Home

11 Mar 2006

الى أبي مع التحيه




من متى هان عندك انام وخاطري منك مكسور
ومن متى سهله تشوف الغلط وماتقوّم اعوجاجه
ومن متى صار ابتعادي عنك من تفاهات الأمور
حتى ما تجي داري وتقول يابنتي هو فيج حاجه؟

يايبه كثّر الله خيرك مابي منك شي ومــشكور
لكن تراني وصلت في حزني الى عنق الزجاجه
رايقه ايه وابتسم بس الوضع في داخلي مخطور
وشـلون ترضالي الـظما وبيدك من الما ثجاجه

لاتخليني احفر في جدار الجرح وديان وبحور
وانت الذي تملك تهـده واتعـجـل بانـفراجه
صرنا مثل الغُرب والحجي مابيننا محــصور
مستحل فينا البرد ودرب الوصل مطفي سراجه

طلبتك.. يبه وانا ادري انت ما منك اقــصور
طلبتك..لاتخلي زماننا يدور ويعمينا عجاجه
عسى ربي يهدي ويبعد عن قلوبنا كل اشرور
وعساني ماقول لغير جلالته انا لك محتاجه


.
.

نون

10/3/2006

19 comments:

7saweya said...

صح لسانج
امبي وناسه ترا حده حلو

صباحك سُكّر said...

نون


عسى الله لا يحوجج الا له سبحانه

لكن لا تنسين الجنه مفتوحة بدعوة رضى منهم لنا .. فلهم الولاء والطاعه مهما حصل ..

لو تسئليني او تسئلين اي احد فاقد لحنانهم بيقولج ابيع كل الي املك بساعه يمهم اشم ريحتهم واتلمس حنانهم عسى يدعون لي بساعه استجابة واكون ممن يقول لهم رب العزة ابشروا بروح وريحان ورب راض غير غضبان

3ateeja said...

ويييييييييييييه فيه حجي حجي وايد

هذي صج يبيلها رسمه بتطلع صج لوحة مشاعر فياضه :(
نون صعب الابو ينسى عياله
لكن الاصعب ان لعيال ينسون ابوهم
فكري بكلامي

حــلم said...

جميلة ومعبرة

نون

مدونتك رائعة

تابعتك قديما

وتاه منى العنوان فترة التجديد

من قرائك دوماً

ان شاء الله

طائر بلا وطن said...

هذا زمانك و الزمن من يومه يدور
من شرب عذب الما يشرب هماجه

نمسي على ظلمه و نصبح على نور
من بطن الدجى تهل الشمس وهّاجه

ان كنت معتل و مقبل ايامك دبور
هذا البلا من اول و صبرك علاجه

و الأب بستان ارضه ابد(ن) ما تبور
مازين العرش يا نون غير تاجه

يا عسى هم(ن) ينجلي و يحل السرور
دعوة من قلبي سرت للسما عرّاجه
:
:
الصبر مفتاح الفرج و ما عقب الضيق إلا سعة
:)

Anonymous said...

وشـلون ترضالي الـظما وبيدك من الما ثجاجه

+++++++

حلو حيل صح السانك

Taher said...

لاتخليني احفر في جدار الجرح وديان وبحور
وانت الذي تملك تهـده واتعـجـل بانـفراجه
صرنا مثل الغُرب والحجي مابيننا محــصور
مستحل فينا البرد ودرب الوصل مطفي سراجه

دى اكتر الابيات اللى كان ليهاتاثير فى نفسى صراحة

على فكرة دى تالت مرة اعلق فيها والكومنت ما يظهرش
هو فيه مشكلة فى الكومنتس
؟؟؟؟؟؟؟؟؟؟؟؟

حــلم said...

أكيد فيه مشكلة يا طاهر
انا كمان من امبارح باحاول

دة من كتر اعجابى بالقصيدة
وبالمدونة ككل
نون
معجبة جدا

Eve said...

ياه، اشتقت فعلاً لهذه المدوّنة :)

صباحك سكر said...

نون


لا تعليق!!

change destiny said...

رقيقة و طفولية :)

Ruby said...

mashallah 3aleech ..

أكثر من رائع ..

لكن ما أقول إلا عسى الله يجمع كل أب و أم بعيالهم .. لأن البعد يولد جفــــــــــــــا

سئليني عنه !؟

:((((

~ se3loah ~ said...

:'(
الله يخليه لك يارب
عورني قلبي

مســــــافر said...

والله الأب يستحق أكثر من ذلك بكثير

ولكن مبارك لوالدك إبنه باره مثلك

حفظك الله ذخرا لوالديك وجعلك باره

بهما

مســــــافر said...
This comment has been removed by a blog administrator.
sarah said...

ماشاء الله اسلوب رائع وقصيدة اكثر من روعة وخاصة:
وشـلون ترضالي الـظما وبيدك من الما ثجاجه
وووااااااووو
يعطيك العافية
Sarah

EsTeKaNa said...

صح لسانج

تصدقين احس الكلام من بساطته وعفويته يدش القلب بسرعه
خاصه ان يتعلق باغلى انسان وهو الوالد
مهما قسى وزعل وابتعد
تظلين انتي البنت الحنونه اللي ماله سواج
يعطيج العافيه
:)

Enter-Q8 said...

سبحان الله

لو انك ما كنتي سامعه كلامي هل كنتي تتوقعين

الله يوفقك

mishari said...

لا اشعر ما تشعرين فيه لفقدانى ابوى وانا فى سن السادسة ولكن احسست بمشاعر صادقة مترجمة عبر كلمات شعرك
اكثر من رائعة كتابتك وصورة سعاد حسنى تخلينى اعرف شخصيتج :)

لكن اعلم يقين العلم ان لو كانت الام عامود البيت فالاب هو البوابة التى تمنع اى شر عنه
عسى الله يسمح دروبهم ويرحمهم بالدنيا والاخر ويضاعف حسناتهم 10 مرات وانا وياهن :)