مدونة نون النساء

رأيت فيما يراه النائم وكأني كنت في قرية السنافر وكان بابا سنفور يسولفلي ولابد يمه سنفور غضبان ان هالقرية كانت عبارة عن دولة اسمها الكويت ههههههههههههه ياربي وينتقل المشهد مع صوت بابا سنفور في خلفية المشاهد وقعدت اشوف الكويت عبارة عن حي راقي شوارع نظيفة ومرتبة وناس راكبه قاري وماكو سيايير وكلها خضرة وانا اطالع الخضرة ولا ريال لابس تريننغ رمادي وبأذونه أيبود وقاعد يركض يعني يسوي رياضه وجدام اشوي كان اكو كافيه وجدامه قعده حلوة وفيه وحده الله يهديها لابسه كأنها رايحه سباق خيول ملكية ببريطانيا وماسكة سيجاره بإيدها كان ستايلها ستايل أودري هيبورن الظاهر اطلعتلي بالحلم لاني احب ذوقها بس قبعتها كانت دماااااااااار وايد حلوة وكان يسولفلي شلون كانت الكويت ماسكة دفة الريادة في الخليج وما إلى ذلك من سوالف كتاب الإجتماعيات مال المتوسطه .









وتنتقل الكيمره الى مطعم شرشبيل واهو قاعد يصعد الدري الصغير عشان يدش المطعم وكان معصب وسولفلي بابا سنفور ان الكويت تحولت الى قرية السنافر بسبب اختبارات شرشبيل الكيماوية اللي كان يشتغل فيها في سراديب المطعم ( على فكرة ورى مطعمه كان اكو محل الكنفاني هههههههههه ) المهم واشوف شرشبيل داش المطعم معصب ويتحلطم ويتوّعد ( سأقضي عليكم جميعااااااااااااااان ) بس منو؟؟ مادري؟؟ اهو دش المطعم وتعليق بابا سنفور يقوللي : هاهو الآن يدخل ومن هنا يا ابنتي سوف يتغير تاريخ الكويت بعد الإنفجار الذي سيحصل حيث ستتفاعل كل المواد التي خزنها شرشبيل وسنتحول جميعنا الى سنافر رررر..>>> صوت صدى




عاد قعدت من النوم قبل لا اشوف الإنفجار وقبل لا اتحول الى سنفووره وياهم بعد ..

-1-

أقوى من الشدّة

حصيلة مكالمة مليقة

جياكر



.
.


.

اممممممم
مو من بُنات أفكاري لكن شفتها في أحد الجاليريات
وأعدت رسمها أفضل واكثر تحسيناً وفيها إضافات
من عندي...كان مفترض تكون بالفوتوشوب
بس مالي خلقه



.
.
.

مو تابعه للمكالمة

Ref. Used her

نون