منج أخيتي


    .
    .
    .

    dalal :

    لاااااا
    ترا ما ارضى عليهم

    :P


    .
    .
    .


    عثماني :

    امس كانوا عجّال


    .
    .
    .

    منال العنزي :

    برضوا امس كانوا عجّال
    وبيني وبينج ما دققت عشان لا اشتط..

    وحياج بينا مدونة
    ونبي نشوف المزيد من لوحاتج في المدونة


    .
    .
    .


    حياتي هدف مو عبث :


    لا انا عالخفيف
    إنتي الله يعينج


    .
    .
    .

    ReplyDelete
  14. نون النساء28.9.08

    Najma :

    شكلنا رايحين نتهاوش مع الأوادم

    .
    .
    .

    fahad al askar :

    غير ؟؟؟



    .
    .
    .


    كاريزما :


    يا مطول الغيبه
    منا ومنج يااارب

    وعيدج مبارك مقدماًًًً

    ReplyDelete
  15. abderrahman28.9.08

    :)
    نجحتي في رسم المشهد

    ReplyDelete
  16. nikon 825.10.08

    لفت نظري هالبوست من طرافته المؤلمة وتصدقين إن مرة وأنا طالعة من المسجد لفت نظري (كرم السامع) جوتي بوت بورقبة طويله وكعبه عالي بعد مع الجواتي وقلت في قلبي صج فايقه ورايقه أم البوت إحنا ندور اللي ينلبس بسهاله وما يسبب زحمة لما نطلع وإختنا المصليةأم البوت الله أعلم بقصدها

    ReplyDelete
  17. أم مجبل23.11.08

    صدقتي يا نون النسوة...
    لا حول ولا قوة إلا بالله...

    آنا أكثر شي يعل جبدي هو الفراغات في السطرة الوحدة... تلاقين الصف الواحد ممتلي بس على اليمين و مهدود بالنص و راجع ممتلي على اليسار...
    آنا ألاقيني أول ركعتين بآخر سطرة، وكل ما نسلم أجدم صف إلى أن أصل للصف الثاني :)))
    ما يبقى داعية ما قالت إن الله لا ينظر للصف المعوج فما بالكم الغير مكتمل؟؟

    والحريم عمك أصمخ....

    ReplyDelete